Յարութ Ֆազլեան

Յարութ Ֆազլեան;
Ծննդավայր	Լիբանան
Քաղաքացիութիւն	Լիբանան; Քանատա
Ազգութիւն	Հայ
Կոչում	Պսակաւոր Արուեստից եւ Մագիստրոսի Պատւոյ (with Honors ) տիտղոսները Սիմֆոնիք եւ Օփերային ղեկավարութեան մէջ: Ան ունի երաժշտական կրթութեան Դոկտորի Ph.D degree Աստիճան:
Մասնագիտութիւն	խմբավար, երաժիշտ
Աշխատավայր	Լիբանանի սիմֆոնիք նուագախումբի ղեկավար
Ամուսին	Նորա
Ծնողներ	Պերճ Ֆազլեան եւ Սիրվարդ Գրիգորեան-Ֆազլեան
Երեխաներ	Պերճ եւ Դիա

Յարութ Ֆազլեան, Լիբանանահայ յայտնի խմբավար, երաժիշտ, Լիբանանի սիմֆոնիք նուագախումբի ղեկավար:

Կենսագրութիւն[Խմբագրել | Խմբագրել աղբիւրը]

Յարութ Ֆազլեան ծնած է Պէյրութ, ուր յաճախած է ՀԲԸ Միութեան Տէմիրճեան վարժարանը: Յարութ սերած է արուեստագէտներու ընտանիքէ: Հայրը՝ վաստակաւոր բեմադրիչ եւ դերասան Պերճ Ֆազլեանն է, ^[1]մայրը՝ գեղանկարիչ եւ դաշնակահար Սիրվարդ Գրիգորեան-Ֆազլեան:

1975-ին, ան ընտանիքին հետ կը գաղթէ Քանատա ^[2]. եւ կը հաստատուի Մոնթրէալ: Իսկ երաժշտական ուսումը ստացած է Երեւան:

Ասպարէզ[Խմբագրել | Խմբագրել աղբիւրը]

2000 թուականէն ի վեր Յարութ Ֆազլեան գլխաւոր խմբավարն է Լիբանանի ֆիլհարմոնիք նուագախումբին։ Ան քանիցս հրաւիրած է Հայաստան Ազգային ֆիլհարմոնիք նուագախումբը Լիբանան եւ Արաբական Ծոցի երկիրները^[3]։

Երբ ես նուագախմբով կը ճամբորդեմ աշխարհի չորս կողմերը, կը ջանամ յայտագրիս մէջ ներառնել հայ յօրինողներու ստեղծագործութիւնները: Իմ պարտաւորութիւնս է եւ պարտականութիւնս է, որ մարդիկ լսեն հայկական երաժշտութիւն:^[3]

- Մայէսթրօ Յարութ Ֆազլեան

Ասպետական Շքանշան[Խմբագրել | Խմբագրել աղբիւրը]

2015-ին, Յարութ Ֆազլեան Ֆրանսայի մշակոյթի նախարար Ֆլէօր Պերրելինինիի կողմէ արժանացած է Ֆրանսայի Մշակոյթի նախարարութեան արուեստի եւ գրականութեան ասպետական շքանշանին:

Ֆազլեանի պարգեւատրումը կատարուած է Լիբանանի մէջ Ֆրանսայի արտակարգ եւ լիազօր դեսպանին կողմէ:^[4]

Մեծի Տանն Կիլիկիոյ Կաթողիկոսութեան 100-ամեակի նուիրուած Սրբալոյս Միւռոնի օրհնութեան[Խմբագրել | Խմբագրել աղբիւրը]

19 Յուլիս 2015-ի երեկոյեան ժամը 8:00-ին, Մեծի Տանն Կիլիկիոյ Կաթողիկոսութեան 100-ամեակի նուիրուած Սրբալոյս Միւռոնի օրհնութեան,Պէյրութի սիմֆոնիք նուագախումը ղեկավարութեամբ մայեսթրօ Յարութ Ֆազլեանին մեկնաբանեց Արամ Խաչատրեանի եւ այլ հայ երաժիշտներու գործերը:^[5]

Մեծի Տանն Կիլիկիոյ Արամ Ա. կաթողիկոսի գահակալութեան 20-ամեակին[Խմբագրել | Խմբագրել աղբիւրը]

24 նոյեմբեր 2016-ի երեկոյեան ժամը 8:30-ին, Մեծի Տանն Կիլիկիոյ Արամ Ա. կաթողիկոսի գահակալութեան 20-ամեակին առիթով տեղի ունեցող համերգներու ծիրին մէջ, Ազգային ակադեմական երգչախումբը ներկայացուց Քարլ Օրֆի «Քարմինա Պուրանա»-ն` Լիբանանի Ֆիլհարմոնիք նուագախումբին ընկերակցութեամբ եւ խմբավարութեամբ մայեսթրօ Յարութ Ֆազլեանի, Էշրեֆիէի Սեն Ժոզեֆ եկեղեցւոյ մէջ:^[6]

Մեծն Լիբանանի յայտարարութեան 100-ամեակին նուիրուած Միջազգային Փառատօն[Խմբագրել | Խմբագրել աղբիւրը]

5 Յուլիս 2020-ին, երեկոյեան ժամը 9:00-ին, Պաալպեքի միջազգային փառատօներու յանձնախումբին կողմէ կազմակերպուած, մայէսթրօ Յարութ Ֆազլեանին կողմէ պատրաստուած եւ գործադրուած, Լիբանանի ֆիլհարմոնիք նուագախումբին կողմէ մեկնաբանուած «Գոյատեւման ձայնը» խորագիրը կրող ելոյթը տեղի ունեցաւ Պաալպեքի Բագոսի տաճարին մէջ:^[7]

Ընտանիք[Խմբագրել | Խմբագրել աղբիւրը]

Մայէսթրօ Ֆազլեան ամուսնացած է եւ իր տիկնոջ՝ Նորայի հետ ունին երկու զաւակ՝ Պերճ եւ Դիա: Տիկինը նոյնպէս գեղանկարիչ է:

Ծանօթագրութիւններ[Խմբագրել | Խմբագրել աղբիւրը]

Աղբիւրներ[Խմբագրել | Խմբագրել աղբիւրը]

Արտաքին յղումներ[Խմբագրել | Խմբագրել աղբիւրը]

Ֆազլեանի պաշտօնական էջ

[1] Եւ Յարգանքի Երեկոյ`Նուիրուած Վաստակաւոր Բեմադրիչ Եւ Դերասան Պերճ Ֆազլեանի

[2] Երազի Ճամբուն Ուղեւորները

[զ-3] 3,0 ^3,1 Հայկական Բարքեր

[4] Յարութ Ֆազլեան` Ֆրանսայի Արուեստի Եւ Գրականութեան Ասպետական Շքանշանին Արժանացած

[5] երեկոյ նուիրուած 100-ամեակին

[6] – Լիբանան Երաժշտական Բարձր Մակարդակի Համագործակցութիւն. Հայաստանի Ազգային Ակադեմական Երգչախումբը Ներկայացուց Քարլ Օրֆի «Քարմինա Պուրանա»-ն

[7] Ճիչերը Ճեղքեց Պաալպեքէն Հնչած «Գոյատեւման Ձայնը»

[1]

[2]

[3]

[4]

[5]

[6]

[7]