Հադրութի Արթուր Մկրտչեանի Անուան Հայրենագիտական Թանգարան

Jump to navigation Jump to search
Հադրութի Արթուր Մկրտչեանի Անուան Հայրենագիտական Թանգարան
Hadrout009.JPG
Տեսակ թանգարան
Երկիր Flag of Artsakh.svg Արցախի Հանրապետութիւն
Flag of Azerbaijan.svg Ազրպէյճանի Հանրապետութիւն
Տեղագրութիւն Հադրութ
39°45′48.28″ հս․ լ. 46°45′3.85″ ավ. ե. / 39.7634111° հս․. լ. 46.7510694° ավ. ե. / 39.7634111; 46.7510694

Հադրութի Արթուր Մկրտչեանի անուան հայրենագիտական թանգարան, կը գտնուի ԼՂՀ Հադրութ քաղաքին մէջ[1]:

Պատմութիւն[Խմբագրել | Խմբագրել աղբիւրը]

Ա. Մկրտչեան արձանը Հադրութ քաղաքին մէջ

Հիմնադրուած է 28 Փետրուար 1984-ին: Հիմնադիրը եւ առաջին տնօրէնը Գ. Լ. Մարդանեանն էր։ 1986-1991-ականներուն թանգարանի տնօրէնն էր, իսկ յետագային նաեւ ԼՂ ԳԽ առաջին նախագահ՝ Ա. Ա. Մկրտչեանը: Վերջինիս օրոք թանգարանը կոչուած է «Դիզակ», իսկ յետագային Ա.Մկրտչեանի եղերական մահէն տարիներ ետք, հիմք ընդունելով անոր` թանգարանի համար կատարած մեծածաւալ գիտալուսաւորական, ուսումնայայտնագործական, հաւաքչական եւ ընդհանուր գիտական աշխատանքները, վերանուանուած է իր` Ա. Մկրտչեանի անունով: Թանգարանի մուտքին տեղադրուած է Ա.Մկրտչեանի կիսանդրին` ԼՂՀ զինանշանի ներքոյ: Մուտքին տեղադրուած նաեւ Հադրութի շրջանի վարչատարածքային քարտէզ-մանրակերտը:

Թանգարանի ստորաբաժանումներ[Խմբագրել | Խմբագրել աղբիւրը]

Թանգարանին մէջ կը գործէ վեց սրահ, ուր համապատասխանաբար կը ներկայացուին՝

  • Հադրութի շրջանի մասին ընդհանուր տեղեկութիւններ,
  • Շրջանի բուսական եւ կենդանական աշխարհը,
  • Նախնադարեան հասարակարգ,
  • Պրոնզէ դար,
  • Միջնադար,
  • Շրջանի կենցաղը պատկերող առարկաներ,
  • Նախայեղափոխական շրջան,
  • 1941-1945-ականներուն նուիրուած սրահ:

Վերջին սրահին մէջ ներկայացուած են Արցախեան գոյապայքարին զոհուած հադրութցի ազատամարտիկներու լուսանկարները`ըստ գիւղերու: Առանձին վահանակներով ներկայացուած են Մարտական խաչի ասպետներու եւ անհետ կորած ազատամարտիկներու լուսանկարները: Այստեղ դրուած է զոհուած ազատամարտիկներու յիշատակին նուիրուած յուշարձանի մանրակերտը: Առանձին վահանակով ներկայացուած է Արթուր Մկրտչեանի անցած ուղին: Առանձին վահանակով ներկայացուած է նաեւ ապրիլեան քառօրեայ պատերազմին զոհուած անվեհեր դիզակցիներու լուսանկարները:

Այժմ տնօրէնն է՝ Մարինէ Կարապետեանը:

Մասնաճիւղեր[Խմբագրել | Խմբագրել աղբիւրը]

«Հադրութի Ա. Մկրտչեանի անուան հայրենագիտական թանգարան» ՊՈԱԿ-ը ունի երկու մասնաճիւղերը՝ Մեծ թաղեր գիւղին մէջ «Մեծ Թաղերի Խուդեակովի անուան տուն-թանգարան» եւ Տումի մէջ՝ «Տումի Թեւան Ստեփանեանի անուան տուն-թանգարան»: Վերջինս կը գործէ 2014-էն:

Ծանօթագրութիւններ[Խմբագրել | Խմբագրել աղբիւրը]

  1. «Հադրութի Ա. Մկրտչեանի անուան հայրենագիտական թանգարան - See more at: http://www.mc.am/pages/p_ID/446#sthash.Ijkgt8Xy.dpuf»։ http://www.mc.am/