Միրթեան ծով

Միրթեան ծով Μυρτώο Πέλαγος
Միրթեան ծով, Էգէական ծովուն հարաւի մասը
դասաւորում
Երկիր	Յունաստան

Միրթեան ծով (յուն․՝ Μυρτώο πέλαγος), Էգէական ծովուն հարաւ-արեւմտեան մասը․ կը տարածուի հիւսիսէն - հարաւ՝ Սարոնիքոս (կամ Արղոլսարոնիքոս) ծոցի Սունիօ հրուանդանէն մինչեւ Քիթիրա կղզին եւ արեւմուտքէն դէպի արեւելք՝ արեւելեան Պելոպոնեսի ափերէն (Արղոլիքոս ծոց, Արքատիա եւ Լաքոնիա նահաններուն արեւելեան ափեր) մինչեւ արեւմտեան Քիքլատես (Քիթնոս, Սերիֆոս, Սիֆնոս, Միլոս)։

Անուանում

Ըստ յունական դիցաբանութեան, անունը առած է Էրմիս (Հերմես) աստուծոյ զաւակին անունէն՝ Միրթիլոս, որ խեղդուեցաւ երբ այդ ջուրերուն մէջ զայն նետեց Փելոփաս։

Աշխարհագրութիւն

Միրթեան ծովը կը պարփակէ կղզիներ, կղզիակներ, ժայռակղզիներ։ Նաւագնացութիւնը դիւրին չէ, վտանգներու ենթակայ է․ հին ժամանակներէն մինչեւ մեր օրերուն, ինչպէս օրինակ՝ «Իրաքլիոն» նաւուն խորտակումը՝ 1966-ին, «Այիա Զոնի»ի նաւաբեկումը՝ 2021-ին։

Ծովային կեանք

Հարուստ է ձուկերով։ Ճամբորդները կը հանդիպին նաեւ դլփինի մէկ տեսակը՝ ածխադլփիններուն (Grampus griseus), որոնք Յունաստանի ծովերուն ամենէն խոշորներն են։

Կղզիներ

Անդիմիլոս

Կղզիակներ - ժայռակղզիկաներ

Ֆալքոներա, Վելոփուլա, Անանես, Քարավիա

Հրուանդաններ

Մալէաս

Ծովեզերիայ շրջաններ

Պելոպոնես

Լէոնիտիօ, Ֆոքիանօ, Քիփարիսի, Լիմանի Երաքա, Մոնեմվասիա, Քսիֆիաս, Վելանիտիա

Քիքլատես

Քամարես, Վաթի, Մեղալօ Լիվատի,

Պատկերասրահ

• 
  Ֆալքոներա
• 
  Վելոփուլա
• 
  Անանես
• 
  Մալէաս հրուանդան
• 
  Լէոնիտիօ
• 
  Մոնեմվասիա
• 
  Վելանիտիա
• 
  Վաթի, Սիֆնոս
• 
  Քամարես, Սիֆնոս
• 
  Անդիմիլոս