Գրիգոր Չուպարեան
| Գրիգոր Չուպարեան | |
|---|---|
| Ծնած է | 6 Յուլիս 1888 |
| Ծննդավայր | Ղրիմ, Ռոստովի շրջան, Դոնի զորքի մարզ, Ռուսական Կայսրութիւն |
| Մահացած է | 6 Սեպտեմբեր 1962 (74 տարեկանին) |
| Մահուան վայր | Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն |
| Քաղաքացիութիւն |
 Ռուսական Կայսրութիւն և  Խորհրդային Միութիւն |
| Ուսումնավայր | Մոսկուայի պետական համալսարան |
| Մասնագիտութիւն | իրաւաբան, հանրային գործիչ և քաղաքական գործիչ |
| Երեխաներ | Ղուկաս Չուպարեան |
Գրիգոր Չուպարեան (6 Յուլիս 1888, Ղրիմ, Ռոստովի շրջան, Դոնի զորքի մարզ, Ռուսական Կայսրութիւն - 6 Սեպտեմբեր 1962, Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն), հայ իրաւաբան, հրապարակախօս, հասարակական եւ քաղաքական գործիչ։ Հայրն է քանդակագործ եւ Հայաստանի Ժողովրդական գեղանկարիչ Ղուկաս Չուպարեանին:
Կեանէ եւ գործունէութիւն
[Խմբագրել | Խմբագրել աղբիւրը]Ծնած է Խրիմ։ Նախնական կրթութիւնը ստացած է ծննդավայրին մէջ, ուրկէ շրջանաւարտ ըլլալէ ետք՝ 1913 թուականին, ընդունուած է Ռուսաստանի Եարոսլաւլի համալսարանի իրաւաբանական բաժին։
Աւարտելէ ետք իրաւաբանական ուսումը ընդունուած է Մոսկուայի Պետական համալսարանի պատմագրական բաժինը:
Ուսումը ամբողջութեամբ աւարտելէ ետք, 1919 թուականին հաստատուած է Երեւան, ուր 1920-1924 թուականներուն ստանձնած է Արդարադատութեան ժողովրդական կոմիսարի առաջին տեղակալի պաշտօնը՝ մեծապէս նպաստելով 1922 թուականի սահմանադրութեան քրէական դատավարութեան եւ հողային օրէնսգիրքի, ինչպէս նաեւ տուգանքներու վերաբերեալ հարցերու վերաբերեալ օրէնքներու մշակման գործին:
Երեւան հաստատուած տարիներէն Չուպարեան եղած է Երեւանի Պետական համալսարանի հիմնադիր դասախօսներէն մին, ուր ուսուցչութիւն կատարած է մինչեւ 1937 թուականը[1]: Այդ տարիներուն ենթարկուած է բռնադատութեան եւ երկար ժամանակ աքսորուած է. աքսորի ընթացքին ոչնչացուած է նաեւ անոր բոլոր աշխատութիւնները։ 1956 թուականին արդարացուելով դարձեալ վերադարձած է Հայաստան:
Վերադառնալով Հայաստան Չուպարեան շարունակած է իր ուսուցչութեան պաշտօնը՝ մինչեւ իր մահը:
Կոչում եւ կիսանդրի
[Խմբագրել | Խմբագրել աղբիւրը]Շնորհիւ իր վաստակին, Չուպարեան 1961 թուականին արժանացած է Հայաստանի Գիտութեան վաստակաւոր գործիչի կոչումին:
Մինչեւ օրս ի յիշատակ Չուպարեանին Երեւանի Պետական համալսարանի կեդրոնական մասնաշէնքին մէջ տեղադրուած է իրաւաբանին կիսանդրին[2]:
Ծանօթագրութիւններ
[Խմբագրել | Խմբագրել աղբիւրը]- ↑ «ԳՐԻԳՈՐ ՀԱՄԲԱՐՁՈւՄԻ ՉՈւՊԱՐԵԱՆ»։ ysu.am։ արտագրուած է՝ 2022-07-11
- ↑ «ԳՐԻԳՈՐ ՉՈՒՊԱՐԵԱՆ (1888-1962)»։ www.jamanak.com։ արտագրուած է՝ 2022-07-11