Ֆրանսախօս Մամուլի Միջազգային Միութիւն

Jump to navigation Jump to search

Ֆրանքոֆոն Մամուլի Միջազգային Միութիւն (ֆր.՝ Union Internationale de la Presse Francophone, UPF), ֆրանսերէն ստեղծագործող լրագրողներու ընկերակցութիւն: Ստեղծուած է 1950-ին եւ կը նկատուի աշխարհի ամենահին ֆրանքոֆոն կազմակերպութիւնը[1]։ Ունի աւելի քան երեք հազար անդամ աշխարհի 110 երկիրներու մէջ[2]:

Պատմութիւն[Խմբագրել | Խմբագրել աղբիւրը]

Ընկերակցութիւնը հիմնադրուած է 1950-ին, Լիմոժի մէջ (Ֆրանսա), նախաձեռնութեամբ քանատացի լրագրող Էմիլ-Տոսթալէ Օ՛Լերիի նախաձեռնութեամբ[2], ով դարձած է կազմակերպութեան առաջին նախագահը[3]: Կազմակերպութիւնը 24 Հոկտեմբեր 2001-ին, Լիբանանի մայրաքաղաք Պէյրութի մէջ կազմակերպուած իր 33-րդ ժողովին ընթացքին իր անուանումը Union Internationale des Journalistes et de la Presse de Langue Français-էն փոխած է Union Internationale de la Prancophone-ի[2]:

Գործունէութիւնը[Խմբագրել | Խմբագրել աղբիւրը]

UPF-ի հիմնական նպատակն է զարգացնել համագործակցութիւնը ֆրանքոֆոն զանգուածային լրատուականն միջոցներու միջեւ[1]: Իր սկզբնական շրջանին ծառայելով իբրեւ ֆրանսախօս լրագրողներու հանդիպավայր, այժմէական խնդիրները քննարկելու եւ լուծումներ փնտռել-գտնելու հաւաքատեղի, ժամանակի ընթացքին UPF-ը դարձած է մասնագիտական միութիւն[2]: Այն ոչ կառավարական միջազգային կազմակերպութիւն է, որ ճանչցուած է Եւրոպական խորհրդարանի, Ֆրանքոֆոնիայի Միջազգային Կազմակերպութեան, Միաւորուած Ազգերու Կազմակերպութեան եւ միջազգային բազմաթիւ այլ կազմակերպութիւններու կողմէ[2]:

Ազատ խօսքի մրցանակ[Խմբագրել | Խմբագրել աղբիւրը]

1991-ին ընկերակցութիւնը, La Francophonie կազմակերպութեան հետ համատեղ, սահմանած է Prix de la Libre Expression (Խօսքի Ազատութեան Մրցանակ)[4]: Մրցանակը կը շնորհուի իւրաքանչիւր տարի: Անով կը պարգեւատրուին այն լրագրողները, որոնք, հակառակ հետապնդումներու, հալածանքներու եւ վտանգներու, իրենց ստեղծագործութիւններուն ու գործելակերպին մէջ կը շարունակեն մնալ աշխոյժ, ճշմարիտ ու արդարամիտ[4]: 2000-ականներուն այդ մրցանակին արժանացածներուն շարքին են Միշէլ Օժէն (Michel Auger, 2000 թ.), Le Rénovateur-ը (2003 թ.) եւ Մէյ Շիտեաքը (May Chidiac, 2005 թ.)[4]:

Առաջնորդը[Խմբագրել | Խմբագրել աղբիւրը]

Օգոստոս 2008-ի ամսուան տուեալներով, UPF-ի ղեկավարը Ալֆրէտ Տան Մուսան (Alfred Dan Moussa) է[5]: Ան իր այդ պաշտօնին ընտրուած է 2007-ին[6]՝ յաջորդելով Ռատիօ Ֆրանս Ինթէրնասիոնալի նախկին նախագահ Էրուէ Պուրժէին[7][8]:

Ծանօթագրութիւններ[Խմբագրել | Խմբագրել աղբիւրը]

  1. 1,0 1,1 «Players and skills»։ Ministère des Affaires étrangères et européennes։ 2006-02-20։ արտագրուած է՝ 2008-08-28 
  2. 2,0 2,1 2,2 2,3 2,4 «U.P.F.» (French)։ Union internationale de la presse francophone։ արխիւացուած է բնօրինակէն-էն՝ 2008-06-11-ին։ արտագրուած է՝ 2008-08-29 
  3. «Histoire de l'Union internationale de la presse francophone» (French)։ Union internationale de la presse francophone։ արխիւացուած է բնօրինակէն-էն՝ 2008-04-22-ին։ արտագրուած է՝ 2008-08-29 
  4. 4,0 4,1 4,2 «Prix de la libre expression» (French)։ Union internationale de la presse francophone։ արխիւացուած է բնօրինակէն-էն՝ 2008-05-17-ին։ արտագրուած է՝ 2008-08-29 
  5. Ouédraogo Alexise Evelyne (2008-08-12)։ «Côte d`Ivoire: Lancement du prix Alfred Dan Moussa de la presse en ligne pour la paix et l’intégration africaine»։ Gabonews.ga (French)։ արխիւացուած է բնօրինակէն-էն՝ 2008-08-22-ին։ արտագրուած է՝ 2008-08-29 
  6. «Alfred Dan Moussa»։ Who's Who From Côte d'Ivoire։ African Development Information Services։ 2007-08-03։ արտագրուած է՝ 2008-08-28 
  7. Koutouan Hervé (2007-12-03)։ «Côte d'Ivoire: Union internationale de la presse francophone - Hervé Bourges annonce son successeur»։ Fraternité Matin (reproduced by allAfrica.com) (French)։ արտագրուած է՝ 2008-08-29 
  8. «Togo»։ Attacks on the Press in 2005։ Committee to Protect Journalists։ արտագրուած է՝ 2008-08-28 

Արտաքին յղումներ[Խմբագրել | Խմբագրել աղբիւրը]