Վահան Միրաքեան

Վահան Միրաքեան
Նաեւ յայտնի է իբրեւ Միր-Կօնօ եւ Կօնօ
Ծնած է 6 Նոյեմբեր 1866(1866-11-06)[1]
Ծննդավայր Շահումեան, Թիֆլիսի գաւառ, Թիֆլիսի նահանգ, Կովկասի Փոխարքայութիւն, Ռուսական Կայսրութիւն[1]
Մահացած է 21 Մարտ 1942(1942-03-21)[1] (75 տարեկանին)
Մահուան վայր Թիֆլիս, Խորհրդային Միութիւն[1]
Քաղաքացիութիւն  Ռուսական Կայսրութիւն
 Խորհրդային Միութիւն
Ազգութիւն Հայ[1]
Ուսումնավայր Վանական Համալիր Սանահին[1]
Անդրկովկասյան ուսուցչական սեմինարիա?[1]
Մասնագիտութիւն բանաստեղծ, ուսուցիչ
Անդամութիւն Խորհրդային Հայաստանի Գրողներու Միութիւն

Վահան Միրաքեան (6 Նոյեմբեր 1866(1866-11-06)[1], Շահումեան, Թիֆլիսի գաւառ, Թիֆլիսի նահանգ, Կովկասի Փոխարքայութիւն, Ռուսական Կայսրութիւն[1] - 21 Մարտ 1942(1942-03-21)[1], Թիֆլիս, Խորհրդային Միութիւն[1]), հայ բանաստեղծ, թատերագիր եւ Խորհրդային Հայաստանի Գրողներու միութեան անդամ։

Կենսագրութիւն[Խմբագրել | Խմբագրել աղբիւրը]

Ծնած է Վրաստանի Շուլավեր քաղաքը։ Նախնական կրթութիւնը ստացած է Սանահինի Ս. Աստուածածին վանքի դպրոցին մէջ՝ 1873-1880 թուականներուն, ապա ընդունուած է արհեստաւորաց դպրոցը, ուր ուսանած է 1880-1886 թուականներուն: Այնուհետեւ իր ուսումը շարունակած է Կորիի ուսուցչական սեմինարին մէջ, ուրկէ շրջանաւարտ եղած է 1888 թուականին:

Ուսումը աւարտելէ ետք երկար տարիներ վարած է ուսուցչութեան պաշտօն, դասաւանդելով ծննդավայրի՝ Շուլավերի, Ստեփանաւանի, Էջմիածինի Գէորգեան ճեմարանին, Շաքիի, Նոր Նախիջեւանի եւ Թիֆլիսի տարբեր դպրոցներուն մէջ:

Վերջնականապէս Երեւան հաստատուած է 1924 թուականին, իբրեւ հայոց լեզուի եւ գրականութեան ուսուցչութեան պաշտօն վարելու Ձերժինսքիի անուան դպորցին մէջ:

Մահացած է Թիֆլիս, թաղուած է Երեւան[2]։

Ստեղծագործութիւններ[Խմբագրել | Խմբագրել աղբիւրը]

Միրաքեանի առաջին բանաստեղծութիւնը՝ «Երեք վարդ»ը առաջին անգամ լոյս տեսած է 1887 թուականին, Թիֆլիսի մէջ հրատարակուող «Աղբիւր» ամսագիրին մէջ:

Անոր «Լալվարի որսը» քերթուածը տպագրուած է «Մուրճ» ամսագիրին մէջ՝ 1901 թուականին. յետագային այդ քերթուածը թարգմանուած է ռուսերէն եւ պարսկերէն լեզուներու: Նոյն այդ քերթուածին վրայ գրուած է օփերա եւ թատրերգութիւններ եւ նկարահանուած է ժապաւէն[3]:

Վահան Միրաքեանի միւս նշանաւոր գործերէն են․

  • «Մանուշի հարսանիքը»,
  • «Նոր Գիւղի շեմքին»,
  • «Խոզարածի կինը»:

Ծանօթագրութիւններ[Խմբագրել | Խմբագրել աղբիւրը]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 Հայկական սովետական հանրագիտարանԵրևան: 1981. — հատոր 7. — է. 615.
  2. Հայկ Խաչատրեան (1986)։ Գրական տեղեկատու։ Երեւան: «Սովետական գրող»։ էջ 381։ 
  3. «ՀԱՅԿԱԿԱՆ ԱՆՑԵԱԼԷՆ ՊԱՏՄՈՒԹԵԱՆ ՄԷՋ ԱՅՍՕՐ»։ www.jamanak.com։ արտագրուած է՝ 2022-03-12