Կալկաթա

Jump to navigation Jump to search
'Կալկաթա (কলকাতা')

Կալկաթա[1] (պենկալերէն՝ কলকাতা}}, անգլերէն՝ Kolkata), քաղաք Հնդկաստանի մէջ, Պենկալեան ծովածոցի ափէն 140 ք.մ. հեռու։ Արեւմտեան Պենկալիա նահանգի վարչական կեդրոնն է։ Ծովային նաւահանգիստ է։

Անուանումը[Խմբագրել | Խմբագրել աղբիւրը]

Անուանումն առաջացած է այն գիւղի անունէն, որուն տեղը 1690-ին անգլիական արեւելահնդկական ընկերութիւնը հիմնադրած է այժմեան քաղաքի հիմքը հանդիսացող իր ֆակտորիան։ Այդ գիւղը կը կոչուէր Kalikata «Քալիի կացարան» (Քալին հինդկական դիցաբանութեան աստուածուհիներուն է՝ Շիւայի կինը), պաշտամունքային վայր էր։

Պատմութիւն[Խմբագրել | Խմբագրել աղբիւրը]

Կալկաթան անգլիացիներուն կողմէն հիմնադրուած քաղաք է. իրեն պատմութիւնը փաստօրէն կը համընկնի անգլիացիներուն կողմէն Հնդկաստանի նուաճման պատմութեան։

Կալկաթան հիմնադրուած է անգլիական Օսթ-Հնդկական ընկերութեան կողմէն, որ կը վայելէր Հնդկաստանի հետ առեւտուր կատարելու մենաշնորհը։ Ներկայ Կալկաթայի տեղը 1690-ին ֆակտորիա մը կար, ուր յետագային անգլիացիները կառուցեցին Ուիլիամ բերդը։ Այդ բերդը դարձաւ Կալկաթայի կորիզը։

1773-1911-ին Կալկաթան եղած է Հնդկաստանին անգլիական գաղութատիրութեան վարչական կեդրոնը:

Գրականութիւն[Խմբագրել | Խմբագրել աղբիւրը]

  • Հ.Ղ. Գրգեարեան, Ն. Մ. Յարութիւնեան, Աշխարհագրական անունների բառարան (Ա-Կ), Երեւան, «Լոյս», 1987, էջ 231։
  • Կ. Աւետիսեան, Արեւելքի մարգարիտը, Երեւան, Հայպետհրատ, 1964։

Տեսարժան վայրեր[Խմբագրել | Խմբագրել աղբիւրը]

Առանձնակի հետաքրքրութիւն կը ներկայացնեն Ֆորթ-Ուիլիամը, Վիքթորիա Մեմորիալ թանգարանը, ուր կը ցուցադրուին Վիքթորիա թագուհիի տիրապետութեան շրջանի նիւթեր եւ բուսաբանական այգին։

Արտաքին յղումներ[Խմբագրել | Խմբագրել աղբիւրը]

Ծանօթագրութիւններ[Խմբագրել | Խմբագրել աղբիւրը]

  1. Հովհաննես Բարսեղյան (2006)։ «Աշխարհագրական անունների հայերեն տառադարձության մասին որոշում»։ Տերմինաբանական և ուղղագրական տեղեկատու։ Երեւան: 9-րդ հրաշալիք։ էջ 51։ ISBN 99941-56-03-9