Վիգէն Շարոյեան

Վիգէն Շարոյեան;
Ծնած է	13 Մայիս 1959 (65 տարեկան)
Ծննդավայր	Հալէպ, Սուրիա
Քաղաքացիութիւն	Սուրիա
Մասնագիտութիւն	գեղանկարիչ, կրաֆիք տիզայնըր, ուսուցիչ
Անդամութիւն	Հայաստանի Նկարիչներու Միութիւն
Երեխաներ	երկու մանչ

Վիգէն Շարոյեան ծնած է Հալէպ, 1959-ին: Գեղանկարիչ, արուեստի ուսուցիչ:

Կենսագրութիւն

Վիգէն Շարոյեան ծնած է Հալէպ, 1959-ին: Մինչեւ 1978 կը յաճախէ Քարէն Եփփէ Ազգային Ճեմարան:

1980-1985 թթ. կը պաշտօնավարէ Հալէպին եւ Քարէն Եփփէ Ազգային Ճեմարանին մէջ որպէս արուեստի ուսուցիչ դասաւանդելով նկարչութիւն եւ ձեռարուեստ:^[1]

1995 Փարիզի մէջ կը հետեւի հիւսուածեղԷնի համակարգչային կրաֆիք տիզայնի արդիական ձեւաւորման ծրագիրներու:

1986-էն սկսեալ կը մասնակցի հաւաքական ցուցահանդէսներու:

Վիգէն Շարոյեանի գեղանկարչութեան ոճը

Վիգէն Շարոյեանի բանաստեղծական բնանկարաշարքը կը դրսեւորէ նկարիչին մեծ սէրը բնութեան հանդէպ:

Շարոյեանի մօտ բնութիւնը երազային է ու անկոխ, դաշտերը թաւշային, երկինքը թափանցիկ, տուները սիրայորդ...

Թէեւ գեղանկարիչը կ՛ապրի չոր քաղաքի մը մէջ բայց կը զգայ բնութեան տարերքը եւ անոր հիւթը, ու կ՛օրօրուի անոր գիրկին մէջ, ստեղծելով իւրայատուկ գոյներու երանգաւորում եւ ուրոյն երաժշտականութիւն:

Փոքրածաւալ իր գծանկարները մեծ են իր բնութապաշտութեամբ:

Բնութեան գաղտնիքները անսահման են՝ տեսնել գեղեցիկը, որսալ հրաշքը եւ յաւերժացնել գոյներով եւ գծերով, այդ արարման պահը որ կը կոչուի արուեստ: Այդ օժտեալներէն է վիգէն Շարոյեանը: Կարծես ձեռակերտ չեն Վիգէնի գունագեղ պատկերները: Անոր լուսաւորած աշխարհի սպառիչ մեկնութիւնը կարելի չէ տալ քանի որ անոր տեսանելի պատկերները մարդու ներաշխարհի եւ տիեզերքի ընկալման հատած լուսաճեղքեր են:

- Նորա Մուրադյան

Վիգէնը կը պաշտէ բնութեան բոլոր տարրերը՝ երկինքը, հողը եւ ջուրը, անոր գործերուն մէջ կիշխէ նորին մեծութեան բնութիւնը, տիեզերք, որոնց ընդերքին մէջ Վիգէնը կը որոնէ եւ կը գտնէ նոր հորիզոններ եւ կը նկարէ :

Անոր գոյները պարզ են եւ մաքուր, անոնք արեւային, հողեղէն եւ երկնային: Անվերջանալի շարժում կայ գործերուն մէջ, անսահման տարածք, հզօր վազք, արեւային լոյս եւ տաքութիւն:

Անոր գործերը տօն են բնութեան բոլոր տարրերու, պահերու եւ տեսանելի տեսիլքներու:

Երազայինը կը դառնայ տեսանելի Վիգէնի մասնագիտութեամբ Հիւսուածքի տիզայներ է, այդ անոր աշխատանքային ոլորտն է, բայց անոր սիրտը, նկարիչի սիրտը կը սաւարնի տիեզերական անհունները:

- Նորա Մուրադյան

Սասունցիներու հզօր ոգին ծնած է Սուրիային մէջ, ապրելով եւ կայանալով այդ հողին վրայ բայց իր մտածողութեամբ ան աշխարհի զաւակն է անոր պանթեիստակոն հոգին երկրպագում է բնութեանը ինչի մէջան գտած է իրեն հարազատ ոգի մեր Բիբլիական հողը ծնում է եւ շռայլօրէն կը նուիրէ աշխարհին իր զաւակներուն:

Վիգէնը յայտնաբերեց Հայաստանը երեք տարի առաջ, բայց պարզուեցաւ որ Հայաստանը միշտ ալ ապրած է անոր երազներուն, տեսիլքներուն մէջ եւ այդ երազը սքանչելի էր:

Ան սիրահարուեցաւ եւ գտաւ իր կերպարներու գոյներու գիծերու նոր կառուցուածքներ եւ սիմվոլներ:

- Նորա Մուրադյան

Ցուցահանդէսներ

1986-էն սկսեալ Վիգէն Շարոյեան կը մասնակցի հաւաքական ցուցահանդէսներու:

1984 եւ 1985-ին Սուրիոյ Զինուժի հաւաքական ցուցահանդէս - Հալէպի Թանգարան

1986-ին Կերպարուեստի հաւաքական ցուցահանդէս - Հալէպի Համազգային Միութեան հովանաւորութեամբ:

1995 - 1996 -1997-ին՝ ԱՇՈՒՆ 95, ԱՇՈՒՆ 96 եւ ԱՇՈՒՆ 97 Սուրիոյ Արուեստագէտներու մասնակցութեամբ:

1998-ին Արշիլ Կորքիի նուիրուած ցուցահանդէս:

1998-1999-ին Ստուերներ Սուրիոյ Հայ համայնքի Արուեստագէտներու:

1999-ին Sestet Երեւան:

1999-ին ԱՇՈՒՆ 99

2001-ին ԱՇՈՒՆ 2001

Հայաստանին նուիրուած շարքերը տակաւին առջեւում են երազներում:

Բնութեան ոգին, թաքնուած անտառներուն, լեռներուն թափառող դաշտերուն, երկնքի, անյայտ անտեսանելի, լուռ կը յայտնուին նկարիչին, կը դառնան տեսանելի եւ կը յաւերժանան անոր գոյներով:

Արեւային ներկապնակը կ՛իշխէ գոյներու Վիգէնեան ներկապնակին մէջ :

Վիգէնի անսահման ազատ, արուեստով յարբեցած ոգին կը շրջի տիեզերական լարերուն որոնելով իր էութեան, գոյատեւման առեղծուածը, բնապաշտ, պանթեիստ Վիգէնեան վրձինը շռայլօրէն կը նուիրէ որ անսանց փառահեղ գոյներու աշխարհին:

- Նորա Մուրադյան