Մինաս Գոճայեան

Jump to navigation Jump to search
Մինաս Գոճայեան
Ծնած է 13 Մարտ 1946(1946-03-13) (74 տարեկան)
Ծննդավայր Պէյրութ, Լիբանան
Ազգութիւն հայ
Մասնագիտութիւն ուսուցիչ, հրատարակիչ, խմբագիր, մանկավարժ

Մինաս Գոճայեան ծնած է (13 Մարտ, 1946-ին, Պէյրութ): Վաստակաւոր ուսուցիչ, Կրթական մշակ եւ մանկավարժ: Խմբագիր, Հրապարակագիր:

Կենսագրութիւն[Խմբագրել | Խմբագրել աղբիւրը]

Դոկտոր Մինաս Գոճայեան արմատներով կիլիկեցի, ծնունդով լիբանանցի, իսկ այժմ լոսանճելըսաբնակ մտաւորականը յաճախած է Նախակրթութիւնը ստացած է Պէյրութի Ռուբինեան վարժարանը,իսկ երկրորդական ուսումը` ՀԲԸՄ Յովակիմեան-Մանուկեան վարժարանը, ապա հետեւած է Alliance Francaise-ի լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագույն պատմութեան եւ հնագիտութեան դասընթացքներու:

Դոկտորական աստիճան կը ստանայ 1980-ին:

Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատուլթենէն եւ Լոս Անճելեսիի ՀԲԸՄ Մանուկեան-Տեմիրճեան վարժարանէն ներս:

Aquote1.png Յուլիս 14-21, շուրջ երկու հարիւր մելգոնեանցիներու յիշողութեան մէջ ցկեանս պիտի դրօշմուի որպէս գիրկընդխառնումներու, յուզումնալից օրերու եւ տօնախմբութեանց աննախընթաց համադրութիւն մը: Մելգոնեանցին իր հասակակիցին, իրմէ տարեցին ու կրտսերին կը հանդիպի բոլորովին այլ զգացումով, որովհետեւ այս հաստատութեան սաները միացնողը, հոգեհարազատ դարձնողը մելգոնեանական ոգին է, նոյն փորձառութիւններն են, շէնքերն են, սովորութիւններն ու աւանդութիւնները, սէրերն ու սրտակցութիւնները: Եւ ասիկա՝ 1926էն ի վեր:
- Դոկտոր Մինաս Գոճայեան
Aquote2.png


Կրթական ասպարէզ[Խմբագրել | Խմբագրել աղբիւրը]

Դոկտ. Մինաս Գոճայեան 1978-1991 պաշտօնավարած է ՀԲԸՄ Մելգոնեան Կրթական Հաստատութենէն ներս որպէս հայոց լեզուի, գրականութեան, պատմութեան եւ մշակոյթի ուսուցիչ:

1991-էն մինչեւ օրս կը դասաւանդէ ՀԲԸՄ Մանուկեան-Տեմիրճեան վարժարանէն ներս (Քալիֆորնիա):

Խմբագրական եւ Մամուլի աշխատակցութիւններ[Խմբագրել | Խմբագրել աղբիւրը]

Ան աշխատակցած է ու կը շարունակէ աշխատակցիլ սփիւռքահայ մամուլին՝ Պէյրութէն Երեւան ու Լոս Անճելըս, յատկապէս Ռամկավար Ազատական Կուսակցութեան պաշտօնաթերթ «Նոր Օր»ին, որուն խմբագրական կազմին անդամ է քսան տարիէ ի վեր եւ եղած է անոր Պատասխանատու Խմբագիրը:

Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է «Երուսաղէմի «Սիոն» պաշտօնաթերթին:

Հրատարակութիւններ[Խմբագրել | Խմբագրել աղբիւրը]

Դոկտոր Մինաս Գոճայեան 2006-ին հրատարակած է «Չորք-Մարզպանի (Տէօրթեօլ) յուշամատեան պատմագիրքը»:

