Jump to content

Քէրի Ուաշինկթըն

Քէրի Ուաշինկթըն
անգլերէն՝ Kerry Marisa Washington
Ծնած է 31 Յունուար 1977(1977-01-31)[1][2][3] (49 տարեկան)
Ծննդավայր Պրոնքս, Նիւ Եորք, Նիւ Եորք, Ամերիկայի Միացեալ Նահանգներ և Նիւ Եորք, Նիւ Եորք, Ամերիկայի Միացեալ Նահանգներ[4]
Քաղաքացիութիւն  Ամերիկայի Միացեալ Նահանգներ
Մայրենի լեզու անգլերէն
Ուսումնավայր Ճորճ Ուաշինկթըն Համալսարան և Կորկորանի արվեստի և դիզայնի քոլեջ?
Մասնագիտութիւն դերասանուհի, կինոդերասանուհի, հեռուստատեսային դերասան, Հնչիւնաւորող և Հեռատեսիլի յայտագիրներ արտադրող
Անդամութիւն Ֆի Վիթա Գաբա
Կուսակցութիւն Ժողովրդավարական Կուսակցութիւն
Ամուսին Նամտի Օսոմուկա (2013-ներկայ)
Կայքէջ kerrywashington.com

Քէրի Մարիսա Ուաշինկթըն[5] (31 Յունուար 1977(1977-01-31)[1][2][3], Պրոնքս, Նիւ Եորք, Նիւ Եորք, Ամերիկայի Միացեալ Նահանգներ և Նիւ Եորք, Նիւ Եորք, Ամերիկայի Միացեալ Նահանգներ[4][6][7][8]) ամերիկացի դերասանուհի մըն է: 2012էն ի վեր, Ուաշինկթըն աշխարհահռչակ դարձած է իր հսկայական յաջողութիւն ունեցող հեռուստաշար «Սգէնտըլ»ի (Գայթակղութիւն) միջոցաւ, որուն մէջ ան կարեւորագոյն անձնաւորութիւնն է: Իր դերը անձն մըն է, որ առանց ոստիկանութեան խառնուելուն կը լուծէ հարցեր մեծ մարդոց գետնի վրայ՝ ըլլան անոնք քաղաքական կամ այլ տիպի. տեղի կ'ունենայ ԱՄՆ-ի Ուաշինկթըն նահանգին մէջ:[9] Իր դերին համար ան անուանագրուած է Primetime Emmy Award-ի, Screen Actors Guild Award-ի եւ Ոսկէ Երկրագունդի մրցանակներու:.

2014 թուականի Ապրիլին, Time պարբերաթերթը զայն զետեղած էր իր տարեկան "Time 100" ցանկին վրայ:[10]

Գործունէութիւն[11]

[Խմբագրել | Խմբագրել աղբիւրը]

Քէրի Ուաշինկթըն առաջին անգամ ելոյթ ունեցած է «ABC» հեռուստակայանի «Magical Make-Over» հեռուստաֆիլմին մէջ։ Նախքան 2000 թուականին «Մեր երգը» ֆիլմին մէջ ունեցած իր առաջին յաջողութիւնը, որուն համար ան քննադատներուն կողմէ լաւ արձագանգներ ստացած է, հանդէս եկած է նաեւ քանի մը այլ նախագիծերու մէջ։

Գործունէութեան մէջ բեկումնային դարձած է 2001 թուականի «Ինծի համար վերջին պարը» ֆիլմին մէջ խաղցած դերը, որմէ ետք «Վերելակ» ֆիլմին մէջ կնոջ լաւագոյն դերի համար առաջադրուած է «Անկախ ոգի» (Independent Spirit) մրցանակին։ Յաջորդ քանի մը տարիներուն ան առաջին հերթին աշխատած է անկախ կինոյի մէջ՝ հանդէս գալով «Վարկաբեկուած հեղինակութիւն» եւ «Նա կ՚ատէ զիս» ֆիլմերուն մէջ, բայց առաւել նշանաւոր դեր ունեցած է 2004 թուականի մրցանակակիր «Ռէյ» կենսագրական ֆիլմին մէջ։

2005 թուականին Ուաշինկթըն «Ֆանթասթիք քառեակը» ֆիլմին մէջ խաղցած է Ալիսիա Մասթըրզի դերը։ Թէեւ դերն ի սկզբանէ նախատեսուած էր սպիտակամորթ ու կապուտաչեայ կնոջ մը համար, այնուամենայնիւ ֆիլմի բեմադրիչը հերոսուհիի կերպարը վերամշակած է յատուկ դերասանուհիին համար։ Նշանակալի դերերէն է 2006 թուականի «Շոթլանտիոյ վերջին թագաւորը» ֆիլմին մէջ ուկանտացի բռնակալ Իտի Ամինի կնոջ դերը։ Նկարահանուած է նաեւ բազմաթիւ այլ ֆիլմերու մէջ, որոնց կարգին են՝ «Վատ բնակարան» (2002), «Միսթըր եւ միսիս Սմիթ» (2005), «Փոքրիկ մարդը» (2006), «Ինծի կը թուի՝ կը սիրեմ կինս» (2007) եւ «Հազար բառեր» (2011) կատակերգութիւնները, ինչպէս նաեւ «Մեռած աղջիկը» (2006), «Բարի գալուստ Լէյքվիւ» (2008), «Ուրախ կեանք Քրեքթաունի մէջ» (2009) եւ «Մայրը եւ զաւակները» (2010) տրամաները։ 2010 թուականին հանդէս եկած է «Սիրոյ մասին երգեր» ֆիլմին մէջ, որ համանուն թատերգութեան պաստառաւորումն է, ուր խաղցած է այնպիսի նշանաւոր մրցանակակիրներու հետ, ինչպիսիք են՝ Ֆելիսիա Ռաշատը, Լորեթա Տիւայնը, Քիմպերլի Էլիզը եւ Ուուփի Կոլտպըրկը[12]։

