Քէա

Քէա
Կղզի
	Քէա
Երկիր	Յունաստան
Տարածութիւն	131,693 քմ²
ԲԾՄ	560 մեթր
Բնակչութիւն	2455 մարդ (2011)
Կը գտնուի ափին	Էգէական Ծով
Ժամային գօտի	UTC+2 եւ UTC+3։00
Փոստային ցուցանիշ	840 02
Պաշտօնական կայքէջ	kea.gr

Քէա

Քէա կամ Ծիա (յուն․՝ Κέα), Էգէական Ծովուն Քիքլատես կղզեխումբին հիւսիս-արեւմտեան կողմը գտնուող կղզի, Յունաստան։ Մեծութեամբ Քիքլատեսի 6-րդ կղզին է, իսկ բնակչութեան թիւով՝ 10-րդը։

Տեղեկութիւններ[Խմբագրել | Խմբագրել աղբիւրը]

Քէա․ հին դրամներ

Կղզիին տարածութիւնն է 131,693 քռ․քլ․ իսկ ծովեզրը՝ 88 քլ․։ Ամենաբարձր լեռն է Փրոֆիթիս Իլիաս 568 մ․։ Կղզին ունի Միջերկրական ծովուն ամենամեծ բնական նաւահանգիստներէն՝ խորշերէն, Այիու Նիքոլաու ծոցը։

Կղզիին տարածքին յայտնաբերուած են Նոր Քարի դարէն բնակավայրեր (Ք․Ա․ 4-րդ հազարամեակ), ինչպէս օրինակ՝ Քեֆալա բնակավայր, կղզիին հիւսիս-արեւմտեան մաս։ Քէա Մինոասեան քաղաքակրթութեան (Ք․Ա․ 1600 – 1400) կեդրոններէն մէկը եղած է։ Այդ կը փաստէ յայտնաբերուած հնագոյն բնակավայրը՝ Այիա Իրինի։

Քիքլատես․ Քէա Κέα - կը գտնուի Քիքլատեսին հիւսիս արեւմուտքը

Քէա վարչական շրջան․ Քէային հիւսիս-արեւմուտքը՝ Մաքրոնիսոս

Հնագիտական պեղումներէն գտնուած են դրամներ (Ք․Ա․ 3-րդ դար), որոնք կը պատկերացնեն շուներ եւ ճառագայթող աստղեր․ կը փաստեն բնակիչներուն հաւատքը Սիրիոյին*։

Սիրիօ․ Քէայի բնակիչները կը հաւատային Տիաս եւ Սիրիօ աստուածներուն եւ մատաղ կը մատուցանէին, յոյսով թէ ամառուան եղանակներուն զեփիւռ պիտի փչէ։

Ժողովրդագրութիւն[Խմբագրել | Խմբագրել աղբիւրը]

Ըստ 2011-ի մարդահամարին, բնակչութեան թիւն է 2 455։ Կղզիին մայրաքաղաքն է Իուլիտա կամ՝ Հորա։ Նաւահանգիստն է Քորիսիա կամ՝ Լիվատի։ Կը գործեն 3 մանկապարտէզ, նախակրթարան, միջնակարգ եւ երկրորդական դպրոցներ։