Քոլարես (Սինթրա)

Քոլարես
Քաղաքային թեմ (freguesia)
	Քոլարես
	Colares
	Ազենհաս տօ Մառ, Քոլարես
Երկիր	Փորթուկալ
Երկրամաս	Սինթրա, Փորթուկալ
Տարածութիւն	33,07 քմ²
ԲԾՄ	89 մեթր
Բնակչութիւն	7 628 մարդ
Կը գտնուի ափին	Ատլանտեան ովկիանոս
Ժամային գօտի	UTC+0
Հեռախօսային ցուցանիշ	219
Փոստային ցուցանիշ	2710
Սուրբ բարեխօս	Ս. Կոյս Մարիամ Աստուածամայր
Պաշտօնական կայքէջ	jf-colares.pt

Քոլարես (փորթուկալերէն`Colares), քաղաքային թեմ (freguesia), Սինթրա, Փորթուկալ։

Ընդհանուր տեղեկութիւններ

Համայնքը կը գտնուի Փորթուկալի արեւմտեան ծայրագոյն ծովեզրին եւ Եւրոպայի արեւմտեան ծայրակէտին․ Քապօ տա Ղոքա կամ Քապօ տա Ռոքա (Cabo da Roca)։ Կ՛ ընդգրկէ Ալմոսաժենէ, Աթալէա, Ազենհաս տօ Մառ, Ազոյիա, Քոլարես, Էուկարիա, Ճիկարոս, Միւսիֆալ, Փենետօ, Փռայա տաս Մասուս եւ Ուլկէյռա։ Լիզպոնի օդակայանէն 30 քլ․ հեռու է։

Տարածութիւնն է 33․37 քլ², իսկ բնակչութեան թիւն է 7 628։

Պատմական ակնարկ

Քոլարես, հնադարէն եղած է բնակավայր։ Մասուզ Maçãs գետաբերանին մօտ հռոմէացիներու տիրապետութեան ժամանակաշրջանէն գտնուած արձանագրութիւնը SOLI ET LUNAE CESTIVIUS ACIDIVIS PERENNIS LEG. AVG. PR. PR. PROVINCIAE LUSITANAE Քոլարեսի ճարտարապետութիւնը կը ցոլացնէ։

ԺԲ․ դարասկիզբին (1108)՝ Նորվեկեան Խաչակրութեան շրջանին, քանի մը ամսուան համար շրջանը կ՛ իյնայ Նորվեկիոյ Սիկըրտ Ա․ Մակնուսըն թագաւորին գերիշխանութեան տակ։ 1147-ին, Փորթուկալի առաջին թագաւոր Ալֆոնսօ Էնրիքեսի օրով, Քոլարես մաս կը կազմէ Փորթուկալի թագաւորութեան մինչեւ 1385։ Կը դառնայ կարեւոր կեդրոն երբ թագաւորներէն կը ստանայ քանիցս «ֆորալ» foral թագաւորական գիրը*։

Ֆորալ (Foral կամ Carta de Foral), Փորթուկալիոյ թագաւորներու գիր (ԺԲ․ - ԺԶ․ դարեր)․ նպատակն էր Խորհուրդի մը ստեղծումը, որպէսզի հսկէ վարչութիւնը, սահմանները եւ առանձնաշնորհումները։

1801-ին Քոլարես քաղաքապետութիւնը ունի 1 930 բնակիչ, իսկ 1849-ին՝ 3 341։ 1855-ին Քոլարես կ՛ ընդգրկուի Սինթրա քաղաքապետութեան մէջ իբրեւ համայնք։

Գիւղատնտեսութիւն

Այգեգործութիւն

Որթատունկերը աւազին կը մշակուին Colares DOC 50 լծվար տարածութեան մէջ։ 1940-ական թուականներուն այգեստանը 2․500 լծվար տարածութիւն էր եւ 1934 - 1994 միայն համայնքին ընկերակցութեան արտօնուած էր գործածել Colares անունը։

«Ֆիլոքսերա» Phylloxera խաղողի որդը աւազին վրայ չ՛ապրիր, այդ պատճառով Քոլարեսի այգիները, Եւրոպայի հազուագիւտ որթատունկերէն են որ չեն պատուաստուիր։

Գինեգործութիւն

Կարմիր գինին կ՛ արտադրուի մշակուած որթատունկերու 75%-էն՝ Ռամիսքօ տեսակէն Ramisco։ Ճերմակ գինին Մալվազիա malvasia խաղողի տեսակին տեղական մէկ զանազանակէն կ՛ արտադրուի։