Ճորտի Ալպա

Jump to navigation Jump to search
Ճորտի Ալպա
Russia-Spain 2017 (11).jpg
Անձնական տեղեկութիւն
Սեռ` արական
Ամբողջական անուն` սպ.՝ Jordi Alba Ramos
Բնօրինակ անուն` սպ.՝ Jordi Alba
Մասնագիտացում` ֆութպոլիստ
Երկիր` Flag of Spain.svg Սպանիա
Ծննդեան ամսաթիւ` 21 Մարտ 1989(1989-03-21)[1][2][3] (33 տարեկան)
Ծննդավայր` Օսպիտալետ դե Լյոբրեգատ

Ճորտի Ալպա Ռամոս (սպ.՝ Jordi Alba Ramos, 21 Մարտ 1989(1989-03-21)[1][2][3], Օսպիտալետ դե Լյոբրեգատ), Սպանացի ոտնագնդակ խաղացող, իբրեւ ձախ եզրային պաշտպան։

Քաթալոնական «Պարսելոնայի» եւ Սպանիոյ ոտնագնդակի ազգային հաւաքականին անդամ։

Վաղ տարիներ[Խմբագրել | Խմբագրել աղբիւրը]

Ալպա ծնած է Պարսելոնա, Քաթալոնիա: Ան ոտնագնդակ սկսած է խաղալ Պարսելոնայի երիտասարդական շարքերուն մէջ՝ իբրեւ ձախ եզրային յարձակող, սակայն 2005-ին ակումբէն ազատ արձակուած է չափազանց փոքր ըլլալուն պատճառով։ Այնուհետեւ ան միացած է հարեւան Քորնելլա (Cornellà) ակումբին եւ գրեթէ երկու տարի ետք, 6000 եւրոյով տեղափոխուած է Վալենսիա, ուր աւարտած է իր մարզական կրթութիւնը:

Յաջող մրցաշարքերէ ետք, Ալպա հիմնական կազմին թեկնածու կը համարուէր, սակայն ձախ պաշտպանի դիրքին մեծ մրցակցութեան պատճառով, շատ փորձեր ընելու առիթները քիչ էին երիտասարդ մարզիկին համար։

Վալենսիա[Խմբագրել | Խմբագրել աղբիւրը]

Ակումբին մէջ Ալպա կը ստանայ թիւ 28 մարզաշապիկը։

Վալենսիայի պաշտպանութեան դիրքին մէջ, յաճախ վիրաւորուելով, 2009-2010-ին մեծ մասը կը խաղայ ձախ պաշտպանի դիրքով՝ ընդհանուր առմամբ լաւ ելոյթներ ունենալով։

11 Ապրիլ 2010-ին, ակումբէն ներս ան իր առաջին կոլը կը նշանակէ՝ 2-3 պարտութեան մատնելով Մալիորկան[4]։

Մրցաշրջանը Վալենսիան կ'աւարտէ տիրանալով 3-րդ դիրքին։

16 Ապրիլ 2010-ին Ալպա կը գրաւէ նաեւ Ալմերիայի դարպասը՝ նշանակելով խաղին վերջնական արդիւնքը՝ 3-0։

23 Ապրիլին ան կը գրաւէ Ռէալ Մատրիտի դարպասը, սակայն այդ ալ չի նպաստեր խուսափելու մեծ պարտութենէն՝ 3- 6։

Պարսելոնա[Խմբագրել | Խմբագրել աղբիւրը]

2012-ին Պարսելոնան 14 միլիոն եւրոյի փոխարէն կը յայտարարէ Ալպայի տեղափոխման լուրը։ Ակումբին մէջ Ալպա հանդէս կու գայ ձախ պաշտպանողի դիրքով[5]։

28 Յունիս 2012-ին Ալպա հինգ տարուան պայմանագիր մը կը կնքէ «Պարսելոնայի»ն հետ՝ 14 միլիոն եւրօ արժէքով։ Ան իր պաշտօնական բացումը կը կատարէ 19 Օգոստոսին՝ խաղալով ամբողջ 90 վայրկեան՝ «Ռէալ Սոսյեթատի» դէմ՝ 5-1 յաղթանակով։

8 Օգոստոս 2012-ին, իր առաջին ելոյթով Ալպա Մանչեսթըր Եունայթըտի հետ կայացած ընկերական խաղին փոխարինման 67-րդ վայրկեանին մուտք գործելով, յաղթական դուրս կու գայ ի շահ քաթալոնացիներուն։

