Վրաստանի Զինանշան

Վրաստանի Զինանշան
Մանրամասներ
Կրող	Վրաստան
Թագ	Էրիսթավի
Վահան	Սբ. Գէորգը կը խոցէ վիշապը
Պահապաններ	Երկու ոսկեայ առիւծներ
Կարգախօս	ძალა ერთობაშია ; Ծալա Էրթօպաշիա Ոյժը միասնութեան մեջն է
Զինանշանի հեղինակ	Մամուքա Կոնկածէ

Վրաստանի Պետական Զինանշան (საქართველოს სახელმწიფო გერბი, [Սաքարթուէլոս Սախելմծիփո Կերպի]) կը համարուի Վրաստանի պետական խորհրդանիշներէն մէկը, ընդունուած է 2004, Հոկտեմբեր 1-ին։ Ան կը ներկայացնէ կարմիր վահան, որուն վրայ պատկերուած է Սուրբ Գէորգը` վիշապը խոցելու տեսարանին մէջ։ Վահանը վերէն կը զարդարէ Բագրատունիներու վրաց յայտնի միապետական տոհմի արքայական ոսկի թագը, որ բռնած են երկու ոսկեայ առիւծները։ Վահանի ներքեւը գրուած է հետեւեալ նշանաբանը` «Ոյժը միասնութեան մէջն է»։ Այս զինանշանը մասամբ ստեղծուած է վրացական Բագրատունի արքայական տան զինանշանի հիման վրայ։

Զինանշանի Պատմութիւնը

Վրացական անկախ հանրապետութիւնը (1918-1921) ունէր սեփական պետական խորհրդանիշները։ Սա հանրապետութեան զինանշանը կը ներկայացնէր եօթանկիւն աստղ մը՝ երիզուած ոսկեայ զարդանկարով։ Կեդրոնը սուրբ Գէորգն է՝ ոսկեայ սմբակաւոր սպիտակ ձի հեծած։ Աջ ձեռքին մէջ ան կը պահէ արծաթեայ ծայրով ոսկեայ նիզակ, իսկ ձախին մէջ՝ վահան, սուրբ Գէորգի գլխուն վերը կը փայլի ութանկիւն ոսկեայ խաչ։ Հոսկէ ձախ՝ ամիսն է, աջ՝ արեւը։ Ամիսին եւ արեւին ներքեւ տեղակայուած են երկու ութանկիւն աստղեր։ Ներքեւը՝ ձիուն տակը, պատկերուած է լեռնային գագաթ։ Զինանշանի հեղինակն է ակադեմիկոս՝ Եւկենի Լանսերէն։

1991 թուականին, անկախութեան վերականգնումէն ետք, կրկին ընդունուեցաւ 1918 թուականի զինանշանը։ 2004 թուականին, վերջինս փոխարինուեցաւ ներկայիս զինանշանով։

1921 թուականին Վրաստանի մէջ հաստատուած էր խորհրդային իշխանութիւնը։ 1921, Փետրուար 25-ին կազմաւորուեցաւ Վրացական ՍՍՀ-ն։ 1922-ին, ան մտաւ ԱԽԸԴՀ-ի կազմին մէջ։ Վրաստանի հին զինանշանը վերացուեցաւ։ Վրացական ՍՍՀ-ի զինանշանը մասամբ կը պարունակէր հին զինանշանէն որոշ տարրեր (խօսքը կը վերաբերի երկու զինանշաններուն մէջ եօթանկիւն աստղի առկայութեան)։

Աղբիւրներ