Զնտուկ

Զնտուկ, մանկավարժական հայալեզու (արեւմտահայերէն) աղբիւրներու եւ գործիքներու համացանցային լայնարձակ կայքէջ։ Կը ներփակէ հայերէնի ուսուցման արդի, նորարար եւ գործնական մեթոտիք ծրագիրներ։^[1]

Հակիրճ տեղեկութիւններ

Զնտուկը հիմնուած է Գալուստ Կիւլպէնկեան Հիմնարկութեան Հայկական Բաժանմունքին կողմէն, եւ հանրութեան ներկայացաւ 16 Հոկտեմբեր 2021-ին։

Ժամանակակից մանկավարժական, երեխայակեդրոն եւ ուսանողակեդրոն մօտեցումներով համացանցային կեդրոն մըն է «զնտուկ»ը, որմէ մասնաւորաբար կ՛օգտուին մանկավարժներ, ուսուցիչներ, աշակերտներ եւ ծնողներ, դպրոցներէն ներս կամ դուրս։^[2]

Կ՚ընդգրկէ մանկապատանեկան տեսերիզներ, ձայներիզներ, շարժապատկերներ, շարժանկարներ, տարբեր տարիքներու համար նախատեսուած ծրագիրներ, գրական ստեղծագործութիւններ, բառարաններ, խաղեր եւ ուրիշ զանազան նիւթեր։ Ինչպէս նաեւ ուսուցիչներու համար պատրաստուած գրաւոր եւ լսատեսողական ուղեցոյցներ, որոնք շարունակ կը հարստանան։^[3]

Գաղափարախօսութիւնը

Զնտուկը ստեղծուած է հիմնուելով մանկավարժական որոշ սկզբունքներու վրայ։ Լեզուն անհատի մը առօրեային հետ կապուած ըլլալով, ան «զնտուկ»ին մէջ ամբողջութեամբ ընդգրկուած է որպէս՝ «ապրող, շնչող, ինքզինք զարգացնող, աշխարհին հետ զուգահեռ յառաջացող միջոց, վայր եւ եղանակ»: Կայքէջին բովանդակութիւնը շարունակ կ՛ընդլայնուի։^[4]

Տե՛ս նաեւ

Արտաքին յղումներ

Զնտուկի պաշտօնական կայքէջ

Ծանօթագրութիւններ

[1] Մասիս փոստ - Զնտուկ առցանց դաստիարակչական մանկավարժական աղբիւր(անգլերէն)

[2] westernarmeniatv «Զնտուկ» մանկավարժական աղբիւրներ արեւմտահայերէնով կայքը, Դեկտ․1, 2021

[3] CIVILNET Բարի եկած էք «զնտուկ մանկավարժական աղբիւրներ արեւմտահայերէնով» կայքէջը, 14-10-2021

[4] Ասպարէզ․ Գաղութի Կեանքէն - «Զնտուկ» Մանկավարժական Կայքի Առցանց Ներկայացում՝ 16 Հոկտեմբերին, 12-10-2021

[1]

[2]

[3]

[4]