Գրիգոր Ջաղեթեան
| Գրիգոր Ջաղեթեան | |
|---|---|
 | |
| Ծնած է | 1885 |
| Ծննդավայր | Իջեւան |
| Մահացած է | 1938 |
| Քաղաքացիութիւն |
 Ռուսական Կայսրութիւն.svg){kind=small} Խորհրդային Միութիւն |
| Ուսումնավայր | Լայփցիկի Համալսարան |
| Մասնագիտութիւն | քաղաքական գործիչ |
| Կուսակցութիւն | Հայ Յեղափոխական Դաշնակցութիւն |
Գրիգոր Ջաղեթեան (1885, Իջեւան - 1938), հայ տնտեսագէտ, հասարակական, պետական, քաղաքական գործիչ, Հայաստանի Ա. Հանրապետութեան տնտեսութեան նախարար, ՀՅԴ կուսակցութեան անդամ:
Կենսագրական գիծեր[Խմբագրել | Խմբագրել աղբիւրը]
Ծնած է Իջեւան: Աւարտած է Թիֆլիսի Ներսիսեան դպրոցը, իսկ 1909-ին` Լայփցիկի համալսարանը: Անդրկովկասի Սէյմին մէջ պաշտօնավարած է իբրեւ տնտեսագէտ:
Հայաստանի Հանրապետութեան հիմնադրութեան ժամանակաշրջանին Ալեքսանդր Խատիսեանի կառավարութեան մէջ եղած է տնտեսութեան նախարարի պաշտօնակատար (1919 Մայիս), ապա` նախարար. նախարարի պաշտօնը վարած է 24 Մայիս 1919-էն մինչեւ 5 Օգոստոս 1919, որմէ ետք եղած է պետական վերահսկիչ` պաշտօնավարելով Դեկտեմբեր 1919-էն մինչեւ 1920 Սեպտեմբեր:
Հայաստանի պոլշեւիկեան ռազմակալումէն ետք հեռացած է Պարսկաստան:
Հայրենիք վերադարձած է 1922-ին, եղած է պետական դրամատան կառավարիչ[1]:
1938 Հոկտեմբեր ամսուն Եռեակի յատուկ խորհրդակցութեան կողմէ դատապարտուած է գնդակահարութեան` մեղադրուելով գերմանական հետախուզութեան եւ Գերմանիոյ օգտին լրտեսական աշխատանք տանելուն համար: Մեղադրանքի համար հիմք հանդիսացած է այն, որ Ջաղեթեանը եղած է Անդրկովկասի մէջ գերմանացի հրամանատարին հետ բանակցութիւններու նախաձեռնողը` նպատակ հետապնդելով Հայաստանը յանձնել Գերմանիոյ հովանաւորութեան:
Արդարացուած է 1958-ին` ՀՍՍՀ Գերագոյն դատարանի քրէական գործերու դատական խորհուրդի որոշումով[2]:
Ծանօթագրութիւններ[Խմբագրել | Խմբագրել աղբիւրը]
- ↑ «Ջաղեթեան Գրիգոր»։ minfin.am։ արտագրուած է՝ 2023-06-06
- ↑ «Հարիւր Դէմք` Հայաստանի Ա. Հանրապետութեան Հիմնադրութեան Հարիւրամեակին»։ aztag32.rssing.com։ արտագրուած է՝ 2023-06-06