Պաշտօնական խաղերուն, 19 Օգոստոս 2012-ին, Լա Լիկայի առաջին խաղերուն Ալպա կը յաղթէ Ռէալ Սոսիետատին 5-1 արդիւնքով[6]։

2 Յունիս 2015-ին Ալպա կը ստորագրէ նոր հնգամեայ պայմանագիր մը՝ 150 միլիոն եւրօ գնման նոր դրոյթով[7][8]։

11 Մարտ 2019-ին նոր հնգամեայ պայմանագիր մը կը կնքէ՝ 500 միլիոն եւրոյով:

Ալպա իր լաւագոյն ելոյթը կ'ունենայ 2020-21 մրցաշրջանին, ուր ան բոլոր մրցաշարքերուն կը դառնայ 5 կոլի եւ 13 կոլային նշանակման հեղինակ։

Միջազգային[Խմբագրել | Խմբագրել աղբիւրը]

2006-ին, Ալպա կը հրաւիրուի Սպանիոյ երիտասարդական հաւաքականին, որուն ընթացքին կը մասնակցի 18 խաղերու տարբեր տարիքային խումբերու մէջ։

2009-ին մինչեւ 20 տարեկան պատանեկան հաւաքականին մէջ Ալպա կը դառնայ Միջերկրական խաղերու մրցաշարքի ախոյեան։

11 Սեպտեմբեր 2011-ին առաջին անգամ կը հրաւիրուի ազգային հաւաքականին մասնակցելու համար Եւրօ 2012-ի ընտրական փուլի խաղերուն։

11 Հոկտեմբերին Ալպա իր առաջին հանդիպումը կը կայացնէ հաւաքականի կազմին մէջ իրլանտացիներուն դէմ խաղին։ Յուլիս 1-ին, Եւրօ 2012-ի եզրափակիչ խաղին Չաւիի փոխանցումէն ետք Ալպա կը գրաւէ Իտալիոյ հաւաքականին դարպասը՝ դառնալով ոտնագնդակի պատմութեան առաջին պաշտպանը, որ կոլ կը նշանակէր Եւրոպայի առաջնութեան եզրափակիչ խաղին։

Մասնակցութիւն եւ կոլերու նշանակում՝ Ազգային հաւաքականին մէջ
Ազգային Հաւաքական Տարի Մասնակցութիւն Կոլ
Սպանիա 2011 2 0
2012 13 2
2013 9 3
2014 9 0
2015 6 1
2016 11 0
2017 8 2
2018 9 0
2019 3 0
2020 0 0
2021 10 0
2022 5 0
Ընդհանուր՝ 85 8


Միջազգային Կոլերու նշանակում՝ Ճորտի Ալպային կողմէ
Թիւ Թուական Վայր արդիւնք Մրցաշարք
1 1 July 2012 Ողիմպիական Մարզադաշտ Քիեւ, Ուքրանիա 4-0 Եու Ի Էֆ Ա Եւրօ 2012 Աւարտական
2 12 October 2012 Տինամա Մարզադաշտ, Մինսք, Պելառուսիա 4-0 2014 ՖԻՖԱ Համաշխարհային բաժակի որակում
3 23 June 2013 Քասթելաօ, Ֆորթալեզա, Պրազիլ 3-0 2013 ՖԻՖԱ Դաշնակցութեան Բաժակ
4
5 6 September 2013 Ողիմպիական Մարզադաշտ, Հելսինքի, Ֆինլանատա 2-0 2014 ՖԻՖԱ Համաշխարհային բաժակի որակում
6 5 September 2015 Քարլոս Թարթիէր Մարզադաշտ, Օվիէտօ, Սպանիա 2-0 Եու Ի Էֆ Ա Եւրօ 2016 որակում
7 11 November 2017 Լա Ռոզալետա, Մալակա, Սպանիա 5-0 Ընկերական
8 14 November 2017 Քրեթովսքի մարզադաշտ, Սենթ Փեթերսպուրկ, Ռուսիա 3-3

Ծանօթագրութիւններ[Խմբագրել | Խմբագրել աղբիւրը]

Արտաքին յղումներ[Խմբագրել | Խմբագրել աղբիւրը]