Ս. Պօղոս Եկեղեցի (Այնճար)
| Երկիր | Լիբանան |
|---|---|
| կրօնադաւանանք | Առաքելական |
| Կարգավիճակ | Կը գործէ |
Ս. Պօղոս Եկեղեցի (Այնճար), Այնճար, Լիբանան:
Պատմութիւն
[Խմբագրել | Խմբագրել աղբիւրը]Այնճարի մէջ, մուսալեռցիները հաւատարիմ իրենց աննկուն հաւատքին, գլխաւորութեամբ քահանայ հայրերուն, եկեղեցական արարողութիւնները սկզբնաւորութեան կատարեցին սեւ մեծ վրանի մը տակ, ուր նաեւ կատարուեցան ամէնօրեայ դասաւանդութիւններ շրջանի փոքրիկներուն համար:
1942-ին Այնճարի Ազգ. Յառաջ վարժարանին կից սրահի մը մէջ շուրջ 15 տարիներ մատուցուեցան եկեղեցական արարողութիւններ:
1945-ին Տ. Վահան Ա. քհնյ. Քէնտիրճեանի ջանքերով հիմնուեցաւ եկեղեցւոյ Շուշանեան Կիրակնօրեայ դպրոցը:
1958-ին եկեղեցւոյ Թաղական խորհուրդը Մովսէս Տ. Գալուստեանի միջոցաւ դիմեց Ազգային Առաջնորդարանի Գաւառական ժողովին եւ ներկայացուց Այնճարի Ս. Պօղոս եկեղեցւոյ շինութեան ծրագիրը, որ թափ առաւ ու իրականացաւ օրուան Առաջնորդ ու ապա Կաթողիկոս, Երջանկայիշատակ Ն.Ս.Օ.Տ.Տ. Խորէն Ա. Կաթողիկոս Բարոյեանի ջանքերով եւ օրհնութեամբ:
Յաջորդող տարիներուն, Ազգային բարերար Փօլ Մինասեանի եւ ժողովուրդի նուիրատուութեամբ, կազմուեցաւ եկեղեցւոյ շինարարական յանձնախումբ մը, գլխաւորութեամբ Տ. Նարեկ Քհնյ. Շիրիքեանի։ Եկեղեցւոյ հիմնարկէքը կատարուեցաւ 1 Հոկտեմբեր 1960-ին, Երջանկայիշատակ Ն.Ս.Օ.Տ.Տ. Զարեհ Կաթողիկոս Փայասլեանի օրով եւ Տ. Խորէն Սրբազան Եպս. Բարոյեանի Առաջնորդութեամբ: Ս. Պօղոս եկեղեցին կառուցուեցաւ ճարտարապետ Գէորգ Էմմիյեանի պատրաստած յատակագիծի հիման վրայ:
1971-ին, Տ. Աշոտ Ա. Քհնյ. Գարագաշեանի ջանքերով հիմնուեցաւ եկեղեցւոյ եկեղեցասէր տիկնանց միութիւնը, որ մնայուն կերպով սատարեց եկեղեցւոյ բարեզարդման աշխատանքներուն:
Եկեղեցւոյ հոգեւոր հովիւներն են՝
Տ. Յարութիւն Քհնյ. Շէրպէթճեան (Խտըր Պէկ) Տ. Մարկոս Քհնյ. Երէցեան (Քէպուսիէ) Տ. Մատթէոս քհնյ. Կիւզէլեան (Քէպուսիէ) Տ. Վահան Ա. Քհնյ. Քէնտիրճեան (Պիթիաս) Տ. Մովսէս Քհնյ. Շիրիքեան (Եօղուն Օլուք) Տ. Յակոբ Քհնյ. Քէլէմեան ( Հաճի Հապապլի) Տ. Վահան Քհնյ. Քէնտիրճեան Տ. Նարեկ Քհնյ. Շիրիքեան Տ. Աշոտ Քհնյ. Գարագաշեան (Այժմու Հոգեւոր հովիւ) Տ․ Միւռոն Քհնյ․ Աւետիսեան (Այժմու Հոգեւոր հովիւ)։
Տե՛ս նաեւ
[Խմբագրել | Խմբագրել աղբիւրը]- Ս. Յովհաննու Կարապետ եկեղեցի (Հայաշէն)
- Ս. Նշան Մայր Եկեղեցի (Զոքաք Պլաթ)
- Ս. Գրիգոր Լուսաւորիչ եկեղեցի (Զահլէ)
- Ս. Յակոբ Եկեղեցի (Էշրէֆիէ)
- Ս․ Աստուածածին Եկեղեցի, (Նոր Ատանա)
- Ս. Վարդանանց Եկեղեցի (Պուրճ Համուտ)
- Ս. Յարութիւն Եկեղեցի (Ճիւնի, Լիբանան)
- Ս. Քառասնից Մանկանց եկեղեցի (Պուրճ Համուտ, Նոր Մարաշ)
- Ս. Սարգիս Եկեղեցի (Նոր Սիս)
- Ս. Գէորգ Եկեղեցի (Հաճըն)