Ռոտոսի Աքրոփոլիս

Ռոտոսի Աքրոփոլիս
Հնաբանական վայր
	Ռոտոսի Աքրոփոլիս
	Ακρόπολη της Ρόδου
	Ռոտոսի Աքրոփոլիս, պուրակէն դիտուած
Երկիր	Յունաստան
Շրջան	Ռոտոս (կղզի)

Ռոտոսի Աքրոփոլիս (յուն․՝ Ακρόπολη της Ρόδου), Ռոտոս, Յունաստան․ Ք․Ա․ 5-րդ /3-րդ դարու բարձրադիր աքրոփոլիսը կ՛ ընդգրկէ Աթինա Փոլիատային եւ Զեւս Փոլիատայի նուիրուած տաճարը, ինչպէս նաեւ Ափոլոնասի տաճարը, մարզարան, փոքր թատրոն մը, յաւերժահարսերու պաշտամունքի վայր եւ Արդեմիսիոն։ Կը գտնուի Ռոտոս քաղաքին կեդրոնէն 3 քլ․ արեւմուտք։

Հակիրճ տեղեկութիւններ[Խմբագրել | Խմբագրել աղբիւրը]

Նկարագրութիւն[Խմբագրել | Խմբագրել աղբիւրը]

Ռոտոսի Աքրոփոլիսը ամրացումներ չէ ունեցած։ Կոթողական վայրի յատկութիւնը ունեցած է․ տաճարներ, հանրային շէնքեր եւ պաշտամունքի ստորերկրեայ վայրեր։ Շէնքերը կառուցուած էին յատկապէս ձեւաւորուած սարահարթերու վրայ երերուն տարբեր մակարդակներու եւ իբրեւ յենակ ունէին ուժեղ փոփոխական պատեր։

Ըստ Էյլոս Արիսդիտիս հռետորին (Բ․ դար) Ռոտոսի Աքրոփոլիսը եղած է ռազմավայր եւ պուրակ մը «πεδίων και αλσών μεστή»։

Աթինա փոլիատա եւ Զեւս Փոլիատա տաճար[Խմբագրել | Խմբագրել աղբիւրը]

Կը գտնուի Աքրոփոլիսին հիւսիսային ծայրամասը։ Ունի արեւելեան եւ արեւմտեան ուղղութիւն։ Դորեան ոճի կառուցում է։ Անոր արեւելեան սահմանագիծին ճեմուղի մը «Սթոա»ով (Στοά) կար։

Փիթիաս Ափոլոնասի տաճար[Խմբագրել | Խմբագրել աղբիւրը]

Աւելի փոքր Աթինա փոլիատա եւ Զեւս Փոլիատա տաճարէն, կը գտնուի հարաւային ծայրամասին եւ ան ալ ունի արեւելեան եւ արեւմտեան ուղղութիւն։

Յաւերժահարսերու պաշտամունքի վայր[Խմբագրել | Խմբագրել աղբիւրը]

Աթինա փոլիատա եւ Զեւս Փոլիատա տաճարին հարաւ-արեւելեան կողմը կը գտնուին չորս ստորերկրեայ ժայռափոր ենթակառոյցներ ձեւուած մուտքի աստիճաններով, անցքերով, կեդրոնական առաստաղի լայն բացուածքով, ջրարաններով եւ արձանիկներ սաղարթալի որմնախորշերով։ Այս «քարայրները» պաշտամունքի եւ հանրային զբօսավայրի համար կ՛ օգտագործուէին։

Թատրոն[Խմբագրել | Խմբագրել աղբիւրը]

Կառուցուած էր մարմար քարէ 800 հանդիսատեսներու համար։ Կը գտնուի մարզարանին հիւսիս-արեւմուտքը։

Մարզարան[Խմբագրել | Խմբագրել աղբիւրը]

210 մ․ երկարութեամբ եւ հարաւ-հիւսիս ուղղութեամբ մարզարանը կը գտնուի բլուրին հարաւ-արեւելան կողմը։

Ճեմուղին («Սթոա»)[Խմբագրել | Խմբագրել աղբիւրը]

Անոր տպաւորիչ ճակատը նաւահանգիստէն տեսանելի էր։

Արդեմիսիոն[Խմբագրել | Խմբագրել աղբիւրը]

Արտեմիս աստուածուհիին նուիրուած պաշտամունքի վայրը կը գտնուի բլուրին հարաւ-արեւելեան մասը։

Հնագիտական պեղումներ[Խմբագրել | Խմբագրել աղբիւրը]

Հնագիտական առաջին պեղումները կատարած է Իտալական Հնագիտական Դպրոցը 1912-1945, իտալական գերիշխանութեան ընթացքին։ 1946-էն ետք Յունական Հնագիտական Սպասարկութենէն կատարուած հնագիտական պեղումները, օգնած են բնորոշել հնավայրին տեղագրութիւնը եւ ուսումնասիրել շրջանի պատմութիւնը։