Հերի Գունտաքճեան
| Հերի Գունտաքճեան | |
|---|---|
| Ծնած է | 11 Յուլիս 1930 |
| Ծննդավայր | Սուրիա[1] |
| Մահացած է | 21 Ապրիլ 2014 (83 տարեկանին) |
| Մահուան վայր | Մենհեթըն, Նիւ Եորք, Նիւ Եորք, Ամերիկայի Միացեալ Նահանգներ |
| Քաղաքացիութիւն |
.svg){kind=small} Ամերիկայի Միացեալ Նահանգներ |
| Մասնագիտութիւն | լուսանկարիչ, լրագրող և ֆոտոլրագրող |
| Աշխատավայր | Էսոշիէյթըտ Փրես |
Հերի Գունտագճեան (11 Յուլիս 1930, Սուրիա[1] - 21 Ապրիլ 2014, Մենհեթըն, Նիւ Եորք, Նիւ Եորք, Ամերիկայի Միացեալ Նահանգներ[2]), լուսանկարիչ եւ լրագրող։
Կենսագրական գիծեր
[Խմբագրել | Խմբագրել աղբիւրը]Գունտագճեան ծնած է Սուրիա։ Անցած է Լիբանան, ուր ստացած է իր երկրորդական կրթութիւնը։
1979-ին ընտանիքին հետ Մերձաւոր Արեւեկքէն Նիւ Եորք տեղափոխուած է։ Երկար տարինենր աշխատած է «Associated Press»ի իբրեւ լուսանկարիչ-լրագրող[3][4]։
Գործունէութիւն
[Խմբագրել | Խմբագրել աղբիւրը]Գունտաքճեան 22 տարեկանին Պէյրութի մէջ աշխատակցած է ֆրանսախօս «Լ՚Օրիան» եւ անոր արաբախօս տարբերակը եղող «Ժարիտա» օրաթերթերուն: Նոյն շրջանին ան աշխատակցած է նաեւ շարք մը այլ թերթերու, ինչպէս՝ «Մակազին», «Ուսպուհ Արապի», «Թայմ» եւ «Լայֆ» պարբերաթերթեր, «Էսոշիէյթըտ Փրէս», «Փարի Մաչ», «Ֆրանս Սուար», «Տը Տէյլի Մէյլ» եւ «Տը Լոնտոն Թայմզ»:
1966-ին միացած է «Էսոշիէյթըտ Փրէս» լրատու գործակալութեան՝ անդրադառնալով միջին արեւելեան զարգացումներուն, ինչպէս՝ պետական հարուածներ, թագաւորական պսակներ (Յորդանանի Հիւսէյն թագաւորի 4 պսակները), Թուրքիոյ, Իրանի եւ Մարոքի մէջ երկրաշարժեր եւ արեւելեան Փաքիստանի եւ Պանկլատէշի մէջ մրրիկներ:
Յետագայ Կեանք, Մահ Եւ Ժառանգութիւն[5]
[Խմբագրել | Խմբագրել աղբիւրը]Հերին այնքան յուզուած էր 2001 թուականի Սեպտեմբեր 11-ի Նիւ Եորքի ողբերգական իրադարձութիւններէն, որ ստեղծեց լուսանկարներու յատուկ ժողովածու մը՝ Նիւ Եորքի վրայ այս յիշարժան յարձակումը արձանագրելու համար, որպէսզի մենք երբեք չմոռնանք։
Ան մահացաւ 2014 թուականի Ապրիլ 21-ին, 83 տարեկան հասակին, Մանհեթթընի, Նիւ Եորք քաղաքի հիւանդանոցի մը մէջ, սրտի վիրահատութեան բարդութիւններէ։
2015 թուականի Սեպտեմբերին, Հերիի եղբօրորդին՝ Սեմ Ալենը, որ 2001 թուականի Սեպտեմբեր 11-ին գտնուած էր Ground Zero-ի մէջ որպէս շտապօգնութեան բժիշկ, գիրք մը գրեց աւերածութիւններու շրջանին 9 օր աշխատելու ընթացքին իր տեսածին, ըրածին, ապրումներուն մասին։
Այդ գիրքին մէջ ան գործածեց լուսանկարներ՝ Հերիի պատրաստած ժողովածուէն, ինչպէս նաեւ նկարներ, որոնք Հերին նախքան մահը ղրկած էր Սեմին, խնդրելով, որ ան փոխանցէ ուր եւ որու որ հարկ է, որպէսզի երբեք չմոռացուի այն օրը, որ փոխեց հազարաւոր մարդոց կեանքը։
Գիրքը լոյս տեսած է՝ ի նշան այդ ողբերգութեան 14-րդ տարելիցին։
Ծանօթագրութիւններ
[Խմբագրել | Խմբագրել աղբիւրը]- ↑ 1,0 1,1 1,2 Freebase տվյալների վերբեռնում — Կուկըլ.
- ↑ «Former AP photographer Harry Koundakjian dies»։ Associated Press (Անգլերէն)։ արտագրուած է՝ 2020-08-04
- ↑ «KOUNDAKJIAN, HARRY | Database of Armenian photo-media practioners»։ www.lusarvest.org։ արտագրուած է՝ 2020-08-04
- ↑ horizonweekly.ca https://horizonweekly.ca/am/36908-2/։ արտագրուած է՝ 2020-10-12
- ↑ (հայերեն) Հարրի Կունդակչյան, 2024-09-04, https://hy.wikipedia.org/w/index.php?title=%D5%80%D5%A1%D6%80%D6%80%D5%AB_%D4%BF%D5%B8%D6%82%D5%B6%D5%A4%D5%A1%D5%AF%D5%B9%D5%B5%D5%A1%D5%B6&oldid=10101989, վերցված է 2025-11-22