Սուխումի Հայկական Թատրոն
 |
| Կայք |
|---|
Սուխումի հայկական թատրոն, կազմակերպուած է 1928-ին, Աբխազական պետթատրոնին որդեգրած է՝ Հ․ Շահէնի ղեկավարութեամբ։
Պատմութիւն[Խմբագրել | Խմբագրել աղբիւրը]
Բացուած է Բ․ Լավրենյովի «Բեկում» կտորի ներկայացումով։ 1930-1931-ականներուն գեղարուեստական ղեկավարը եղած է Արմէն Արէենեան: Բեմադրութիւններով հանդէս եկած են նաեւ Ապխազական ԻՀ ժողովրդական արտիստուհի Է․ Շահինեանը, Հ․ Մանվելանը եւ ուրիշներ։
Թատրոնը ելոյթներ ունեցած է Պաթումի, Սոչիի եւ այլ շրջաններու մէջ։ Խաղացանկին մէջ եղած են Շիրվանզադէի «Նամուս», «Մորգանի խնամին», «Չար ոգի», Գաբրիէլ Սունդուկեանի «Պեպո», «Խաթաբալա», Յակոբ Պարոնեանի «Պաղտասար աղբար», Ս․ Պաղտասարեանի «Արիւնոտ անապատ», Լ․ Միքայէլեանի «Գոշ», Նիքոլա Գոգոլի «Ռեւիզոր», Ս․ Լեւիտինայի «Դատավճիռ», Ջ․ Զաբարլիի «Սեւիլ», «Ցաշար», Շեքսպիրի «Օթելլօ», Շիլլերի «Աւազակներ» եւ այլ կտորներներ։ Թատրոնին մէջ աշխատած են՝ է․ Շահինեանը, Լ․ Խշտոեանը, Վ․ Նիկողոսեանը, Բ․ Վարդանեանը, Ա․ Նալչաջեանը, Պ․ Թադէոսեանը, Լ․ Թորոսեանը, Ա․ Ջիդարեանը, Ա․ եւ Մ․ Սանամեանները եւ ուրիշներ։ Սուխումի հայկական թատրոնին մէջ հիւրախաղերով հանդէս եկած են Յովհաննէս Աբելեանը, Վահրամ Փափազեանը, Ա․ Աւետիսեանը։ Թատրոնը փակուած է 1938-ին։ 1950-1960-ններուն գործած է թատերական խումբ՝ Ա․ Զիդարեանի աշխոյժ մասնակցութեամբ։ Բեմադրուած են Շիրվանզադէի «Պատուի համար», «Չար ոգի», Յակոբ Պարոնեանի «Մեծապատիւ մուրացկաններ», «Ատամնաբոյժը արեւելեան» եւ թատերգութիւններ։
Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։ 
|