Փաթրիք Մոտիանօ

Jump to navigation Jump to search
Փաթրիք Մոտիանօ
ֆրանսերէն՝ Patrick Modiano
Patrick Modiano 6 dec 2014 - 22.jpg
Նկարուած Սթոքհոլմ (Շուէտ), 6 Դեկտեմբեր, 2014
Ծննդեան անուն ֆրանսերէն՝ Jean Patrick Modiano
Ծնած է 30 Յուլիս 1945
Ծննդավայր Պուլոն - Պիյանքուռ
Քաղաքացիութիւն Ֆրանսական
Մայրենի լեզու Ֆրանսերէն
Ուսումնավայր Հենրի Դ․ Երկրորդական վարժարան
Միշէլ Մոնթէն Երկրորդական վարժարան
Երկեր/Գլխաւոր գործ Աստղի Հրապարակը, Les Boulevards de ceinture, Missing Person?, Տորա Պռիւտըր եւ Տոհմաբանություն?
Տեսակ վէպ, կենսագրութիւն եւ մանկական գրականութիւն
Մասնագիտութիւն Հեղինակ, գրագէտ
Պարգեւներ եւ
մրցանակներ
Մրցանակներ՝ Նոպելի Գրականութեան, Կոնքուռ, Չինօ Տէլ Տուքա, Ռոժէ Նիմիէ, Ֆրանսայի Ազգային Գրադարանի, Մարկարէթ Տիւռաս, Եւրոպական Գրականութեան Աւստրիոյ Մրցանակ, Գրավաճառներու մրցանակ, Եւրոպական Գրականութեան Շառանթ շրջանի, Ժան Մոնէ, Փօլ Մոռան, Ռըլէ, Մոնաքոյի Իշխանի, Ֆրանսայի Կաճառի Վիպագրութեան
Ամուսին Տոմինիք Զերֆիւզ
Ծնողներ

Մայր՝ Լուիզա Քոլփէյն,

Հայր՝ Ալպեր Մոտիանօ
Երեխաներ Զինա եւ Մարի

Փաթրիք Մոտիանօ (Patrick Modiano, 30 Յուլիս 1945(1945-07-30)[1][2][3][…], Պուլոն - Պիյանքուռ[4]), Ֆրանսացի գրագէտ, վիպագիր։ 2014-ին կ՛արժանանայ Նոպելեան մրցանակին։

Կենսագրական գիծեր[Խմբագրել | Խմբագրել աղբիւրը]

Ուսում եւ ընտանիք[Խմբագրել | Խմբագրել աղբիւրը]

Փաթրիք Մոտիանօ, ծնած է Փարիզի արուարձաններէն Պուլոն-Պիյանքուրին մէջ։  Հայրը Ալպեր Մոտիանօ, Սեֆարտի հրիայ էր, Սելանիկէն (Յունաստան), իսկ մայրը Լուիզա Քոլփէյն՝ Պելճիքացի-Ֆլամանտ, շարժարուեստի դերասանուհի։  Հայրն ու մայրը անոր մանկութեան տարիներուն կը բաժնուին եւ Փաթրիքին խնամքը յանձն կ՛առնեն անոր մօր ծնողները։  Կ՛աւարտէ Փարիզի Միշել Մոնթէն Lycée Michel-Montaigne Երկրորդական վարժարանը։  Կ՛արձանագրուի Փարիզի Համալսարանը, սակայն չ՛աւարտեր։

Մանկութեան եւ պատանութեան շրջանը կը յատկանշուի հօր եւ մօր բացակայութենէն։ Հայրը, կը յարաբերուէր Կեստափոյի ֆրանսացի օգնականներու հետ:

  • Կեստափօ․ ֆաշիստական Գերմանիոյ գաղտնի ոստիկանութիւնը՝ Բ․ Համաշխարհային Պատերազմի ընթացքին, գերմանացիներուն կողմէ բռնագրաւած շրջաններու բնակչութեան վախ ու սարսափը:

1970 կ՛ամուսնանայ Տոմինիք Զերֆիւզին հետ եւ կ՛ունենան երկու աղջիկ զաւակ՝ Զինա (1974) եւ Մարի (1978)։

Գրական ասպարէզ[Խմբագրել | Խմբագրել աղբիւրը]

Րէյմոն Քենօ Raymond Queneau (ֆրանսացի յօրինող, թարգմանիչ եւ թուաբանագէտ), Փաթրիքին կը ճանչցնէ գրականութեան աշխարհը։  Փաթրիք, 22 տարեկան հասակին, կը հրապարակէ իր առաջին գիրքը՝ La Place de l'étoile (1968) վէպին դերակատարը հրիայ մըն է, որ գերմանացիներուն գործակիցն է (վէպը ունի ինքնակենսագրական գիծեր)։

1969-ին կը հրատարակէ La Ronde de nuit (բառացի թարգմանութեամբ՝ Գիշերապութիւնը) վէպը։  1972՝ Les Boulevards de ceinture վէպը կ՛արժանանայ «Ֆրանսայի Կաճառի Վիպագրութեան Մեծ Մրցանակ»ին: 1973 կը գործակցի ֆրանսացի թատերագիր եւ բեմադրիչ Լուի Մալին Louis Malle հետ «Մականուն՝ Լաքոպ, Անուն՝ Լիւսիէն» Lacombe Lucien շարժանկարին համար։

