Ռուբէն Սեւակի թանգարան

Ռուբէն Սեւակի թանգարան, բացուեր է 10 Սեպտեմբերի 2013-ին։

Պատմութիւն

Թանգարանը կը գտնուի Մայր Աթոռ Սուրբ Էջմիածին` 18-րդ դարուն կառուցուած Ղազարապատ կոչուած պատմական շէնքին մէջ, որ հիմնանորոգուեր է Ռուբէն Սեւակի եղբօրորդի` ֆրանսահայ Յովհաննէս Չիլինկիրեանի բարերարութեամբ։ Թանգարանի հիմնադրումը յարգանքի տուրք եւ խոնարհում է Ռուբէն Սեւակին, Գրիգոր Զօհրապին, Սիամանթօյին, Դանիէլ Վարուժանին, Կոմիտասին, մեր միւս մեծերուն, մէկ ու կէս միլիոն անմեղ զոհերուն։

Թանգարանի բացման արարողութեանը ներկայ գտնուած են Մայր Աթոռի միաբանները, Հայաստանի, Վրաստանի, Ռուսաստանի եւ Արեւելեան Եւրոպայի Հայ Կաթողիկէ Եկեղեցւոյ առաջնորդ Տ. Ռաֆայէլ արքեպիսկոպոս Մինասեանը, |ՀՀ մշակոյթի նախարար Յասմիկ Պօղոսեանը, |ՀՀ սփիւռքի նախարար Հրանուշ Հակոբեանը, կրթութեան եւ մշակոյթի գործիչներ^[1]։

Ցուցադրութիւն

Թանգարանի մէջ կը ցուցադրուին արձակագիր, բժիշկ, Հայոց եղեռնի նահատակ Ռուբէն Սեւակի անձնական իրերը, փաստաթուղթերն ու ձեռագրերը, ածխանկարները, հայ արուեստի արժէքաւոր գործեր, արեւմտահայ նկարիչներու հաւաքածոներ։ Ցուցադրուած են նաեւ տիար Յովհաննէս Չիլինկիրեանի կողմէն Մայր Աթոռին նուիրաբերուած բացառիկ եւ արժէքաւոր շուրջ 200 կտաւներ^[2]։