ABBA
ABBA․ շուէտական փոփ/ռոք երաժշտութեան խումբ, կազմուած 1972-ին Սթոքհոլմ։ Խումբին անդամներն են՝ Անի-Ֆրիտ Լինկսթանտ, Պենի Անտերսըն, Պիորն Իւլվաես եւ Ակնեթա Ֆալթսքոկ։ Խումբին անունը՝ ABBA կազմուած է անոնց անուններուն առաջին գիրէն։ Փոփ երաժշտութեան պատմութեան մէջ ամենէն յաջող խումբերէն մէկը եղած է (1975-1982)։ Ծախած է 381 միլիոնէ աւելի ձայնապնակներ։
Աշխարհածանօթ կը դառնան երբ 1974-ի Եւրատեսիլ Երգի Մրցոյթին առաջին դիրքը կը գրաւեն (Շուէտիոյ առաջինը) «Waterloo» երգով։ Խումբը կը լուծուի 1982-ին։
Երաժշտութեան բնագաւառէն ներս խումբին ասպարէզը կը վերամատակարարուի «Միւրիէլին հարսանիքը» եւ «Փրիսիլային արկածախնդրութիւնները / Անապատին թագուհին» ժապաւէններուն միջոցով։
1999-ին անոնց երաժշտութիւնը կը պատշաճեցուի «Մամմա Մի՛ա!» «միւզիքալ»ին համար, իսկ համանուն ժապաւէնը որ հանրութեան թողարկուեցաւ 2008-ին, Միացեալ Թագաւորութեան մէջ այդ տարին առաջինը եղաւ ստացուած եկամուտով։
2005-ին, Եւրատեսիլ Երգի Մրցոյթին յիսնամեակին առթիւ, ելոյթին ընթացքին ABBA խումբը կը պարգեւատրուի․ «Waterloo» երգը կ՛ընտրուի Եւրատեսիլ մրցոյթին պատմութեան մէջ որպէս ամենէն լաւ երգը։
2021-ին ABBA կ՛արտադրեն երեք նոր երգեր՝ «I Still Have Faith In You», «Don't Shut Me Down» եւ «Just A Notion», եւ կը հրապարակեն երկու ձայնապնակներ՝ «Voyage» եւ «Just A Notion»։
Ծանօթագրութիւններ[Խմբագրել | Խմբագրել աղբիւրը]
- ↑ ABBA, կենսագրութիւն(անգլերէն)
- ↑ Եւրատեսիլ Երգի Մրցոյթին յիսնամեակ (անգլերէն)
- ↑ BBC News-ABBA, իրենց 10-րդ ձայնապնակը, 2-9-2021
- ↑ ABBA․Just A Notion երգը, 13-2-2022(անգլերէն)
- ↑ «ABBA - voyage նոր ձայնապնակը, 5-11-2021»։ արխիւացուած է բնօրինակէն-էն՝ 2022-02-13-ին։ արտագրուած է՝ 2023-07-21