Գէորգ Պարտաքճեան (պատմաբան)
| Գէորգ Պարտաքճեան | |
|---|---|
| Ծնած է | 2 Օգոստոս 1942[1] (82 տարեկան) |
| Ծննդավայր | Պէյրութ, Լիբանան |
| Քաղաքացիութիւն |
 Լիբանան Ամերիկայի Միացեալ Նահանգներ |
| Ուսումնավայր |
Երեւանի պետական համալսարանի հայ բանասիրութեան բաժանմունք Օքսֆորտի Համալսարան |
| Կոչում | փրոֆեսոր |
| Մասնագիտութիւն | պատմաբան, բանասէր, գրականագէտ |
| Աշխատավայր |
Հարուըրտ Համալսարան Միշիկընի Համալսարան, |
| Անդամութիւն | Հայաստանի Գիտութիւններու Ազգային Ակադեմիա, Middle East Studies Association of North America? եւ Society for Armenian Studies? |
Գէորգ Պարտաքճեան (2 Օգոստոս 1942[1], Պէյրութ, Լիբանան), հայ հայագէտ, պատմաբան, գրականագէտ։
Կենսագրական գիծեր
[Խմբագրել | Խմբագրել աղբիւրը]Ծնած է Պէյրութ, սակայն հանգամանքներու բերումով դպրոցական տարիները անցուցած է Դամասկոս եւ դպրոցը աւարտելէ ետք բարձրագոյն ուսման նպատակով փոխադրուած է Հայաստան:
Ան աւարտած է Երեւանի Պետական համալսարանի Հայագիտութեան բաժինը, այնուհետեւ իր ուսումը շարունակած է Օքսֆորտի համալսարանին մէջ:
1974-1987 թուականներու միջեւ Գէորգ Պարտաքճեան դասախօսած է Միացեալ Նահանգներու, Հարվըրտի համալսարանին մէջ, 1987 թուականէն ի վեր Միշիկընի համալսարանի Հայոց լեզուի եւ գրականութեան բաժինի վարիչն է, նոյն համալսարանի հայագիտական ծրագիրներու տնօրէնը։
Աշխատութիւններ
[Խմբագրել | Խմբագրել աղբիւրը]Անոր ուսումնասիրութիւնները կը վերաբերին վաղ միջնադարեան եւ նոր շրջանի պատմութեան, գրականութեան եւ մշակոյթին: Յիշատակելի են 1980 թուականին լոյս տեսած «Յակոբ Պարոնեանի այլաբանական կարգ մը երկերու պատմական դէմքերն ու դէպքերը», 1991 թուականին լոյս տեսած «Հիթլէրը եւ հայոց ցեղասպանութիւնը» գիրքերը: 2018-ին լոյս տեսած է «Պատմաբանասիրական յօդուածներ» խորագրով ժողովածոն։
Պարտաքճեան Երեւանի պետական եւ Խաչատուր Աբովեանի անուան մանկավարժական համալսարաններու պատուակալ տոքթոր է:
Մրցանակներ
[Խմբագրել | Խմբագրել աղբիւրը]Գէորգ Պարտաքճեան գիտութեան եւ կրթութեան ոլորտէն ներս իր մեծ աւանդին համար 2000-ին արժանացած է «Արթուր Դադեանի անուան հայկական (մշակութային) ժառանգութեան մրցանակ»ին։
2011-ին՝ Ամերիկայի Հայ ուսանողներու կողմէն Ճէք Քոլիկեանի անուան հայագիտական մրցանակին։
2011-ին ստացած է «Էլիս կղզիի պատուաւոր մեյտալ»ը։
Սակայն անոր կենսագրութեան մէջ թանկ են մանաւանդ իր հայրենիքի մէջ ստացած շքանանշանները եւ այն արժեւորումը, զոր ան կը ստանայ հայրենի գիտական աշխարհին կողմէ:
Աղբիւրներ
[Խմբագրել | Խմբագրել աղբիւրը]Այս յօդուածի կամ անոր մէջ որոշակի յատուածի սկզբանական տարբերակը վերցուած է «Հայկական Հարց» Հանրագիտարանէն, որու նիւթերը թողարկուած են Քրիեյթիւ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|