Արտեմ Սարգսեան (լեզուաբան)

Jump to navigation Jump to search
Արտեմ Սարգսեան
Ծնած է 28 Օգոստոս 1942(1942-08-28) (79 տարեկան)
Ծննդավայր Կիրովաբադ, Ադրբեջանական ԽՍՀ, ԽՍՀՄ
Ազգութիւն Հայ
Մասնագիտութիւն բանասէր, հեռուստահաղորդավար
Աշխատավայր 1965-ից

Արտեմ Եղիշէի Սարգսեան (28 Օգոստոս1942, Կիրովաբադ, Ատրպէյճանական ԽՍՀ, ԽՍՀՄ), ՀՀ ԳԱԱ թղթակից անդամ, բանասիրական գիտութիւններու դոկտոր, փրոֆեսոր, հաղորդավար[1][2]:

Կենսագրութիւն[Խմբագրել | Խմբագրել աղբիւրը]

Արտեմ Սարգսեանը ծնած է 28 Օգոստոս 1942-ին Կիրովաբադ (Գանձակ) քաղաքը։ 1965-ին աւարտած է Երեւանի պետական համալսարանի բանասիրական ֆակուլտետը։ 1987-էն բանասիրական գիտութիւններու դոկտոր է, 1990-էն՝ փրոֆեսոր։ 1986-ին արժանացած է ՀԽՍՀ Պետական մրցանակի։ Անոր լեզուաբանական աշխատութիւնները նուիրուած են գրաբարի կառուցուածքային նկարագրութեան՝ ժամանակակից ճշգրիտ մեթոդներու կիրառմամբ, արեւմտահայերէնի կառուցուածքային նկարագրութեան՝ հնչիւնաբանութիւն, բառապաշար, քերականութիւն, արեւելահայերէնի եւ արեւմտահայերէնի զուգադրական քննութեան, լեզուաբանական աշխարհագրութեան եւ հանրալեզուաբանութեան հիմնախնդիրներուն։ Դասաւանդած է Հայաստանի շարք մը բուհերէն ներս եւ Սփիւռքի կրթօջախներուն մէջ։ 1972-1982-ներուն դասաւանդած է Կիպրոսի Մելգոնեան վարժարանին մէջ, իսկ 1992-1996-ներուն՝ Երուսաղէմի Ժառանգաւորաց վարժարանին եւ ընծայարանին մէջ՝ միեւնոյն ժամանակ ըլլաքով կրթական հաստատութեան տեսուչը։ 1978-էն Առաջին ալիքի, ապա՝ «Արմենիա» հեռուստաընկերութեամբ հիմնած եւ վարած է «Մեր լեզուն, մեր խօսքը» հաղորդաշարը։ 1998-էն ՀՀ ԳԱԱ Հրաչեայ Աճառեանի անուան լեզուի ինստիտուտի թեմատիկ խումբի ղեկավարն է։ Եղած է «Արմենիա» հեռուստաընկերութեան գլխաւոր խմբագիրը։

Պարգեւներ[Խմբագրել | Խմբագրել աղբիւրը]

  • ՀՀ «Մովսէս Խորենացի» մետալ, 2002
  • «Հայրենիքին մատուցած ծառայութիւնների համար» 1-ին աստիճանի մետալ, 2011[3]
  • ՀՀ կրթութեան եւ գիտութեան նախարարութեան ոսկէ մետալ

Ծանօթագրութիւններ[Խմբագրել | Խմբագրել աղբիւրը]

  1. Արտեմ Սարգսեան (ծննդեան 70-ամյակի առթիւ)(հայ.)
  2. Amazon.com(անգլերէն)
  3. Հայաստանի Հանրապետութեան մետալներով պարգեւատրելու մասին