Թաներ Աքչամ

թրք.՝ Taner Akçam
Ծնած է	23 Հոկտեմբեր 1953
Ծննդավայր	Արտահան
Քաղաքացիութիւն	Թուրքիա և  Գերմանիա
Մայրենի լեզու	թրքերէն
Ուսումնավայր	Միջինարևելյան տեխնիկական համալսարան? և Հանովերի համալսարան?
Երկեր/Գլխաւոր գործ	The Young Turks’ Crime against Humanity: The Armenian Genocide and Ethnic Cleansing in the Ottoman Empire?, Սպանության հրամաններ? և Ամօթալի Արարք Մը (գիրք)
Մասնագիտութիւն	Պատմաբան, ընկերաբան, իրաւապաշտպան եւ համալսարանի փրոֆէսօր։
Աշխատավայր	Hamburg Institute for Social Research? և Քլարք համալսարան

Թաներ Աքչամ (թուրքերէն՝ Taner Akçam, 23 Հոկտեմբեր 1953, Արտահան), թուրք պատմաբան, Մասաչուսեցի «Քլարք» համալսարանի պատմութեան դասախօս։

Կենսագրական գիծեր

Տոկթ. Աքչամ ծնած է Արտահան, 1953-ին: Ան փոքր տարիքին հետաքրքրուած է թրքական քաղաքականութեամբ: Որպէս խմբագիր ուսանողական քաղաքական թերթի մը, ան ձերբակալուած է 1976-ին եւ դատապարտուած 10 տարուան բանտարկութեան: «Միջազգային ներում» կազմակերպութիւնը (Amnesty International) որդեգրած է զինք որպէս «խղճմտանքի բանտարկեալ» (Prisoner of conscience): Տարի մը ետք, ան փախած է Գերմանիա եւ ստացած քաղաքական ապաստան: 1988-ին, ան սկսած է աշխատելու գիտական եւ ընկերային ուսումնասիրութեանց Համպուրկի հիմնարկին մէջ:

Առաջին ուսումնասիրութեան նիւթը եղած է քաղաքական բռնարարքներու պատմութիւնը՝ Օսմանեան կայսրութեան եւ Թուրքիոյ հանրապետութեան մէջ։ 2000-2002 տարիներուն, ան պատմութեան այցելու դասախօս եղած է Միշիկընի համալսարանին մէջ, ինչպէս նաեւ՝ Մինիսոթայի համալսարանի ու 2008-էն ի վեր «Քլարք» համալսարանի Ողջակիզման եւ ցեղասպանութեան ուսմանց կեդրոնի ուսումնասիրող եւ դասախօս: Ան հրատարակած է բազմաթիւ գիրքեր եւ յօդուածներ՝ անգլերէն, ֆրանսերէն, գերմաներէն եւ թրքերէն լեզուներով:

