Արամ Գարամանուկեան

Jump to navigation Jump to search
Արամ Գարամանուկեան
Aram karamanoukian.jpg
Ծնած է 1 Մայիս 1910
Ծննդավայր Այնթապ
Վախճանած է 23 Դեկտեմբեր 1996
Մահուան վայր Fort Lee, Բերգեն շրջան, Նիւ Ճըրզի, Ամերիկայի Միացեալ Նահանգներ
Քաղաքացիութիւն Flag of France.svg Ֆրանսա
Ազգութիւն Հայ
Ուսումնավայր Հատուկ Ռազմական Դպրոց Սեն Սիր
Փարիզի համալսարան
Սենթ Ժոզէֆ համալսարան
Մասնագիտութիւն Իրաւաբանութիւն
Վարած պաշտօններ Սիրիայի Ժողովրդական խորհրդի անդամ
Պարգեւներ եւ
մրցանակներ
Պատվավոր լեգիոնի շքանշանի սպա Պատվո լեգեոնի շքանշանի մեծ սրահ
Ծնողներ Հայր՝ Յակոբ Գարամանուկեան, մայր՝ Մարիամ Լէյլէքեան[1]

Արամ Գարամանուկեան (1 Մայիս 1910, Այնթապ23 Դեկտեմբեր 1996, Նիւ Ճըրզի), սուրիական բանակի հայազգի զօրավար-տեղակալ, իրաւաբան[2]։

Գարամանուկեան ծնած է 1910-ին՝ Այնթապ: Նախնական ուսումը կը ստանայ ծննդավայրի Ադենական եւ Հալէպի Ազգային Հայկազեան վարժարանին մէջ[3], իսկ երկրորդականը՝ Ֆրեր Մարիսթներու գոլէճը:

1932-ին կը ընդունուի Դամասկոսի Զինուորական վարժարանը, ուրկէ շրջանաւարտ կ'ըլլայ, հրետանիի ճիւղէն, 1934-ին: Իր մասնագիտութիւնը կը կատարելագործէ Ֆրանսա, «École d’Application d’Artillerie»-ի մէջ 1938-39[4]:

Բարձրագոյն զինուորական կրթութիւնը կը ստանայ Փարիզ, École Supérieure de guerre-ի մէջ, 1945-ին: Սուրիական Արաբական բանակին մէջ կը վար է պատասխանատու պաշտօններ: 1949-57, կ՛ըլլայ Սուրիական հրետանիի Ընհդ. Հրամանատար եւ Ընդհ. Սպայակոյտի անդամ: Կը մասնակցի Պաղեստինի պատերազմներուն:

Յաջորդական յառաջխաղացումներով, 1956-ին կը ստացնէ զօրաբաժինի Զօրավարի աստիճան եւ հանգստեան կը կոչուի 1958-ին:

1961-ին, Հալէպ քաղաքի կողմէն, կ՛ընտրուի Սուրիական խորհրդարանի եւ Սահմանադիր ժողովի անդամ: 1964-էն սկսեալ կը հետեւի Պէյրութի Ֆրանսական իրաւագիտական բաժանմունքի դասընթացներուն: Ապա շարունակելով իր իրաւագիտական ուսումը Փարիզի Համալսարանին մէջ, 1972-ին կ՛ընդունուի իբրեւ docteur en droit d’état, եւ իր աւարտաճառը կ՛ըլլայ «Օտարականները եւ զինուորական ծառայութիւնը», ուր գլուխ մը կը յատկացնէ Հայկական լեգէոնին:

Զինուորական ասպարէզին ընթացքին կը պարգեւատրուի Սուրիական, Լիբանանեան եւ Եգիպտական արժանեաց Առաջին կարգի բազմաթիւ շքանշաններով եւ կը ստանայ Ֆրանսական Պատուոյ Լեգէոնի սպայի աստիճան (Officier de la légion d’honneur):

Ծանօթագրութիւններ[Խմբագրել | Խմբագրել աղբիւրը]