Գէորգ Գրիգորեանի (Ճոտտօ) Արուեստանոց-Թանգարան

Jump to navigation Jump to search
Գէորգ Գրիգորեանի (Ճոտտօ) Արուեստանոց-Թանգարան
Գևորգ Գրիգորյանի (Ջոտտո) արվեստանոց-թանգարան.jpg
Տեսակ հուշային թանգարան? եւ թանգարան?
Երկիր Flag of Armenia.svg Հայաստան[1]
Տեղագրութիւն Երեւան եւ Կեդրոն
Հասցէ Մաշտոցի փող. 45ա[1]
Հիմնադրուած է 1977
Տնօրէն Մարտին Միքայելյան?
40°11′25″N 44°31′01″E / 40.1903°N 44.517°E / 40.1903; 44.517


Գէորգ Գրիգորեանի (Ճոտտօ) արուեստանոց-թանգարանը հիմնադրուած է 1977-ին Երեւանի մէջ խումբ մը արուեստագէտներու եւ ՀԽՍՀ վաստակաւոր նկարիչ Գէորգ Գրիգորեանի (Ճոտտօ, 1897-1976) այրիի՝ Տիանա Ուքլեպայի նախաձեռնութեամբ։ 1979-էն կը համարուի Հայաստանի Ազգային Պատկերասրահի մասնաճիւղերէն մէկը[2]։

Պատմութիւն[Խմբագրել | Խմբագրել աղբիւրը]

Արուեստանոց-թանգարանին մէջ ներկայացուած են նկարիչի ստեղծագործական ժառանգութիւնը, յուշաձեռագրային նիւթեր, անձնական իրեր։ Գէորգ Գրիգորեանի գեղարուեստական մտածողութիւնը ձեւաւորուած է Թիֆլիսի մէջ։ Գէորգ Գրիգորեանը ստեղծած է հոգեբանական դիմանկարներ, տարաբնոյթ յօրինուածքներ։ Նկարած է մտերիմներուն, բարեկամներուն, ամբողջ շարք մը կը կազմեն տարբեր տարիներուն վրձինած կնոջ՝ նկարչուհի եւ բանաստեղծուհի Տիանայի պատկերները, որոնք իրարմէ կը տարբերուին գունային լուծումներով, կառուցուածքով, լի են քնքշանքով ու սիրով։

Թեմատիկ յօրինուածքներուն մէջ Գէորգ Գրիգորեանը կրկին կ՚անդրադառնայ իր մանկութեան տարիներու Թիֆլիսին՝ վերարտադրելով ժամանակին բնորոշ մթնոլորտը, կենցաղն ու բարքերը։ Առանձնակի հետաքրքրութիւն կը ներկայացնեն Գէորգ Գրիգորեանի նատիւրմօրտները։ Նկարիչի վրձինը վարպետօրէն կը կերտէ հիմնականին թեք հարթութիւններու վրայ տեղադրուած պարզունակ կենցաղային առարկաներ, միրգեր, ծաղիկներ։

Արուեստանոց-թանգարանի սրահներէն մէկուն մէջ ներկայացուած են Տիանա Ուքլեպայի քանի մը կտաւները, իսկ առաջին յարկին վրայ՝ «թիֆլիսեան դպրոցի» անուանի նկարիչներու ստեղծագործութիւնները[3]։

Միջացառումներ[Խմբագրել | Խմբագրել աղբիւրը]

Ջիոտտոյի արուեստանոց-թանգարանը հայ եւ վրաց ժողովուրդներու բարեկամութեան մշակութային կեդրոն մըն է, ուր կը կազմակերպուին Վրաստանի նկարիչներու ցուցահանդէսներ, մշակութային կապերուն վերաբերող միջոցառումներ, կը կազմակերպուին նաեւ դասախօսութիւններ։

Հասցէ[Խմբագրել | Խմբագրել աղբիւրը]

Ցուցասրահը կը գտնուի Երեւանի Մաշտոցի պողոտայի 45ա հասցէին վրայ։

Պատկերասրահ[Խմբագրել | Խմբագրել աղբիւրը]

Ծանօթագրութիւններ[Խմբագրել | Խմբագրել աղբիւրը]

  1. 1,0 1,1 https://tools.wmflabs.org/heritage/api/api.php?action=search&format=json&srcountry=am&srlang=hy&srid=1.6/10 — 2017.
  2. Գէորգ Գրիգորեանի (Ջիոտտօ) արուեստանոց-թանգարան
  3. «Պտոյտներ Հայաստանի Մշակոյթի Գանձարաններուն Մէջ – ԻԳ – Թախծոտ Գոյներու Քնարերգուն Գէորգ Գրիգորեանի (Ճոտտոյի) Արուեստանոց-Թանգարան - ՌԱԿ ՄԱՄՈՒԼ | Պաշտօնական Կայք Ռամկավար Ազատական Կուսակցութեան»։ ՌԱԿ ՄԱՄՈՒԼ | Պաշտօնական Կայք Ռամկավար Ազատական Կուսակցութեան (հայերեն)։ 2018-01-09։ արտագրուած է՝ 2018-01-19