Մատենագիտութիւն

• Սպանութեան Հրամաններ։ Թալէաթ Փաշայի Հեռագրերը եւ Հայոց Ցեղասպանութիւնը (Killing Orders: Talat Pasha’s Telegrams and the Armenian Genocide) (2018)
• Աքչամ, Թաներ. Քիւրթ, իւմիթ (Նոյեմբեր 1, 2017). Օրէնքներու Հոգին. Բարեկեցութեան Աւարառումը Հայոց Ցեղասպանութեան Մէջ (The Spirit of the Laws: The Plunder of Wealth in the Armenian Genocide). Berghahn Books. ISBN 978-1-78238-624-7.
• Թաներ Աքչամ (2012) Երիտթուրքերուն Յանցագործութիւնը Մարդկութեան Դէմ. Հայոց Ցեղասպանութիւնը եւ Էթնիկ Զտումը Օսմանեան Կայսրութեան Մէջ (The Young Turks' Crime Against Humanity: The Armenian Genocide and Ethnic Cleansing in the Ottoman Empire), Princeton University Press ISBN 978-069-11-5333-9
• Աքչամ, Թաներ (Յունուար 2008). Հայկական Հարցը Լուծուած Է (Ermeni Meselesi Hallolunmuştur) (Թրքերէնով). İletişim. ISBN 978-975-05-0562-1
• Թաներ Աքչամ (Մայիս 16, 2006) Ամօթալի Արարք Մը. Հայոց Ցեղասպանութիւնը եւ Թրքական Պատասխանատուութեան Հարցը (A Shameful Act : The Armenian Genocide and the Question of Turkish Responsibility), Metropolitan Books ISBN 0-8050-7932-7 (Ստացաւ 2007-ի Մինեսոթայի Գիրքի Մրցանակը Ընդհանուր Ոչ Գեղարուեստական Գրականութեան Համար։)
• Թաներ Աքչամ (Սեպտ. 4, 2004) Կայսրութենէն Հանրապետութիւն. Թրքական Ազգայնականութիւնը եւ Հայոց Ցեղասպանութիւնը (From Empire to Republic : Turkish Nationalism and the Armenian Genocide), Zed Books ISBN 1-84277-527-8
• Երկխօսութիւն Միջազգային Բաժանումի Մը Միջով. Էսսէներ Դէպի Թրքա-Հայկական Երկխօսութիւն (Dialogue across an international divide: Essays towards a Turkish-Armenian dialogue), Zoryan Institute, 2001, ISBN 1-895485-03-7; - Գիրքին Մասին եւ Նախաբան
• (Թրքերէնով) Մարդու Իրաւունքներ եւ Հայկական Հարցը. «Միութիւն եւ Առաջադիմութիւն»-էն Մինչեւ Անկախութեան Պատերազմը (İnsan hakları ve Ermeni sorunu: İttihat ve Terakki'den Kurtuluş Savaşı'na), İmge Kitabevi, 1-ին հրատարակութիւն, 1999, ISBN 975-533-246-4
• Վերանայելով Արդիականութիւնը եւ Ազգային Ինքնութիւնը Թուրքիոյ Մէջ (Rethinking Modernity and National Identity in Turkey), Publications on the Near East, University of Washington, Սիպել Պոզտողան (Խմբագիր), University of Washington Press, Յուլիս, 1997, ISBN 0-295-97597-0
• (Գերմաներէնով) Հայաստանը եւ Ցեղասպանութիւնը. Իսթանպուլի Դատավարութիւնները եւ Թրքական Ազգային Շարժումը (Armenien und der Völkermord: Die Istanbuler Prozesse und die türkische Nationalbewegung), Hamburger Edition, 1-ին հրատարակութիւն, 1996, ISBN 3-930908-26-3
• (Թրքերէնով) Բռնութիւն եւ Խոշտանգում Մեր Քաղաքական Մշակոյթին Մէջ (Siyasi kültürümüzde zulüm ve işkence (Araştırma-inceleme dizisi)), İletişim Yayıncılık, 1-ին հրատարակութիւն, 1992, ISBN 975-470-249-7

Մրցանակներ

• Թաներ Աքչամ մրցանակ կը ստանայ «Աշխարհը առանց ցեղասպանութեան» կազմակերպութեան կողմէ։

Այս առթիւ՝ կազմակերպութեան ղեկավարը, նամակով մը կ՚ըսէ.

Մենք երկար ատեն է, որ կը հիանանք ձեր խիզախ աշխատանքով, որուն նպատակն է փաստել Օսմանեան կայսրութեան կողմէ հայ ժողովուրդին դէմ գործուած վայրագութիւնները: Հակառակ թուրք ծայրայեղականներուն կողմէ եղած մահուան սպառնալիքներուն` դուք Ցեղասպանութեան վերաբերեալ ձեր խօսքին մէջ ցուցաբերած էք հետեւողական յամառութիւն: - Էլէն Քենետի