Վրաստանի Զինանշան
 | |
| Մանրամասներ | |
|---|---|
| Կրող | Վրաստան |
| Թագ | Էրիսթավի |
| Վահան | Սբ. Գէորգը կը խոցէ վիշապը |
| Պահապաններ | Երկու ոսկեայ առիւծներ |
| Կարգախօս |
ძალა ერთობაშია Ծալա Էրթօպաշիա Ոյժը միասնութեան մեջն է |
| Զինանշանի հեղինակ | Մամուքա Կոնկածէ |
Վրաստանի Պետական Զինանշան (საქართველოს სახელმწიფო გერბი, [Սաքարթուէլոս Սախելմծիփո Կերպի]) կը համարուի Վրաստանի պետական խորհրդանիշներէն մէկը, ընդունուած է 2004, Հոկտեմբեր 1-ին։ Ան կը ներկայացնէ կարմիր վահան, որուն վրայ պատկերուած է Սուրբ Կէօրկին` վիշապը խոցելու տեսարանին մէջ։ Վահանը վերէն կը զարդարէ Բագրատիոնիներու վրաց յայտնի միապետական տոհմի արքայական ոսկէ թագը, որ բռնած են երկու ոսկեայ առիւծները։ Վահանի ներքեւը գրուած է հետեւեալ նշանաբանը` «Ոյժը միասնութեան մէջն է»։ Այս զինանշանը մասամբ ստեղծուած է վրացական Բագրատիոնի արքայական տան զինանշանի հիման վրայ։
Զինանշանի Պատմութիւնը
[Խմբագրել | Խմբագրել աղբիւրը].svg) |
Վրացական անկախ հանրապետութիւնը (1918-1921) ունէր սեփական պետական խորհրդանիշները։ Սա հանրապետութեան զինանշանը կը ներկայացնէր եօթանկիւն աստղ մը՝ երիզուած ոսկեայ զարդանկարով։ Կենդրոնը սուրբ Գէորգն է՝ ոսկեայ սմբակաւոր սպիտակ ձի հեծած։ Աջ ձեռքին մէջ ան կը պահէ արծաթեայ ծայրով ոսկեայ նիզակ, իսկ ձախին մէջ՝ վահան, սուրբ Գէորգի գլխուն վերը կը փայլի ութանկիւն ոսկեայ խաչ։ Հոսէն ձախ՝ ամիսն է, աջ՝ արեւը։ Ամսէն եւ արեւէն ներքեւ տեղակայած են երկու ութանկիւն աստղեր։ Ներքեւը՝ ձիու տակը, պատկերուած է լեռնային գագաթ։ Զինանշանի հեղինակն է աքատեմիկոս՝ Եւկենի Լանսերէն։ 1991 թուականին անկախութեան վերականգնումէն ետք կրկին ընդունուեցաւ 1918 թուականին զինանշանը։ 2004 թուականին, վերջինս փոխարինուեցաւ ներկայիս զինանշանով։ |
 |
1921 թուականին Վրաստանի մէջ հաստատուած էր խորհրդային իշխանութիւնը։ 1921, Փետրուար 25-ին կազմաւորուեցաւ Վրացական ՍՍՀ-ն։ 1922-ին, ան մտավ ԱԽԸԴՀ-ի կազմի մեջ։ Վրաստանի հին զինանշանը վերացուեցաւ։ Վրացական ՍՍՀ-ի զինանշանը մասամբ կը պարունակէր հին զինանշանէն որոշ տարրեր (խօսքը կը վերաբերէր երկու զինանշաններուն մէջ ալ եօթանկիւն աստղի առկայութեան)։ |