Էռնեսթ Տէրվիշեան

Jump to navigation Jump to search
Էռնեսթ Տէրվիշեան
Ernest H. Dervishian.jpg
Ծնած է 10 Օգոստոս 1916(1916-08-10)[1]
Ծննդավայր Ռիչմոնդ, Ամերիկայի Միացեալ Նահանգներ
Մահացած է 20 Մայիս 1984(1984-05-20)[1] (67 տարեկանին)
Մահուան վայր Ռիչմոնդ, Ամերիկայի Միացեալ Նահանգներ
Քաղաքացիութիւն Flag of the United States.svg Ամերիկայի Միացեալ Նահանգներ
Ազգութիւն հայ եւ ամերիկահայ
Մասնագիտութիւն փաստաբան
Պարգեւներ եւ
մրցանակներ
Պատվո մեդալ

Էռնեսթ (Երուանդ) Հերբերտ Տէրվիշեան (անգլերէն՝ Ernest Herbert Dervishian, 10 Oգոստոս, 191620 Մայիս, 1984), հայազգի ամերիկեան բանակի սպայ, Երկրորդ համաշխարհային պատերազմի տարիներուն ցուցաբերած արիութեան համար 1945 թուականին պարգեւատրուած է Միացեալ նահանգներու Գոնկրեսի Պատուոյ շքանշանով[2]։

Կենսագրութիւն[Խմբագրել | Խմբագրել աղբիւրը]

Ծնած է 1916 թուականին ԱՄՆ Ռիչմոնտ քաղաքին մէջ։ Ստացած է Երուանդ անունը[3]։ 1933 թուականին աւարտած է Ճոն Մարշըլի անուան միջնակարգ դպրոցը։ 1937 թուականին յանձնելով Վիրճինիա նահանգի քննութիւնները կը ստանայ իրաւագիտութեան Պսակաւոր Արուեստից (Bachelor's degree) աստիճան։ 1941 թուականի Սեպտեմբերին իր ծննդավայրէն կը մեկնի բանակ եւ ծառայութեան կ'անցնի որպէս շարքային։ Վերապատրաստուած է Հարաւային Քարոլինայի մէջ[4]։ 1944 թուականին, Իտալիոյ մէջ ֆաշիսթներու դէմ մարտերուն մասնակցելով, հետեւակային 34-րդ զօրաբաժնի գիտա-ճարտարարուեստութեան քսանապետ (sergeant) էր։

Հերոսական Արարքը[Խմբագրել | Խմբագրել աղբիւրը]

1944 թուականի Մայիս 23-ին Սիսթերնայի մօտ ամերիկեան ջոկատն կ'իյնայ շրջապատման մէջ։ Ամբողջ ջոկատէն ողջ կը մնայ միայն Տէրվիշեանը։ Անընդհատ դիրքը փոխելով եւ հրաձգութիւն վարելով ան կը փորձէ տպաւորութիւն ստեղծել, թէ ջոկատը մարտունակ է։ Երբ զինամթերքը կը սպառի, միայն ատրճանակով զինուած Տէրվիշեանը կ'անցնի թշնամի դիրքերը, կը խլէ մէկ գնդացիր եւ անակնկալի կը բերէ հակառակորդի ջոկատը: Որմէ ետք, ան մինակը կը գերեվարէ թշնամի 45 զինուորի, կը խլէ երեք գնդացիր եւ տասը ատրճանակ։[5]

Գնահատականը[Խմբագրել | Խմբագրել աղբիւրը]

Պատերազմի աւարտէն յետոյ ալ Էռնեսթ Տէրվիշեանը շարունակեց իր ծառայութիւնը Եւրոպական եւ խաղաղովկիանոսեան տարբեր շրջաններու մէջ։ Զինարձակուած է աւագ ծովային ենթասպայի (Captain lieutenant) կոչումով[6] (ըստ այլ տուեալներու գնդապետի[7])։ Բացի երեսփոխաններու եւ ծերակուտականներու ժողովի (Congress) Պատուոյ շքանշանէն, Տէրվիշեանը պարգեւատրուած է շարք մը երկիրներու շքանշաններով՝ լեհական վտարանդի կառավարութեան կողմէն՝ Պատուոյ մետալով, Պրոնզէ աստղով եւ իտալական հրամանատարութեան կողմէն՝ Արծաթէ խաչով, ռազմական արիութեան խաչով եւ այլն։ Զօրացրուելէն կամ զինարձակուելէն ետք (Demobilized) ՝ Տէրվիշեանը զբաղեցուցած է ռազմական բարձր պաշտօններ՝ եղած է Ամերիկեան ազգային լեգէոնի (զօրագունդ) փոխհրամանատար, ռազմական պետական կարեւոր հարցերով խորհրդական[8]։

ԱՄՆ ազգային հերոս Էռնեսթ Տէրվիշեանը մահացած է 1984 թուականին եւ թաղուած է ծննդավայրի Վեսթհեմփթըն յիշատակի պուրակին մէջ։

Ծանօթագրութիւններ[Խմբագրել | Խմբագրել աղբիւրը]

  1. 1,0 1,1 Find A Grave — 1995. — ed. size: 165000000
  2. Ernest H. Dervishian
  3. Ե. Խալէեան, «Սփիւռքահայութեան Մասնակցութիւնը ՀակաՖաշիստական Պայքարին մէջ, 1941-1945», Երեւան, ԳԱ, 1970, էջ 160
  4. Tashjian, James H. The Armenian American in World War II. Boston: Harenik Association, 1952, p. 70.
  5. Է. Տէրվիշեանի մասին, ԱՄՆ բանակի պատմութիւնէն (անգլերէն)
  6. Հայերը ամերիկեան բանակում. ԱՄՆ ազգային հերոս Էռնեսթ Տէրվիշեան
  7. Ջոկատ-մարդը
  8. ԷՌՆԵՍԹ ՏԷՐՎԻՇԵԱՆ, anunner.com