Կաթնապուր
| Կաթնապուր | |
|---|---|
 | |
| Ենթատեսակ | ապուր |
| Բաղադրամասեր | |
| Հիմնական | կաթ |
Կաթնապուր, ապուրի տեսակ։
Բաղադրիչներ
[Խմբագրել | Խմբագրել աղբիւրը]Կաթնապուրի պատրաստութեան համար անհրաժեշտ են՝ եգիպտական բրինձ գաւաթ կաթ, գաւաթ շաքար, եգիպտացորենի ալիւր, վանիլլա, փոշի կասիա, Հալէպի պիստակ` զարդարանքի համար։
Պատրաստութեան եղանակ
[Խմբագրել | Խմբագրել աղբիւրը]Կաթնապուրին հիմնական բաղադրիչները կարելի է ըսել բրինձն ու կաթն են, շաքարը՝ անհրաժեշտ, իսկ վանիլն ու ծաղիկի ջուրը՝ երկրորդական, ըստ նախընտրութեան:
Նախ բրինձը լուալ, կաթսայի մէջ փոխադրել եւ ջուրին մէջ եփել, մինչեւ որ կիսով չափ փափկանայ ու ջուրը քաշուի:
Բրինձին աւելցնել կաթը եւ թեթեւ կրակի վրայ եփել, մինչեւ որ ամբողջութեամբ փափկանայ: Եփի ժամանակ խառնուրդը մերթընդմերթ խառնել, որպէսզի կաթսային յատակին չփակչի:
Քիչ մը ջուրի մէջ լուծել եգիպտացորենի ալիւրը, աւելցնել խառնուրդին. վերջապէս, աւելցնել վանիլլան եւ շաքարը եւ քիչ-քիչ խառնել, մինչեւ որ խառնուրդը թանձրանայ:
Լեցնել փոս ամաններու մէջ եւ սպասել, որ քիչ մը պաղի: Մատուցելու ժամանակ երեսը զարդարել փոշի կասիայով եւ պիստակով[1]:
Հայկական սովորութիւններ
[Խմբագրել | Խմբագրել աղբիւրը]- Անցեալին Համբարձման օրը բոլոր տուներուն մէջ առտու կանուխ կաթնապուր կ'եփէին: Ոմանք կաթնապուրի կաթսային տակ վառող կրակին մէջ կ'այրէին եօթը աղօթքով հանգուցուած ձեռքի կապը:
- Հայաստանի որոշ շրջաններու մէջ կաթնապուրը կ'եփէին խմբովի` արտերուն մէջ եւ քանի մը շերեփ կաթնապուր կը թափէին արտերուն շուրջը` բերքի առատութիւն ապահովելու եւ արտը կարկուտէն ու վնասակար միջատներէն պաշտպանելու համար:
- Համբարձման օրուան կաթնապուրը մատաղ էր. անիկա կը բաժնուէր առնուազն եօթը տուն:
- Կարգ մը ընտանիքներ Զատիկէն մինչեւ Համբարձում կաթնապուր չէին ուտեր, որպէսզի կովերուն կաթը չպակսէր, իսկ Համբարձման օրը առաջին անգամ եփուող կաթնապուրը յատուկ հանդիսութեամբ կ'ուտուէր[1]:
Ծանօթագրութիւններ
[Խմբագրել | Խմբագրել աղբիւրը]- ↑ 1,0 1,1 «Հոգեբանին Կարծիքով. Ինչո՞ւ Կարեւոր Է Երեխայէն Ներողութիւն Խնդրելը»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2024-10-03։ արտագրուած է՝ 2024-10-08