Մինսք

Մինսք

Մինսք (պելառուսերէն՝ Мінск, մինչեւ 1939 թուականը՝ Մենսք), Պելառուսիոյ մայրաքաղաքը, Մինսքի մարզի եւ Մինսքի շրջանի վարչական կեդրոնը, սակայն իրենց կազմին մէջ չէ ներառուած։

Մեծագոյն փոխադրական հանգոյցը, երկիրին քաղաքական, տնտեսական, մշակութային եւ գիտական կեդրոնը։

Մինսքի մէջ կը գտնուի ԱՊՀ-ի գլխաւոր գրասենեակը։

Քաղաքը կը գտնուի Սվիսլոչ գետի ափին։

Պատմութիւն

Ճանքա Քուփալա, Ազգային թատերասրահ

Առաջին անգամ Մինսքը կը յիշատակուի 1067-ին, իբրեւ ամրոց։

ԺԲ. դարէն սկսեալ, եղած է Մինսքի իշխանութեան կեդրոնը, ԺԴ. դարէն՝ Լիթվանիոյ մեծ իշխանութեան կազմին մէջ։

1499-ին, քաղաքին տրուած է մակտեպուրկեան իրաւունք, ԺԴ. դարէն դարձած է Մինսքի վոյվոտութեան կեդրոնը։

1793-էն մտած է Ռուսական կայսրութեան մէջ:

1796-էն Մինսքի նահանգի կեդրոնն էր։

1-3 Մարտ 1898, Մինսքի մէջ կայացած է ՌՍԴԲԿ 1-ին համագումարը։

1915-էն՝ ճակատամերձ քաղաք, ուր տեղաւորուած էր Արեւմտեան ռազմաճակատի շտապը։

25 Հոկտեմբեր 1917-ին (7 Նոյեմբեր) Խորհրդային իշխանութիւնը Մինսքի մէջ հաստատուած է:

28 Յունիս 1941-էն 9 Յուլիս 1944 գրաւած են գերմանական ֆաշիստները։

1946-1950 Մինսքը վերականգնած է։

Կլիման

Անկախութեան պողոտայ

Չափաւոր ցամաքային կլիմայ ունի Մինսքը՝ ատլանտեան ծովային օդին հետ միատեղ։

Մինսքի ամառը տաք է, բայց կիզիչ չէ։ Յուլիսին միջին ջերմաստիճանը +18,5°C է։

Ձմեռը շատ ցուրտ չէ, միջին ջերմաստիճանը Յունուարին −4.5°C է։

• Տարեկան միջին ջերմաստիճանը +6,7°C
• Առաւելագոյն ջերմաստիճանը (+35,8°C) գրանցուած է 8 Օգոստոս-ին, իսկ նուազագոյնը՝ (−39,1°C)՝ 17 Յունուարին:
• Հովին տարեկան միջին արագութիւնը՝ 2,4 մ/վ
• Օդին տարեկան միջին խոնաւութիւնը՝ 77%

Տարածութիւնը

2012-ի դրութեամբ, քաղաքին մակերեսը կը կազմէ 34, 884,43 հեկտար (348,84 քմ²)։ Իսկ 2006-ի դրութեամբ՝ 306,68 քմ²։ Հետագային կը փոխեն Մինսք քաղաքին եւ Մինսք շրջանին սահմանները Պելառուսիոյ նախագահին հրամանով, 22 Նոյեմբեր 2007-ին (թիւ 592) «Քաղաք Մինսքի եւ Մինսքի շրջանի սահմաններու փոփոխման մասին» քաղաքին սահմանին մէջ կը ներառուի Մինսքի շրջանէն 5,2715 հեկտար (0,05 քմ²)։ Նաեւ 116,95 հեկտար (1,17 քմ²) տարածք Սմոլեւիչեան շրջանէն, Մինսքի շրջանէն Պելառուսիոյ նախագահին հրամանով 21 Յուլիս 2008-ին (թիւ 397) «Քաղաք Մինսքի եւ Սմոլեւիչեան շրջանի սահմաններու փոփոխման մասին»։

Պատկերասրահ

• 
  Ս. Պետրոս եւ Պօղոս եկեղեցի (Ռուս Ուղղափառ)
• 
  Ս. Մարիամ Մագթաղենացի եկեղեցի (Ռուս Ուղղափառ)
• 
  Խաչվերաց եկեղեցի (Յոյն կաթոլիկ)
• 
  Ս. Երրորդութիւն (Յոյն կաթոլիկ)
• 
  Նահատակաց եկեղեցի (Ռուս Ուղղափառ, 2010)
• 
  Ս. Եւրոսինիա Փոլոթսք եկեղեցի (Ռուս Ուղղափառ)
• 
  Ս. Էլիզապէթ եկեղեցի (Ռուս Ուղղափառ)
• 
  Կարմիր եկեղեցի (Յոյն կաթոլիկ)
• 
  Ս. Յովսէփ եկեղեցի
• 
  Ս. Աստուածածին եկեղեցի (Յոյն կաթոլիկ)
• 
  Մինսքի Ս. Հոգի եկեղեցի (Ռուս Ուղղափառ)

Ծանօթագրութիւններ

• Պաշտօնական կայք Archived 2011-07-06 at the Wayback Machine.