Սեւան Նշանեան

Jump to navigation Jump to search
Սեւան Նշանեան
Sevan Nişanyan Büstü.jpg
Ծնած է 21 Դեկտեմբեր 1956
Ծննդավայր Կ.Պոլիս
Քաղաքացիութիւն Կաղապար:Դրօշաւորում/Թուրքիա Թուրքիա
Ազգութիւն Հայ
Կրօնք Քրիստոնեայ
Ուսումնավայր Եյլի համալսարան
Քոլումպիա Համալսարան
Ռոբերթ քոլեջ
Մասնագիտութիւն գրագէտ, լեզուաբան, ուսումնասիրող, լրագրող
Կայքէջ sevannisanyan.info

Սեւան Նշանեան (թրք.՝ Sevan Nişanyan, ծնած է 21 Դեկտեմբեր 1956 Պոլիս, Թուրքիա), թրքահայ մտաւորական, ճամբորդող լրագրող, հետազօտող եւ լեզուաբան։

Կենսագրութիւն[Խմբագրել | Խմբագրել աղբիւրը]

Ճարտարապետ Վաղարշ Նշանեանի որդին է։ Շրջանաւարտ եղած է Բանկալթի Վիեննական Մխիթարեան Վարժարանէն (1968), ապա Նիշանթաշը Ըշըք Լիսէյի միջնակարգի բաժինէն (1971), յետոյ Ռոպէրթ Քոլէճէն (1974): Իր բարձրագոյն ուսումը ստացած է՝ Եյլի համալսարանի Փիլիսիփայութեան բաժինէն (1979) եւ Քոլոմպիա համալսարանի՝ Քաղաքագիտութեան բաժինէն (1984):

Կը տիրապետէ բազմաթիւ լեզուներու։

1985-ին վերադարձած է Թուրքիա՝ զինուորական ծառայութեան համար։ Հետագայ երկու տասնամեակներուն հանդէս եկած է իբրեւ մասնագէտ ճամբորդական լրագրող եւ ուղեցոյցներու խմբագիր։ Լրագրող Թոմաս Կոլցի հետ համատեղ հրատարակած է շարք մը ուղեցոյցներ Թուրքիոյ շրջաններու մասին։ Գրած է նաեւ American Express ուղեցոյցներ Աթէնքի, Փրակի, Վիեննայի եւ Պուտափեշտի մասին։

2004-ին ստացած է Թուրքիոյ մարդու իրաւունքներու կազմակերպութեան մրցանակ։
Բանտարկուած է 16 տարի, 7 ամիս ժամկէտով թրքական կառավարութիւնը քննադատելուն համար։[1] 14 Յուլիս 2017-ին բանտէն փախուստ տուած է:[2][3] 26 Յուլիս 2017-ին Յունաստանին մէջ կեցութեան արտօնագիր ստացած է:[4]

1994-ին Նշանեան գրած է «Սխալ Հանրապետութիւն» (թրք.՝ Yanlış Cumhuriyet) գիրքը, ուր կը ներկայացնէ Թուրքիոյ Հանրապետութեան հիմնադրման առասպելները։

Index Anatolicus[Խմբագրել | Խմբագրել աղբիւրը]

2010-ին Նշանեան հրապարակած է թրքացման քաղաքականութեան պատճառով փոխուած Թուրքիոյ 16.000-էն աւելի տեղանուններով Index Anatolicus-ը, ուր ներկայացուած են թրքականի փոխարինուած հազարաւոր աւանդական անուններ, հիմնականին մէջ՝ յունական, հայկական, քրտական, ասորական եւ արաբական ծագումով:

Արտաքին Յղումներ[Խմբագրել | Խմբագրել աղբիւրը]

  1. Sevan Nişanyan'a hapis cezası(թուրք.)
  2. Սեւան Նշանեան ազատութեան մէջ
  3. Պոլսահայ գրող, հրապարակախօս Սեւան Նշանեան բանտէն փախուստի դիմած է
  4. [1]