Փիէռ Շամմասեան

Փիէռ Շամմասեան
Ծնած է	9 Մարտ 1949
Ծննդավայր	Պէյրութ, Կաղապար:Country data Լիբանան Լիբանան
Քաղաքացիութիւն	լիբանանցի
Ազգութիւն	հայ
Կրօնք	Հայ կաթոշիկէ
Կարողութիւն	դերասան, բեմադրիչ, թատերագիր, կատակերգակ
Ամուսին	Արտեմիս Պէօճէքեան
Երեխաներ	Ժերոմ եւ Էլիզա

Փիէռ Շամմասեան (9 Մարտ 1949, Պէյրութ, Լիբանան), լիբանանահայ կատակերգակ է, հռչակաւոր է սփիւռքահայութեան եւ լիբանանցիներուն մօտ: Ան կը շրջագայի բազմաթիւ երկիրներ, ուր որ լիբանանցի եւ հայ գաղութներ կան:

Կենսագրութիւն

Վաղ Տարիներ

Փիէռ Շամմասեան ծնած է 9 Մարտ 1949, Պէյրութ, Լիբանան:

Անձնական Կեանք

1976-ին, ամուսնացած է Արտեմիս Պէօճէքեանի հետ: Զոյգը ունի երկու զաւակ՝ Ժերոմ եւ Էլիզա: Ան կը հաւատայ Հայ Կաթողիկէ եկեղեցւոյ եւ կը քաջալերէ Հայ Յեղափոխական Դաշնակցութիւնը:

Ասպարէզ

Փիէռ Շամմասեան թատերական աշխարհ մուտք գործած է 6 տարեկանին: 1962էն 1965 գրած, բեմադրած եւ խաղացած է իր առաջին թատրոնները: 1971-ին կը խաղայ առաջին թատրոնը հայերէն լեզուով: 1973-էն 1985 մաս կը կազմէ Սամի Խայեաթի թատերախումբին, ուր կը խաղայ արաբերէն լեզուով, միեւնոյն ժամանակ շարունակելով հայերէն թատերախաղերը: 1986-ին մաս կը կազմէ Անթուան Քըրպաժի «Ամրաք Սիտնա» (արաբերէն՝ أمرك سيدنا‎ թատերախաղին, ինչպէս նաեւ Միշէլ Շիխանիի եւ Անտրէ Ժատաայի հետ կը վերականգնէ «Լը Թէաթր տը Տիզէօր» (ֆրանսերէն՝ Le Théatre de Dix-Heures) խումբը, սակայն Փիէռն ու Անտրէն կը ձգեն խումբը 1996-ին, որպէսզի հիմնեն «Լէ Տիզէօր» (ֆրանսերէն՝ Les Diseurs խումբը: Այս երկու խումբերը 1986-էն մինչեւ օրս խաղացած են աւելի քան 20 թատերախաղեր:

1987-ին մաս կը կազմէ «Ալ Պըրնէյթա» (արաբերէն՝ البرنيطة‎) կատակերգութեան, որ կը սփռուէր Լիբանանեան Հեռատեսիլի կայանէն (արաբերէն՝ تلفزيون لبنان‎): Նոյն կայանին մէջ ունեցած է «Փախտի Անիւը» յայտագիրը 1990-ին եւ «Նաշրա Մըշ Մըն Հօն» (արաբերէն՝ نشرة مش من هون‎) քաղաքական-կատակերգական սերիալը:

Անդրադառնալով հայերէն թատերախաղերուն, կարելի է յիշել ամէնէն նշանաւորները.-

• Պուրճ Համուտ 78 (1978)
• Կատակը Մէկ Թիզ (1979)
• Ամէն Բան Չ'ըսուիր (1983)
• Մէկ Հարսնցու, Յ Թեկնածու (1983)
• Պուրճ Համուտ 78+8 (1986)
• Յակոբ Պարոնեան Պուրճ Համուտի Մէջ (1987)
• Ամուրիներու Միութեան Ժողով (1988)
• Հարսս Փռնեցի (1995)
• Շատ Մի Խառներ (2000)
• Պաթալ Տան Փեսայ (2005)
• Հա հա հա Նայթ (2005)
• Աջէն Ձախէն (2006)
• Փորձանք Պաթալ (2006)
• Լեզուն Ոսկոր Չ'ունի (2007)

2000-էն ետք բոլոր թատերախաղերը գրած եւ բեմադրած է ինք:

Շամմասեան ինքզինք դերասան չի կարծեր, այլ՝ ուրիշները զբաղեցնող եւ կը կարծէ թէ ինք այդպէս ծնած է: Ան չի սիրեր խոժոր դէմքերը եւ միշտ կը փորձէ ժպիտ մը ձգել բոլորին երեսներուն վրայ:

Շամմատեան ամբողջութեամբ կը սիրէ կատակերգութիւնը եւ զայն կատարելը իրեն կարելիութիւնը կու տայ հանդիսատեսին հետ հաղորդական մնալու:

2000-ին, Փիէռ Շամմասեանն ու Անտրէ Ժատաան բացած են «Օլիմփիա» ճաշարանը, որ մինչեւ այսօր կը գործէ եւ կրնայ ընդունիլ 360 անձ: