Ռանա Տաժանի
| Ռանա Տաժանի արաբերէն՝ رنا الدجاني | |
|---|---|
 | |
| Ծնած է | 20-րդ դար |
| Ծննդավայր | Զահրան, Արևելյան նահանգ, Սէուտական Արաբիա[1] |
| Քաղաքացիութիւն |
 Յորդանան[2] |
| Ուսումնավայր |
Այոուայի Համալսարան Հարուըրտ Համալսարան |
| Մասնագիտութիւն | մասնկային կենսաբան, ուսումնասիրող |
| Աշխատավայր |
Հաշիմեան Համալսարան[3] Եէյլի համալսարան Քեմպրիճի Համալսարան |
Ռանա Տաժանի, պաղեստինցի-յորդանանցի մասնկային կենսաբան[4], Հաշիմեան համալսարանի դասախօս (դոցենտ)[5]: 2005-ին Այոուայի համալսարանէն ստացած է մասնկային կենսաբանութեան դոկտորի աստիճան[6]:
- Հարուըրտ համալսարանի Ռետքլիֆ Հեռանկարային հետազօտութիւններու ուսումնարանէն եւ Այզէնհաուըրի ուսումնարանէն կրթանպաստ ստացած է [7][8]:
- Դոկտոր Տաժանի իբրեւ Ֆուլպրայթ ծրագիրի գիտաշխատող, ստացած է երկու Ֆուլպրայթ մրցանակ[9][10]:
- Եղած է Եէյլի համալսարանի այցելու դասախօս՝ Եէյլի ցօղունային բջիջներու կեդրոնէն ներս եւ այցելու գիտաշխատող՝ Քեմպրիճի համալսարանին եւ Յորդանանի Ցօղունային բջիջներու բուժման կեդրոնէն ներս[11]:
- Մեծն Բրիտանիոյ մէջ հիմնադրուած «Իսլամական գիտական ամսագիրը» բարձր գնահատած է Ռանա Տաժանին իբրեւ իսլամական աշխարհի ամէնէն ազդեցիկ կին գիտնականներէն մէկը եւ «100 ամէնէն ազդեցիկ արաբ կիներու» շարքին դասուած է 13-րդը «CEO Middle East Magazine» ամսագիրին մէջ:
Հրապարակումներ Եւ Ելոյթներ[Խմբագրել | Խմբագրել աղբիւրը]
Ռանա Տաժանի ՄԱԿ-ի յորդանանեան գրասենեակի կանանց խորհրդատուական խորհուրդի անդամ է: Հրապարակուած է քանի մը գիտական եւ բնութեան հետ առնչուող ամսագիրերու մէջ[12]: Ելոյթներով հանդէս եկած է Քեմպրիճի համալսարանի Տեմպլեթօն-Քեմպրիճի լրագրութեան ընկերակցութեան կոչումին, Մասաչուսեթսի արուեստագիտական ուսումնարանէն ներս, ՄաքԿիլ համալսարանին մէջ եւ Բրիտանական խորհուրդի «Հաւատա՛ երկխօսութեան» խորհրդաժողովին[13]:
«Կը Սիրենք Ընթերցել»[Խմբագրել | Խմբագրել աղբիւրը]
Ուսումը աւարտելէ եւ Յորդանան վերադառնալէ ետք, Տաճանի կ'անդրադառնայ, որ Յորդանան հանրային գրադարաններ չունի, ի տարբերութիւն ԱՄՆ-ի 9000 գրադարաններուն՝ գրեթէ բոլոր թաղամասերուն մէջ: Հետազօտութիւններէ ետք, ան կը նկատէ, որ այն երեխաները, որոնք հաճոյքով կը կարդան, կը մեծնան լեզուական հմտութիւններով եւ անոնց իմացական կարողութիւնները աւելի զարգացած կ'ըլլան: Առ այդ, ան կը ձեռնարկէ մշակելու նոր ծրագիր մը, որ մանուկներու մօտ ընթերցանութեան սէր կը յառաջացնէ: Ան իր առաջին ընթերցումը կը սկսի մզկիթներու մէջ, զորս կարելի է գտնել Յորդանանի գրեթէ բոլոր թաղամասերուն մէջ եւ ուր կարելի է ամէն մարդ ներս մտնել: Քանի որ բարձրաձայն ընթերցանութիւնը աւելի մեծ ժողովրդականութիւն կը վայելէր, ուստի ան կը սկսի կիներու սորվեցնել պատմութիւն պատմելու հմտութիւններ:
Իր հիմնադրումէն ի վեր (2010), «Կը սիրենք ընթերցել» (We Love Reading)ը ուսուցանած է աւելի քան 7000 կնոջ՝ բարձրաձայն կարդալու համար եւ հիմնած է շուրջ 1500 գրադարան՝ Յորդանանի տարբեր շրջաններու մէջ, հասնելով աւելի քան 55 տարբեր երկիր եւ զանազան գաղթավայրեր:
«Կը սիրենք ընթերցել»ին շնորհիւ, Տաժանին արժանացած է բազմաթիւ մրցանակներու, ներառեալ՝
- Քոնկրեսի Գրադարանի գրագիտութեան մրցանակի լաւագոյն փորձին,
- Stars Impact մրցանակին,
- Synergos Arab World Social Innovator մրցանակին,
- WISE մրցանակին,
- ԵՈՒՆԵՍՔՕ-ի գրագիտութեան միջազգային մրցանակին,
- IDEO.org-ի կողմէ ճանաչման:
Ծանօթագրութիւններ[Խմբագրել | Խմբագրել աղբիւրը]
- ↑ https://welovereading.org/wp-content/uploads/2020/07/Rana_Dajani_Resume_leader_-July2020.pdf
- ↑ https://www.al-fanarmedia.org/2024/02/doing-better-science-by-including-local-researchers-and-communities/
- ↑ https://orcid.org/0000-0002-4355-9977
- ↑ Ռանա Տաժանի
- ↑ Rana. B. MR. Al-Dajani, Hashemite University, retrieved 2017-08-02.
- ↑ Past students in Molecular Medicine (formerly Molecular & Cellular Biology) Archived 2017-08-03 at the Wayback Machine., University of Iowa Carver College of Medicine, retrieved 2017-08-02.
- ↑ «Rana Dajani»։ Radcliffe Institute for Advanced Study at Harvard University։ 2017-03-30
- ↑ «Eisenhower Fellows website»։ արխիւացուած է բնօրինակէն-էն՝ 2018-06-12-ին։ արտագրուած է՝ 2018-10-23
- ↑ Yale News, First Person: A Fulbrighter at Yale.
- ↑ «Jordanian Fulbright Alumna Receives Global Changemaker Award»։ Amidest։ America-MidEast Educational and Training Services։ արխիւացուած է բնօրինակէն-էն՝ 2018-12-25-ին։ արտագրուած է՝ 2018-10-23
- ↑ Dajani Rana (2014-06-12)։ «Jordan’s stem-cell law can guide the Middle East»։ Nature 510 (7504): 189–189։ doi:10.1038/510189a
- ↑ Dajani Naja (31 October 2012)։ «How women scientists fare in the Arab world»։ Nature 491 (7422): 9։ PMID 23128188։ doi:10.1038/491009a
- ↑ «Dr. Rana Dajani, Molecular Biologist, Jordan»։ Bulbula Changing Conversations։ արխիւացուած է բնօրինակէն-էն՝ 2017-07-29-ին։ արտագրուած է՝ 2018-10-23