Արքատի Պետրոսեան
Արքատի Պետրոսեան | |
|---|---|
 | |
| Ծնած է | 23 Նոյեմբեր 1933 |
| Ծննդավայր | Բռնակոթ, Սիսիանի շրջան, Հայաստանի Խորհրդային Ընկերվարական Հանրապետութիւն, Անդրկովկասի ԽՖՍՀ, Խորհրդային Միութիւն |
| Մահացած է | 2013 |
| Մահուան վայր | Երեւան, Հայաստան |
| Քաղաքացիութիւն | Հայաստանի Խորհրդային Ընկերվարական Հանրապետութիւն |
| Կրթութիւն |
Փանոս Թէրլեմէզեանի անուան գեղարուեստի ուսումնարան Երեւանի Պետական Գեղարուեստաթատերական հիմնարկ |
| Մասնագիտութնիւն | գեղանկարիչ |
| Անդամակցութիւն | Հայաստանի Նկարիչներու Միութիւն |
Արքատի Պետրոսեան (23 Նոյեմբեր 1933, Բռնակոթ, Սիսիանի շրջան, Հայաստանի Խորհրդային Ընկերվարական Հանրապետութիւն, Անդրկովկասի ԽՖՍՀ, Խորհրդային Միութիւն - 2013, Երեւան, Հայաստան), հայ գեղանկարիչ եւ արուեստագէտ։
Կենսագրական գիծեր
[Խմբագրել | Խմբագրել աղբիւրը]Ծնած է Սիւնիքի մարզի Բռնակոթ գիւղը: Ան 1951 թուականին ընդունուած է Փանոս Թերլեմեզեանի անուան գեղարուեստի ուսումնարանը, ուր աշակերտած է Հայաստանի վաստակաւոր նկարիչ Մկրտիչ Քամալեանին:
Տարի մը ետք, 1952-1955 թուականներուն ծառայած է խորհրդային բանակէն ներս:
Բանակէն վերադառնալով, 1960 թուականին ընդունուած է Երեւանի Գեղարուեստի եւ թատերական հիմնարկի նկարչութեան բաժին, ուրկէ շրջանաւարտ եղած է 1965 թուականին։
1970 թուականին եղած է Հայաստանի Նկարիչներու միութեան անդամ, իսկ 1980-1984 թուականներուն նոյն միութեան փոխ-նախագահը։ Երկար տարիներ վարած է ուսուցչութեան պաշտօն Երեւանի Գեղարուեստի պետական ակադեմիայի մէջ[1]:
Գեղանկարներ
[Խմբագրել | Խմբագրել աղբիւրը]Պետրոսեան հեղինակ է բազմաթիւ դիմանկարներու եւ գեղանկարներու, որոնք շատ անգամ հրատարակուած են մամուլի էջերուն մէջ. անոնցմէ է «Հազարան բլբուլ» հեքիաթի նկարազարդումը, որ լոյս տեսած է «Արուեստ» ամսագիրի մէջ:
Անոր յայտնի գործերէն են.
- «Տարբեր ներկայացումներ»ը (1974),
- «Դարեր շարունակ» նկարաշարը (1985),
- «Հանդիպում»ը (1989),
- «Հաւատքի ճանապարհին» (2001) եւ այլ գործեր:
Ցուցահանդէսներ
[Խմբագրել | Խմբագրել աղբիւրը]Պետրոսեան բազմաթիւ անհատական ցուցահանդէսներ ունեցած է Երեւանի, Լիզպոնի, Գերմանիոյ, Էսթոնիոյ, Ռուսաստանի, Իտալիոյ, Ուքրանիայի, Ամերիկայի Միացեալ Նահանգներու մէջ եւ այլուր:
Պարգեւներ
[Խմբագրել | Խմբագրել աղբիւրը]Նկարիչը արժանացած է․
- Սայաթ Նովայի 250-ամեակին նուիրուած ցուցահանդէսի առաջին մրցանակին՝ 1959 թուականին,
- 2003 թուականին «Վահագն Յովնանեան»ի մրցանակաբաշխութեան առաջին մրցանակին[2]:
Ծանօթագրութիւններ
[Խմբագրել | Խմբագրել աղբիւրը]- ↑ «AV Production - Արքադտի Պետրոսեան»։ avproduction.am։ արխիւացուած է բնօրինակէն-էն՝ 2021-06-23-ին։ արտագրուած է՝ 2022-03-11
- ↑ «ՀԱՅԿԱԿԱՆ ԱՆՑԵԱԼԷՆ ՊԱՏՄՈՒԹԵԱՆ ՄԷՋ ԱՅՍՕՐ»։ www.jamanak.com։ արտագրուած է՝ 2022-03-11