Խորհրդային Արուեստ (ամսագիր)

«Խորհրդային Արուեստ», խորհրդային շրջանի հայակական գիտատեսական, քննադատական եւ գեղարուեստական պատկերազարդ ամսագիր։ Հանդիսացած է ՀԽՍՀ կուլտուրայի մինիստրութեան (մշակոյթի նախարարութիւն) եւ կինեմատոգրաֆիայի պետական կոմիտէի հրատարակութիւնը։ Առաջին անգամ լոյս տեսած է 1932 թուականին (1932-1938, 1940-1941 թուականներուն՝ «Խորհրդային արուեստ», 1943-1955 թուականներուն՝ «Սովետական Գրականութիւն Եւ Արուեստ»), Երեւանի մէջ։ Խմբագիրներ՝ Ա․ Վշտունի, Ս․ Մելիքսէթեան, Գ․ Հովնան, Ս․ Բայանդուր (1940-1941, 1955 թուականէն)։

30-ական թուականներուն ջատագոված է հայ-խորհրդային արուեստը (թատրոն, կինօ, երաժշտութիւն, կերպարուեստ ճարտարապետութիւն եւ այլն)։

Կազմակերպած է բանավէճեր ժամանակակից հայկակական երգի, ժողովրդական երգարուեստի ու պարարուեստի, քաղաքային շինարարութեան հարցերու շուրջ։ Տպագրած է գրական-գեղարուեստական, տեսական-քննադատական գործեր, փիեսներ, սցենարներ, գրախօսականներ, ծանօթացուցած հանրապետութեան մշակութային կեանքի իրադարձութիւններուն։

Տարբեր բնոյթի եւ ժանրի յօդուածներով հանդէսին թղթակցած են անուանի արուեստագէտներ, արուեստաբաններ, գրողներ՝ Մարտիրոս Սարեան, Փ․ Թէրլէմէզեան, Յովսէփ Օրբելի, Գ․ Լեւոնեան, Տ․ Բեկնազարեան, Տ․ Գիւլիքեւխեան, Դերենիկ Դեմիրճեան, Վահան Թոթովենց, Գուրգէն Մահարի, Ցոյ․ Ցուզովսկի, Բ․ Ալպերս, Մ․ Շտայնբերգ եւ ուրիշներ)։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։