Սըրսոք Թանգարան

Սըրսոք Թանգարան
Տեսակ Պատկերասրահ
Երկիր  Լիբանան
Տեղագրութիւն Պէյրութ
Նստավայր Պէյրութ, Լիբանան
Հիմնադրուած է 1961
33°53′35″N 35°30′58″E / 33.892942°N 35.516228°E / 33.892942; 35.516228
Կայքէջ sursock.museum(անգլերէն)
Քարտէս
Քարտէս

Սըրսոք թանգարան, ինչպէս նաեւ, պաշտօնապէս կը կոչուի Նիքոլա Իպրահիմի Սըրսոք թանգարան, ժամանակակից արուեստի թանգարան Պէյրութի մէջ (Լիբանան): Կը գտնուի Պէյրութի Աշրաֆիէ շրջանի Ռու Սուրոք փողոցին մէջ։ Այդ փողոցին մէջ կը գտնուին Պէյրութի 18-րդ դարու յայտնի ընտանիքներուն կողմէ կառուցուած շարք մը ամրոցներ:

Պատմութիւն[Խմբագրել | Խմբագրել աղբիւրը]

Սըրսոք թանգարանին շէնքը լիբանանեան ճարտարապետութեան հիանալի օրինակն է, որ մեծապէս կրած է իտալական, յատկապէս, վենետիկեան եւ օսմանեան ճարտարապետութիւններու ազդեցութիւնը: Պէյրութի ամենայաջող եւ հարուստ ընտանիքներէն մէկուն անդամ Նիքոլա Սըրսոքը 19-րդ դարուն կառուցած է թանգարանին այսօրուան շէնքը որպէս վիլլա: Նիքոլա Սըրսոքը, որ մահացած է 1961 թուականին, վիլլան նուիրած է Պէյրութ քաղաքին[1]: Անոր ցանկութեան համաձայն`վիլլան վերաձեւափոխուած է թանգարանի[2]:

Սըրսոք թանգարանին մարմարեայ աստիճանները

Թանգարանը բացուած է 1961 թուականին, լիբանանեան ժամանակակից գծագրիչներու աշխատանքներու ցուցահանդէսով` Պէյրութի մշակութային կեանքին մէջ նախադէպ ստեղծելով[3]: Ետքը թանգարանին մէջ ցուցադրուած են լիբանանեան, ինչպէս նաեւ օտար գծագրիչներու հարիւրաւոր գործերը: Ժամանակակից արուեստի գործերէն բացի, թանգարանին մէջ կը պահուին ճափոնական փորագրութիւններ եւ իսլամական արուեստի աշխատանքներ[4]:

Թանգարանի ընդլայնում[Խմբագրել | Խմբագրել աղբիւրը]

Թանգարանի տարածքի ընդլայնումը կ'ենթադրուէր չորս նոր ստորգետնեայ յարկերու կառուցում` 12 միլիառ ամերիկեան տոլար ընդհանուր արժողութեամբ[5]: Ֆրանսացի ճարտարապետ Ժան-Միշել Ուիլմոթ եւ լիբանանցի ճարտարապետ Ժաք Ապու Խալէտը մտածած են ընդլայնման նախագիծին մասին[6]: Ընդլայնման այդ նախագիծը թոյլ կու տար մեծցնել թանգարանին տարածքը 2.000-7.000 քմ., ներառեալ նոր ցուցասրահները, գրադարանները, գրախանութը եւ երաժշտական սենեակները:

Թանգարանի հաւաքածոյ[Խմբագրել | Խմբագրել աղբիւրը]

Թանգարանի հաւաքածոն ունի արուեստի 5.000 նմոյշ, որոնց մէջ կան նկարներ, քանդակներ, ապակիէ աշխատանքներ 18-20-րդ դարերէն մնացած: Հետեւեալ լիբանանցի եւ համաշխարհային արուեստագէտներուն աշխատանքները մնայուն կերպով կը ցուցադրուին թանգարանին մէջ.

Ծանօթագրութիւններ[Խմբագրել | Խմբագրել աղբիւրը]

  1. Daratalfunun.org
  2. Guides.hotelbook.com Archived 2007-09-29 at the Wayback Machine., Events Guide: Sursock Museum (Sursock Museum, Beirut, Lebanon)
  3. Galleries Beirut, Sursock museum, Georges Guv Aref Rayess, John Haddian, Levon Moumjian. Madi Hussein
  4. «Lebanon-tourism.gov.lb»։ արխիւացուած է բնօրինակէն-էն՝ 2021-02-27-ին։ արտագրուած է՝ 2017-09-04 
  5. «Annahar.com»։ արխիւացուած է բնօրինակէն-էն՝ 2011-10-01-ին։ արտագրուած է՝ 2017-09-04 
  6. «Jadesigns-architects.com»։ արխիւացուած է բնօրինակէն-էն՝ 2015-11-26-ին։ արտագրուած է՝ 2017-09-04 

Արտաքին յղումներ[Խմբագրել | Խմբագրել աղբիւրը]