Լինտոսի Աքրոփոլիս (Ռոտոս)

Լինտոսի Աքրոփոլիս
Հնագիտական վայր
	Լինտոսի Աքրոփոլիս
	Ακρόπολη της Λίνδου
	Լինտոսի Աքրոփոլիս
Երկիր	Յունաստան
Շրջան	Ռոտոս (կղզի)

Լինտոսի Աքրոփոլիս (յուն․՝ Ακρόπολη της Λίνδου), Ռոտոս, Յունաստան․ հանրածանօթ հնագիտական վայրը կը գտնուի 116 մ․ բարձրութեամբ դարվար ժայռի մը վրայ եւ կ՛ իշխէ Լինտոս հնամենի բնակավայրին վրայ։

Տեղեկութիւններ[Խմբագրել | Խմբագրել աղբիւրը]

Լինտոս բնակուած է նախապատմական շրջանէն եւ ունի հարուստ պատմութիւն։ Համաշխարհային համբաւի արժանացած է «Լինտոսի Աքրոփոլիս» հնագիտական վայրը։

Հնադարին, Լինտոսի Աքրոփոլիսի պաշտամունքի գլխաւոր վայրը Աթինա Լինտիա* տաճարը եղած է։ Ըստ յունական դիցաբանութեան երբ Տանաոս (Եգիպտոսի եւ Լիպիոյ թագաւորին տղան) իր աղջիկներուն հետ Եգիպտոսէն կը մեկնի, Լինտոս կը հասնի։ Բնակիչները զայն ուրախութեամբ կը դիմաւորեն։ Ան, Արղոս (Պելոպոնեսի հնամենի քաղաք) չմեկնած կը կառուցէ Լինտիա Աթինա աստուածուհիին տաճարը։ Պատմական վկայութիւններ կը յիշատակեն թէ Ք․Ա․ 6-րդ դարուն Լինտոսի բռնակալը՝ Քլէովուլոս (հնադարի եօթը գիտուններէն մին), տաճարը կը վերականգնէ։ Ք․Ա․ 342-ին, հրդեհի պատճառով տաճարը կը քանդուի։ Հնագէտները գնահատած են թէ Դորեան ոճի տաճարը վերականգնուած է Ք․Ա․ 4-րդ դարուն։

Լինտիա Աթինա․ Աթինա աստուածուհիին տաճարը Լինտոսի մէջ։

Նշանաւոր թագաւորներ Լինտիա Աթինա տաճարին բազմաթիւ նուէրներ կատարած են․ Մեծն Աղեքսանտր, Պտոմեղէոս, Սոթիր, Փիրոս, Փիլիպոս Ե․։

Ռոտոսի բարգաւաճման ժամանակաշրջանին, Լինտոսի Աքրոփոլիսը ալ աւելի կը գեղեցկանայ երբ տպաւորիչ Փրորիլէա (բակամուտք / շեմ+դարպասներ), Ճեմուղի («Սթոա») եւ պարիսպ կը կառուցուին։ Հետաքրքրական է թէ հնագիտական վայրի յատակին պահպանուած է եռաբանութեան քանդակը (Ք․Ա․ 2-րդ դար)։

Լինտոսի Աքրոփոլիսի վերջնական ձեւաւորումը կատարուած է Ասպնջական Ասպետներու իշխանութեան ժամանակաշրջանին։