Արամ Կէօքճեան
 | |
|---|---|
| Ծնած է | 1891 կամ 1893 |
| Ծննդավայր | Սիս, Ատանա, Թուրքիա |
| Մահացած է | 14 Ապրիլ 1944 |
| Մահուան վայր | Աթէնք, Յունաստան |
| Մասնագիտութիւն | բժիշկ |
Արամ Կէօքճեան Գրիգորի (Կէօնճեան, 1891 կամ 1893, Սիս, Ատանա, Թուրքիա - 14 Ապրիլ 1944, Աթէնք, Յունաստան), հայ բժիշկ։
Կենսագրութիւն
[Խմբագրել | Խմբագրել աղբիւրը]Արամ Կէօքճեան ծնած է 1891/1893 թուականին, Ատանայի նահանգի Գոզանի գաւառի՝ Սիս քաղաքին մէջ։ 1907 թուականին նախնական կրթութիւնն ստացած է Սիսի՝ Յովհաննէս Խերոյեանի ղեկավարած Ազգային վարժարանին մէջ։
1907-1910 թթ. ուսանած է ամերիկացի միսիոներներու՝ Տարսոնի Սեն Փոլ գոլէճէն ներս։ 1910-1914 թթ. ուսանած է Պէյրութի՝ Սեն Ժոզեֆ Ֆրանսական համալսարանի բժշկական ֆակուլտետէն ներս։ 1914 թուականին, Առաջին համաշխարհային պատերազմն սկսելուն պատճառով, զօրակոչուած է Օսմանեան բանակ եւ ծառայած է որպէս զինուորական օգնական բժիշկ։ Սուրիոյ մէջ մեծ օգնութիւն ցուցաբերած է հայ տարագիրներուն։
Բանակի հետ, զանազան վայրերու մէջ ծառայելէ ետք, Երուսաղէմի ռազմաճակատին՝ գերի ինկած է անգլիացիներուն, որոշ ժամանակ բանտարկուած է Սէյտի Պէշիրի բանտին մէջ։
Ազատուելէ ետք՝ անգլիական բանակին մէջ, ծառայած է որպէս օգնական բժիշկ։ Այնուհետեւ մի քանի տարի աշխատած է Կ. Պոլսոյ, Պէյրութի, Մերսինի մէջ։ Անգլիացիներու՝ Կիլիկիայէնն հեռանալէն կարճ ժամանակ յետոյ, տեղափոխուած է Կիպրոս, այստեղէն ալ՝ Ֆրանսա։ Երկու տարի Ֆրանսայի տարբեր բժշկական հաստատութիւններու մէջ կատարելագործած է բժշկական գիտելիքները։
1921 թուականին՝ Փարիզի մէջ, ստացած է բժշկական վկայական (Diplome superieur d’hygiene), որուն արժանացած առաջին հայն է՝ իբրեւեւ մանկաբարձ, կանանց եւ մանկանց հիւանդութիւններու մասնագէտ։
1948 թուականի դրութեամբ, բնակած է Կիպրոսի Լառնաքա քաղաքին մէջ եւ եղած՝ ճանչցուած ու յարգուած բժիշկ։ Դպրոցական տարիներ շարունակ մեծ սէր ունեցած է՝ գիր ու գրականութեան հանդէպ։
1909 թուականին՝ Կիլիկիոյ կոտորածներուն առթիւ, գրած իր բանաստեղծութիւններու ժողովածուն, հրատարակած է «Եստա» ծածկանունով։ Բժշկական հանրամատչելի յօդուածներով թղթակցած է յունահայ պարբերական մամուլին, եղած է թերթի խմբագիր։
Սպանուած է 1944 թուականի Ապրիլ 14-ին, Աթէնքի մէջ՝ 52 տարեկան հասակին։
Աշխատութիւն
[Խմբագրել | Խմբագրել աղբիւրը]- Ցուրտ կիթառ, Սթամպուլ, 1909։
Գրականութիւն
[Խմբագրել | Խմբագրել աղբիւրը]- Քէլէշեան Միսաք, Սիս Մատեան, Պէյրութ, 1949։
- Յովակիմեան Բ., Հայոց ծածկանունների բառարան, Երեւան, 2005։
Աղբիւրներ
[Խմբագրել | Խմբագրել աղբիւրը]- Յարութիւն Մինասեան, Օսմանեան կայսրութիւնում Թուրքիայի Հանրապետութիւնում բռնաճնշումների եւ ցեղասպանութեան ենթարկուած հայ բժիշկներ, Երեւան, «Լուսաբաց», 2014 — 520 էջ։