Ուաշինկթըն հեռուստատեսութեամբ երեւցած է 2005–2006 թուականներուն՝ «Պոսթընի իրաւաբանները» սերիալին մէջ, իսկ գործունէութեան սկիզբը հիւր եղած է «Նիւ Եորքի ոստիկանութիւն» եւ «Կարգ ու կանոն» սերիալներուն մէջ։ Ան նաեւ Սքարլեթ Եոհանսոնի, Եւա Լոնկորիայի եւ Տաութցըն Քրուսի հետ հաւասարապէս եղած է «L'Oreal» դիմահարդարման ընկերութեան դէմքը։ 2009 թուականին նկարահանած է վաւերագրական ֆիլմ մը, իսկ 2010 թուականին առաջին անգամ ելոյթ ունեցած է Պրոտուէյի մէջ՝ Տէյվիտ Մեմեթի «Մրցավազք» ներկայացման մէջ։

2011 թուականի գարնան, Շոնտա Ռայմս Ուաշինկթընը հրաւիրած է իր «Սկանդալ» հեռուստասերիալին մէջ՝ Օլիվիա Փուփի կերպարը մարմնաւորելու համար։ Խաղալով այդ դերը՝ Ուաշինկթըն մտած է պատմութեան մէջ՝ վերջին 38 տարուան ընթացքին դառնալով առաջին սեւամորթ դերասանուհին (Թերեզա Կրէյվզէն ետք), որ ամերիկեան հեռուստատեսութեան տրամաթիք սերիալի մը մէջ խաղցած է գլխաւոր դեր[13]։ 2013-ին եւ 2014-ին այս դերին համար առաջադրուած է «Էմմի» մրցանակին։

Ուաշինկթըն Քուենթին Թարանթինոյի «Ճանկօ ազատագրուածը» (Django Unchained) ֆիլմին մէջ խաղցած է կնոջ գլխաւոր դերը, որ պաստառ բարձրացած է 2012 թուականին[14]։

Տե՛ս նաեւ

[Խմբագրել | Խմբագրել աղբիւրը]

Ծանօթագրութիւններ

[Խմբագրել | Խմբագրել աղբիւրը]
  1. 1 2 Person Profile // Internet Movie Database — 1990.
  2. 1 2 Internet Broadway Database — 2000.
  3. 1 2 filmportal.de — 2005.
  4. 1 2 Deutsche Nationalbibliothek Record #14097248X // Gemeinsame Normdatei — 2012—2016.
  5. ↑ «Kerry Washington wedding certificate»։ E! News։ July 3, 2013։ արտագրուած է՝ September 26, 2013
  6. ↑ «On This Day»։ Նյու Յորք Թայմս։ January 31, 2009։ արխիւացուած բնօրինակէն March 4, 2016-ին։ արտագրուած է՝ August 6, 2009
  7. ↑ Finn Natalie (May 2, 2014)։ «Kerry Washington Is a Mom! Check Out Baby Isabelle Amarachi Asomugha's Birth Certificate»։ E! News։ արխիւացուած բնօրինակէն April 26, 2016-ին։ արտագրուած է՝ May 2, 2016 Sidebar: Certificate of Live Birth: Isabelle Amarachi Asomugha (County of Los Angeles Department of Public Health). Gives Kerry Washington birth date. Archived from the original on May 2, 2016.
  8. ↑ Note: FilmReference.com states "Born January 5, 1977 (some sources cite 1975)…." at «Kerry Washington Biography (1977?- )»։ արխիւացուած բնօրինակէն March 3, 2016-ին։ արտագրուած է՝ May 2, 2016
  9. ↑ Bricker Tierney (May 13, 2011)։ «ABC picks up 'Charlie's Angels,' 'Good Christian Belles' and ten more»։ արխիւացուած է բնօրինակէն-էն՝ May 5, 2012-ին։ արտագրուած է՝ October 1, 2012
  10. ↑ «Kerry Washington 2014 Time»։ արխիւացուած է բնօրինակէն-էն՝ April 25, 2014-ին։ արտագրուած է՝ April 26, 2014
  11. ↑ (հայերեն) Քերրի Վաշինգտոն, 2025-11-09, https://hy.wikipedia.org/w/index.php?title=%D5%94%D5%A5%D6%80%D6%80%D5%AB_%D5%8E%D5%A1%D5%B7%D5%AB%D5%B6%D5%A3%D5%BF%D5%B8%D5%B6&oldid=10596743, վերցված է 2026-05-21
  12. ↑ «Kerry Washington- Biography». Yahoo!. Արխիվացված է օրիգինալից 2013 թ․ մարտի 9-ին. Վերցված է 2013 թ․ փետրվարի 26-ին.
  13. ↑ «'Scandal': TV's Kerry Washington and Oprah on Breaking a Hollywood Race Barrier». The Huffington Post. 7 декабря 2012. Արխիվացված է օրիգինալից 2013 թ․ մարտի 9-ին. Վերցված է 2013 թ․ փետրվարի 26-ին.
  14. ↑ «-Kerry Washington finally joins django unchained as djangos wife». October 26 2011. Արխիվացված է օրիգինալից 2012 թ․ մարտի 30-ին. Վերցված է October 1 2012-ին.
Վերցուած է «https://hyw.wikipedia.org/w/index.php?title=Քէրի_Ուաշինկթըն&oldid=251121» էջէն