Տիգրան Սարաֆեան

Տիգրան Սարաֆեան
Ծնած է	ոչ վաղ քան 1885 եւ ոչ ուշ քան 1890
Ծննդավայր	Մարաշ, Մարաշի Սանճաք
Մահացած է	1915
Մահուան վայր	Ուռհա, Թուրքիա
Մահուան պատճառ	Հայոց ցեղասպանութիւն
Մասնագիտութիւն	բժիշկ

Տիգրան Սարաֆեան (մօտաւորապէս 1885-1890, Մարաշ, Մարաշի Սանճաք - 1915, Ուրֆա), հայ բժիշկ։

Կենսագրութիւն

Ծնած է մօտաւորապէս 1885-1890-ական թուականներուն, Մարաշի Սանճաքի կեդրոն՝ Մարաշ քաղաքին մէջ։ Բարձրագոյն բժշկական կրթութիւնը ստացած է Շուէտի մէջ։ Ուսանելու ընթացքին ծանօթացած եւ սիրահարուած է շուէտուհիի մը։ Ուսումը աւարտելէ ետք վերադարձած է Մարաշ եւ աշխատած՝ որպէս բժիշկ, յետագային դառնալով այդ տարիներու Կեդրոնական Թուրքիոյ ամենայայտնի բժիշկը։ Մօտաւորապէս 1913 թուականին շուէտուհին եկած է Մարաշ եւ ամուսնացած բժշկին հետ։

1915 թուականին՝ Մարաշի հայ բնակչութեան տեղահանութեան ժամանակ, ընտանիքով աքսորուած է դէպի Ուրֆա։ Գաղթականներու կարաւանն ուղեկցող գերմանացի հրամանատար Շապէնը՝ Ուրֆայի մէջ, առեւանգած է բժշկի գեղեցկուհի կնոջը, իսկ բժշկին՝ անոր հրամանով, գնդակահարած են։ Յետագային Շապէնըտիկին Սարաֆեանին, իր հետ տարած է Հալէպ։

Գրականութիւն

• Յօշոտուած Հայաստան, Արշալոյս (Աւրորա) Մարտիկանեանի յուշերը, Լոս Անճելըս, 1995, 212 էջ։

Աղբիւր

Յարութիւն Մինասեան, Օսմանեան կայսրութիւնում Թուրքիայի Հանրապետութիւնում բռնաճնշումների եւ ցեղասպանութեան ենթարկուած հայ բժիշկներ, Երեւան, «Լուսաբաց», 2014 — 520 էջ։