Ստեփան Ակայեան
| Ստեփան Ակայեան | |
|---|---|
| Ծնած է | 1870 |
| Ծննդավայր | Կոստանդնուպոլիս, Օսմանեան Կայսրութիւն |
| Մահացած է | 1937 |
| Քաղաքացիութիւն |
.svg){kind=small} Օսմանեան Կայսրութիւն |
| Մասնագիտութիւն | ճարտարապետ, նկարազարդող, գեղանկարիչ, մանրանկարիչ |
Ստեփան Ակայեան (1870, Կոստանդնուպոլիս, Օսմանեան Կայսրութիւն - 1937), հայ մանրանկարիչ, ճարտարապետ։
Կենսագրութիւն
[Խմբագրել | Խմբագրել աղբիւրը]Ծնած է Պոլիս։ Նախնական կրթութիւնն ստացած է ծննդավայրի հայկական դպրոցէն ներս, ապա շարունակած Գեղարուեստներու վարժարանին մէջ, զոր աւարտած է 1891-ին։ Պաշտօնավարած է երկաթուղային վարչութեան մէջ ու միեւնոյն ժամանակ զբաղած՝ նկարչութեամբ։ Անոր «Մեծն Աղեքսանդրի գերեզմանի նմանագրութիւնը» ուղարկուած է Փարիզի ցուցահանդէս եւ մետալի արժանացած է։
Թուրքական կառավարութենէն նաեւ ստացած է «Արուեստի ոսկէ մետալ»։ Գերազանցապէս ուշագրաւ եղած է մանրանկարչութեամբ։ Նամականիշի մեծութեամբ եւ գունաւոր նկարած է հայ նշանաւոր դէմքերու նկարները, որոնք ժամանակին արժանացած են ջերմ ընդունելութեան։ Նկարազարդած է Թէոդիկի տարեցոյցները եւ այլ գիրքեր[1]։
Ծանօթագրութիւններ
[Խմբագրել | Խմբագրել աղբիւրը]Աղբիւրներ
[Խմբագրել | Խմբագրել աղբիւրը]- Հայ Հանրագիտակ, Հայր Մկրտիչ Վարդ. Պոտուրեան, Պուքրէշ, 1938, էջ 79։