Անուշ Նագգաշեան

Անուշ Նագգաշեան
Ծնած է	22 Նոյեմբեր 1961(1961-11-22) (63 տարեկան)
Ծննդավայր	Գազա, Պաղեստին
Քաղաքացիութիւն	Իսրայէլ
Ուսումնավայր	Սրբոց Թարգմանչաց Վարժարան Երեւանի Պետական Համալսարան
Մասնագիտութիւն	գրագէտ, բանաստեղծուհի

Անուշ Նագգաշեան (22 Նոյեմբեր 1961(1961-11-22), Գազա, Պաղեստին), սաղիմահայ բանաստեղծուհի, բանասիրական գիտութիւններու թեկնածու:

Կենսագրական գիծեր

Ծնած է Պաղեստինի, Կազա քաղաքին մէջ: 1967-ին հրեա-արաբական պատերազմէն ետք ընտանիքի հետ տեղափոխուած է Երուսաղէմ։

1979-ին աւարտած է Երուսաղէմի Սրբոց թարգմանչաց երկրորդական վարժարանը, 1984-ին՝ Երեւանի պետական համալսարանը։

1985-ին մեկնած է Անգլիա, հետեւած է «Փիթմընզ քոլեճի» անգլերէնի եւ թատերարուեստի դասընթացներուն։

1995-ին ԵՊՀ-ի մէջ «Ֆրիկի կեանքը եւ ստեղծագործութիւնը» թեմայով պաշտպանած է գիտական ատենախօսութիւն եւ ստացած է բանասիրական գիտութիւններու թեկնածուի գիտական աստիճան։

1995-2007 թուականներուն Երուսաղէմի Սրբոց թարգմանչաց վարժարանին մէջ դասաւանդած է հայոց լեզու, գրականութիւն, գրաբար, հայոց պատմութիւն եւ մատենագիտութիւն, եղած է մշակութային միջոցառումներու պատասխանատուն։

1991-98 թուականներուն եղած է Եկեղեցիներու համաշխարհային խորհուրդի խորհրդական։

2015 թուականէն «Ծանօթանանք հայ Երուսաղէմին» հաղորդաշարի հեղինակն ու հաղորդավարն է։

Աշխատութիւններ

Լոյս ընծայած է․

• «Սիրոյս տաք շունչէն» (1993թ.),
• «Գիշերային պատարագ» (1994թ.),
• «Անձրեւոտ սէր» (1998թ.),
• «Խաչուած սէր» (2000թ.),
• «Եթէ յանկարծ տեսնես իրեն…» (2003թ.),
• «Հատընտիր» (2004թ.),
• «Փոքրիկ աղջիկը… Մեծ երազով» (2009թ.),
• «Ես հայ եմ» (2013թ.) ժողովածուները։  

2013 թուականին լոյս տեսած է անգլերէն թարգմանութեամբ բանաստեղծութիւններու գիրքը՝ «Love & Torment», 2016 թուականին՝ «Այդ սերմը ես էի» գիրքը, 2011-2013 թուականներուն՝ «Անդրադարձ ամսաթերթը»։

Պարգեւներ

Արժանացած է տարբեր պարգեւներու՝ Հայաստանի գրողներու միութեան ոսկէ մետալի, Հայաստանի վարչապետի յուշամետալի եւ Մովսէս Խորենացիի մետալի:

Արտաքին յղումներ

• ՍԱՂԻՄԱՀԱՅ ԱՆՈՒՇ ՆԱԳԳԱՇԵԱՆ. «ԳՐՈՂԸ ՈՒՆԻ ՄԷԿ ԱՌԱՔԵԼՈՒԹԻՒՆ. ՏԱԼ ԳԵՂԵՑԻԿՆ ՈՒ ԲԱՐԻՆ»