Արամ Ղարաբեկեան
| Արամ Ղարաբեկեան | |
|---|---|
 | |
| Ծնած է | 7 Յուլիս 1955 |
| Ծննդավայր | Թեհրան, Իրան |
| Մահացած է | 10 Յունուար 2014 (58 տարեկանին) |
| Մահուան վայր | Լոս Անճելըս, Քալիֆորնիա, Ամերիկայի Միացեալ Նահանգներ[1] |
| Քաղաքացիութիւն |
 Հայաստան |
| Ուսումնավայր |
Մայնցի համալսարան? Նոր Անգլիայի կոնսերվատորիա? |
| Մասնագիտութիւն | խմբավար |
Արամ Ղարաբեկեան (7 Յուլիս 1955, Թեհրան, Իրան - 10 Յունուար 2014, Լոս Անճելըս, Քալիֆորնիա, Ամերիկայի Միացեալ Նահանգներ[1]), հայ խմբավար։ Տասներկու տարի, մինչեւ 2009 թուական, գլխաւորած է Հայաստանի պետական կամերային նուագախումբը: Հայաստանի Հանրապետութեան արուեստի վաստակաւոր գործիչ` Ղարաբեկեան արժանացած է Մովսէս Խորենացի մետալին:
Կենսագրութիւն[Խմբագրել | Խմբագրել աղբիւրը]
Ծնած է Իրան։ Ուսումը ստացած է Պոսթընի «Նիւ Ինկլընտ» երաժշտանոցէն ներս, ապա շարունակած է իր մասնագիտութիւնը, Գերմանիոյ Մայնց քաղաքի երաժշտանոցէն ներս:
Ղարաբեկեան 1983-ին հիմնած է Պոսթընի “Սինֆոնովա“ նուագախումբը, որուն ղեկավարն էր մինչեւ 1991:
Ան ղեկավարած է բազմաթիւ նուագախումբեր` Չինաստանի, Խրուաթիոյ, Ուքրաինոյ եւ Գերմանիոյ մէջ:
Արամ Ղարաբեկեան ղեկավարն է «Բաց երաժշտութեան ընկերակցութիւն» հիմնարկին: Սեպտեմբեր 2012-ին, ան հրաւիրուած է պատրաստելու արուեստի իւրայատուկ ներկայացում մը, Լոս Անճելըսի միջազգային օդակայանին մէջ տեղի ունենալիք “Ինտեւըր“ անջրպետանաւը դիմաւորելու արարողութեան ընթացքին:
«Բաց երաժշտութեան ընկերակցութիւն» հիմնարկէն աւելի քան երեսուն արուեստագէտներ մասնակցած էին այս ներկայացման պատրաստութեան, մօտէն գործակցելով Քալիֆորնիոյ գիտութեան կեդրոնին հետ, որ հիւրընկալած է անջրպետանաւը:
Հոկտեմբեր 2008-ին, Արամ Ղարաբեկեանի ղեկավարութեամբ, Հայաստանի սենեկային նուագախումբը ելոյթներ ունեցած է, Արցախի մէջ կատարուած դասական երաժշտութեան փառատօնին[2]:
Ծանօթագրութիւններ[Խմբագրել | Խմբագրել աղբիւրը]
Այս յօդուածի նախնական տարբերակը կամ անկէ մասը վերցուած է Հայկական համառօտ հանրագիտարանէն, որու նիւթերը թողարկուած են` Քրիեյթիւ Քոմմընզ Նշում–Համանման տարածում 3.0 (Creative Commons BY-SA 3.0) թոյլատրագրի մէջ։ 
|