Խորէն Տէր-Յարութեանի Թանգարան

Jump to navigation Jump to search
Խորէն Տէր-Յարութեանի Թանգարան
Khoren Ter Harutyan Museum, Echmiadzin.jpg
Տեսակ կենսագրական թանգարան եւ Պատկերասրահ
Երկիր Flag of Armenia.svg Հայաստան
Տեղագրութիւն Վաղարշապատ
40°09′43″N 44°17′41″E / 40.162075°N 44.294589°E / 40.162075; 44.294589


Էջմիածինի պատկերասրահ, Խորէն Տէր-Յարութեանի թանգարան, հիմնադրուած է 1970-ին։

Պատմութիւն[Խմբագրել | Խմբագրել աղբիւրը]

Էջմիածինի պատկերասրահը հիմնադրուած է 1970-ին։ Երկար տարիներ գործած է Գէորգեան ճեմարանի շէնքին մէջ։ 1994-ին շէնքը վերադարձուած է Մայր Աթոռին, իսկ մասնաճիւղին տրամադրուած է Էջմիածինի կինոթատրոնի շէնքը։

Թանգարանին մէջ կը ցուցադրուին ամերիկահայ քանդակագործ Խորէն Տէր-Յարութեանի ստեղծագործութիւնները (քանդակ, գծանկար, գեղանկար)։ Խորէն Տէր-Յարութեանը առաջին անգամ Հայաստան եկած է 1970-ին արտասահմանեան երկիրներու հետ բարեկամութեան եւ մշակութային կապերու հայկական ընկերութեան հրաւէրով։ 1971-ին Երեւանի Նկարիչի տան մէջ բացուած անհատական ցուցահանդէսը լայն ճանաչում բերած է անոր նաեւ Հայաստանի մէջ, իսկ 1983-ին քանդակագործը հայրենիքին նուիրաբերած է 200-է աւելի ստեղծագործութիւն։

Ցուցադրութիւն[Խմբագրել | Խմբագրել աղբիւրը]

1994-ին Էջմիածինի մասնաճիւղին մէջ կը բացուի վարպետին աշխատանքներուն մշտական ցուցասրահը։ Հոս կը ներկայացուին Տէր-Յարութեանի քանդակները, Ժամայքայի մէջ ապրած տարիներուն կատարած գեղանկարչական երկերը եւ տարբեր երկիրներու մէջ ստեղծած կրաֆիկական գործերը, որոնք կ՚արտացոլեն անոր գեղարուեստական լեզուն, պատկերացում կու տան անոր արուեստի բազմաժանրութեան մասին։

Խորէն Տէր-Յարութեան[Խմբագրել | Խմբագրել աղբիւրը]

Խորէն Տէր-Յարութեանի արուեստը ըստ արժանւոյն գնահատուած է ժամանակակիցներու կողմէ, լայն արձագանգ գտած է ամերիկեան եւ այլ երկիրներու մամուլին մէջ։ 1929-էն ան ունեցած է բազմաթիւ անհատական (ԱՄՆ, Ճամայքա, Անգլիա, Սկովտիա, Իտալիա, Ֆրանսա) եւ համատեղ ցուցահանդէսներ համաշխարհային ճանաչում ստացած արուեստագէտներու հետ (Մայոլ (Mayol), Դեսպիոյ (Tespio) , Փիքասօ (Picasso), Կապօ (Gabo), Լիպշից (Lipshitz)), արժանացած է տասնեակ մրցանակներու։ Տէր-Յարութեանի աշխատանքները կը պահուին աշխարհի տարբեր թանգարաններու եւ յատուկ հաւաքածոներու մէջ։ «Փոքր Մհեր», «Գիւտարար» կոթողային արուեստի գործերը տեղադրուած են Ֆիլատելֆիոյ «Ֆէյրմաունթ Փարք»-ին մէջ, «Կուղբ» աշխատանքը՝ Նիւ Եորքի Պեռնարտ Պըրուքի անուան քաղաքային քոլէճի (Baruch College (officially the Bernard M. Baruch College) նախասրահին մէջ, իսկ Երեւանի Օղակաձեւ զբօսայգիին մէջ վեր կը խոյանայ «Վերածնած Հայաստան» կոթողը։

Հասցէ[Խմբագրել | Խմբագրել աղբիւրը]

Թանգարանը կը գտնուի Արմաւիրի մարզի Էջմիածին քաղաքին, Կոմիտասի հրապարակին մէջ, Մայր Աթոռ Ս. Էջմիածինի հարեւանութեամբ։

Պատկերասրահ[Խմբագրել | Խմբագրել աղբիւրը]

Արտաքին յղումներ[Խմբագրել | Խմբագրել աղբիւրը]