Համազգային Թատրոն
 |
| Գտնվելու վայրը | Երեւան, Հայաստան |
|---|---|
| Հիմնադրման թուական | 1991 |
| Նախկին անոանումներ |
Համազգային մշակութային միութեան Հայաստանի վարչութիխւն |
| Կայք | |
Սոս Սարգսեանի անուան Համազգային թատրոն, հիմնադրուած է 1991-ին, Երեւանի մէջ, Սոս Սարգսեանի նախաձեռնութեամբ (մինչեւ 1999՝ հովանաւոր՝ Համազգային մշակութային միութեան Հայաստանի վարչութիւն)։
Պատմութիւն
[Խմբագրել | Խմբագրել աղբիւրը]Թատրոնի հիմնադրման, ճանաչման եւ զարգացման գործին մէջ մեծ աւանդ ունին այնպիսի արուեստագէտներ, որոնցմէ են օրինակ՝ Մայիս Գարակէօզեան, Շահում Ղազարեան, Հրաչեայ Գասպարեան, Գալիա Նովենց, Դաւիթ Յակոբեան, Կարինէ Ջանջուղազեան, Միքայէլ Պօղոսեան, Աննա Էլբակեան, Նելլի Խերանեան, Տիգրան Ներսիսեան եւ այլք։
2003-ին ՀՀ վարչապետ Անդրանիկ Մարգարեանի ղեկավարութեամբ կառավարութիւնը որոշում առաւ թատրոնին տալ պետական կարգավիճակ՝ վերանուանելով զայն՝ Պետական Համազգային Թատրոն։ 2009-էն սկսեալ թատրոնը կը տնօրինէ Վարդան Մկրտչեան։
Բացուած է Էդուարդո տէ Ֆիլիպօյի «Սանիտայի թաղապետը» ներկայացումի բեմադրութեամբ (1991, բեմադրիչ՝ Ս. Սարգսեան)։ Բեմադրութիւններէն են նաեւ՝ Յ. Յակոբեանի «Լեռնային կակաչներ» (1993), Սայմոնի «Շիկացած սիրեկանն անկողնում» (1994), Մոլիերի «Տարտիւֆ» (1998, երեքն ալ՝ բեմադրիչ Յ. Գասպարեան), «Մենք» (ըստ Լեռ Կամսարի, 1993, բեմադրիչ Ե. Ղազանչեան), Ուիլիըմ Սարոյեանի «Մի գաւաթ բարութիւն» (1994), Շէյքսփիրի «Լիր արքայ» (1996, երկուքն ալ՝ բեմադրիչ՝ Ս. Սարգսեան), Մրոժեկի «Բաց ծովում», Կ. Մանիէի «Օսկար» (երկուքն ալ՝ 1995, բեմադիչ՝ Դ. Յակոբեան)։
Թատրոնը կը բեմադրուի նաեւ մանկական ներկայացումներ (Թումանեանի «Անբան Հուռին» եւ այլն)։
Տարբեր տարիներ թատրոնին մէջ աշխատած են ՀՀ վաստակաւոր արուեստագէտ Մայիս Գարակէօզեան, դերասաններ Գ. Սեդրակեան, Տ. Ներսիսեան, Հ. Վանեան, նկարիչ Գ. Նալչաջեան եւ ուրիշներ։ Թատերախումբին մէջ են (1999) Հ. Գասպարեանը (գլխաւոր բեմադրիչ 1995-էն սկսեալ), երգահան՝ ՀՀ արուեստներու վաստակաւոր գործիչ Մ. Վարդազարեան, ՀՀ վաստակաւոր արուեստագէտ Շ. Ղազարեան, արուեստագէտներ Գալիա Նովենց, Կարէն Ջանիբէկեան, Դ. Յակոբեան (նաեւ բեմադրիչ), Ա. Մկրտչեան, Աննա Էլբակեան, Կարինէ Ջանջուղազեան, Ա. Գալստեան, Նարեկ Հայկազեան, Զօհրակ Բեկ-Գասպարենց եւ ուրիշներ։ Համազգային թատրոնը հիւրախաղերով ելոյթ ունեցած է Սուրիոյ, Լիբանանի (1994) եւ Իրանի մէջ (1997)։
22 Հոկտեմբեր 2015-ին, ՀՀ Կառավարութեան որոշմամբ «Համազգային թատրոն» պետական ոչ առեւտրային կազմակերպութիւնը վերանուանած է «Սոս Սարգսեանի անուան համազգային թատրոն» պետական ոչ առեւտրային կազմակերպութիւն[1]։
Ծանօթագրութիւններ
[Խմբագրել | Խմբագրել աղբիւրը]Արտաքին յղումներ
[Խմբագրել | Խմբագրել աղբիւրը]- Համազգային պետական թատրոնի կայքը
- Համազգային թատրոնը avproduction.am կայքում Archived 2021-04-11 at the Wayback Machine.
Այս յօդուածի նախնական տարբերակը կամ անկէ մասը վերցուած է Հայկական համառօտ հանրագիտարանէն, որու նիւթերը թողարկուած են` Քրիեյթիւ Քոմմընզ Նշում–Համանման տարածում 3.0 (Creative Commons BY-SA 3.0) թոյլատրագրի մէջ։ 
|