Կազմակերպութեամբ «Կամար» պարբերաթերթի խմբագրակազմին 16 Յունուար, 2014-ի երեկոյեան ժամը 7:30-ին, Զալքայի Հայ կաթողիկէ Ս. Խաչ եկեղեցւոյ սրահին մէջ, տեղի ունեցաւ սփիւռքահայ մանկավարժ, հրապարակագիր, կրթական մշակ Դոկտոր Մինաս Գոճայեանի նորագոյն գործերէն` «Մորմոքող անցեալի արահետներով. Ուխտագնացութիւն դէպի պատմական Հայաստան» խորագրեալ գիրքին շնորհահանդէս-գինեձօնը` ներկայութեամբ կրթական մշակներու, մտաւորական դէմքերու, հոգեւոր հայրերու եւ գրասէր ազգայիններու հոծ բազմութեան:

Aquote1.png «Կամար»-ի խմբագրապետ Ժիրայր Դանիէլեան թուեց Գոճայեանի նկարագրային յատկանիշները` շեշտելով անոր մէջ յանձնառու մտաւորականը: «Մինասը չցնցուեցաւ համաշխարհայնացումի հովերէն, եղաւ այն յանձնառու մտաւորականը, որ հաստատ մնաց իր տեսակէտներուն վրայ, մնաց պատնէշի վրայ, հակառակ իր դէմ ցցուած դժուարութիւններուն»:
- «Կամար»-ի խմբագրապետ Ժիրայր Դանիէլեան
Aquote2.png


Aquote1.png «Գացի իմ արմատներուս ծնունդ տուած հայրերուս հողը տեսնելու, գացի աւելի լա՛ւ ճանչնալու այն մարդը, որ այսօր կը բնակի իմ պապերուս հողին վրայ, զոր մենք կը կոչենք Արեւմտեան Հայաստան եւ Կիլիկիա»:
- հրապարակագիր, կրթական մշակ դոկտոր Մինաս Գոճայեան
Aquote2.png


Aquote1.png «Այս գիրքով կ՛ուզեմ իմ ներդրումս կատարել Հայոց ցեղասպանութեան 100-ամեակին առիթով», աւելցուց Գոճայեան: «Այսպէս կոչուած այսօրուան Թուրքիոյ մէջ թուրքերը փոքրամասնութիւն են եւ բազմաթիւ թուրքեր, քիւրտեր, թաքուն հայեր ծագումով հայ են, բայց բան չեն գիտեր իրենց անցեալի մասին», ընդգծեց
- հրապարակագիր, կրթական մշակ դոկտոր Մինաս Գոճայեան
Aquote2.png


Դոկտոր Մինաս Գոճայեան պատրաստած է հայոց գրականութեան ընթերցարաններ եւ հայոց պատմութեան դասագիրքերու շարքը: ինչպէս նաեւ պարզեցուցած ու ամփոփած է «Գէորգ Մարզպետունի» եւ «Թորոս Լեւոնի» պատմավէպերը:

Շքանշան[Խմբագրել | Խմբագրել աղբիւրը]

22 Ապրիլ, 2012-ին, Պըրպենք քաղաքի (Քալիֆորնիա) Սրբոց Ղեւոնդեանց Մայր տաճարին մէջ ընկեր Դոկտ. Մինաս Գոճայեան արժանացաւ Ն.Ս.Օ.Տ.Տ. Գարեգին Բ. Կաթողիկոսի սրբատառ Կոնդակին եւ պարգեւատրուեցաւ Սուրբ. Սահակ եւ Սուրբ Մեսրոպ Շքանշանով՝ իր բազմամեայ ուսուցչական, մանկավարժական ու հասարակական գործունէութեան առթիւ՝ ձեռամբ Թեմիս Բարեջան Առաջնորդ Տ. Յովնան Արք. Տէրտէրեանի:

Aquote1.png «Իմ շքանշաններս են նաեւ իմ սիրելի աշակերտներս», կը սիրէ կրկնել Դոկտոր Մինաս Գոճայեան : Aquote2.png


Աղբիւրներ[Խմբագրել | Խմբագրել աղբիւրը]