1978-ին գրուած անոր վեցերորդ վէպը՝ Rue des Boutiques obscures  կ՛արժանանայ «Կոնքուռ Գրական Մրցանակ»ին prix Goncourt ։

Մոտիանոյի գիրքերուն մեծամասնութիւնը հիմնուած է անոր կեանքին եւ Համաշխարհային Բ. պատերազմի տարիներուն Ֆրանսայի շրջափակման ժամանակաշրջանի իրադարձութիւններուն վրայ:

2010-ին կ՛արժանանայ Համաշխարհային «Cino-Del-Duca» մրցանակին, իսկ 2014-ին կ՛արժանանայ Նոպելեան մրցանակին։

Գլխաւոր գործեր եւ մրցանակներ[Խմբագրել | Խմբագրել աղբիւրը]

Տարի Գործ (տրուած է հայերէնի բառացի թարգմանութիւնը) Մրցանակ
1968 La Place de l'Étoile - Աստղերու Հրապարակը Ռոժէ Նիմիէ մրցանակ
1972 Les Boulevards de ceinture - Գօտիի Պողոտաները Ֆրանսայի Կաճառի Վիպագրութեան Մեծ Մրցանակ
1976 Villa Triste - Տխուր Առանձնատուն Գրավաճառներու Մրցանակ
1978 Rue des Boutiques obscures - Մութ Խանութներուն Ճամբան Կոնքուռ Մրցանակ
1984 Գործին ամբողջութեան համար Մոնաքոյի Իշխանի Մրցանակ
1990 Voyage de noces - Մեղրալուսնի ճամբորդութիւն Ռըլէ Մրցանակ
2000 Գործին ամբողջութեան համար Փօլ Մոռան Մրցանակ
2002 La Petite Bijou - Փոքրիկ Գոհարը Եւրոպական Գրականութեան Շառանթ շրջանի

Ժան Մոնէ մրցանակ

2010 Գործին ամբողջութեան համար Համաշխարհային Չինօ Տէլ Տուքա Cino-Del-Duca մրցանակ
2011 Գործին ամբողջութեան համար Ֆրանսայի Ազգային Գրադարանի մրցանակ եւ՝

Մարկարէթ Տիւռաս մրցանակ

2012 Գործին ամբողջութեան համար Եւրոպական Գրականութեան համար Աւստրիոյ

պետութեան մրցանակ

2014 Գործին ամբողջութեան համար Նոպելեան Գրականութեան Մրցանակ

Ժապաւէնագրութիւն[Խմբագրել | Խմբագրել աղբիւրը]

  • «Մականուն՝ Լաքոպ, Անուն՝ Լիւսիէն» Lacombe Lucien․ Լուի Մալին հետ, 1973
  • «Անմեղ մը» Un Innocent1974
  • «Կասքոնյի զաւակը» Le Fils de Gascogne․ 1995
  • «Ոճիրի մը ծնունդը» Généalogies d'un crime․ 1997
  • «Բարի Ճամբորդութիւն» Bon Voyage․ Ժան Փօլ Ռափնոյին Jean-Paul Rappeneau հետ․ 2003

Մոնտիանոյի գործերը շարժարուեստին մէջ[Խմբագրել | Խմբագրել աղբիւրը]

  • «Երիտասարդութիւն»Une jeunesse․ 1983
  • «Իվոնին անուշահոտը» Le Parfum d'Yvonne (Մոնտիանոյի Տխուր առանձնատուն VillaTriste վէպէն) 1994
  • «Թէ Քիէրօ» Te quiero (Մոնտիանոյի «Օգոստոսի Կիրակիները» Dimanches d'août վէպէն)․ 2001
  • «Շառել» Charell (Մոնտիանոյի «Այս ինչ խիզահ տղաք» De si braves garçons վէպէն)․ 2006

[5] [6] [7] [8] [9] [10]

Ծանօթագրութիւններ[Խմբագրել | Խմբագրել աղբիւրը]

Արտաքին յղումներ[Խմբագրել | Խմբագրել աղբիւրը]

  1. Cino-Del-Duca մրցանակ
  2. Կաճառի Վիպագրութեան Մեծ Մրցանակ
  3. Կոնքուռ մրցանակ(ֆր.)
  4. Ռոժէ Նիմիէ մրցանակ(ֆր.)
  5. Ռըլէ Մրցանակ(ֆր.)
  6. Փօլ Մոռան մրցանակ(անգլերէն)
  7. Գրականութեան Շառանթ շրջանի Ժան Մոնէ մրցանակ(ֆր.)
  8. Ֆրանսախօս գրականութեան Գրավաճառներու Մրցանակ(ֆր.)
  9. Մոնաքոյի Իշխանի Մրցանակ(ֆր.)
  10. Ֆրանսայի Ազգային Գրադարանի մրցանակ(ֆր.)
  11. Մարկարէթ Տիւռաս մրցանակ(ֆր.)
  12. Գրականութեան համար Աւստրիոյ պետութեան մրցանակ(ֆր.)