Ս. Յովհաննէս Եկեղեցի (Կէտիկփաշա)

Ս. Յովհաննէս Եկեղեցի
Տեսակ	եկեղեցի
Երկիր	Թուրքիա
Տեղագրութիւն	Ֆաթիհ?
Վայր	Պոլիս
Հասցէ	(0212) 517-8078
Փողոց	Կէտիկփաշայի Սարայիչի թաղամաս
Կառուցման աւարտ	1849
Վերանորոգուած է	1876-ին, 1895-ին, 1986-ին եւ 2006-ին
	Lua error in Մոդուլ:Wikidata at line 701: assign to undeclared variable 'coord_mod'.

Ս. Յովհաննէս եկեղեցի, 1849-ին առաջին անգամ կառուցուած է Յակոբ Սերովբեան Պատրիարքի օրով Կէտիկփաշայի Սարայիչի թաղամասին մէջ։

Հրդեհի հետեւանքով հրոյ ճարակ դառնալէ ետք, Ներսէս Վարժապետեան Պատրիարքի օրով վերաշինուած է՝ 1876-ին։

Աւելի ուշ, Մատթէոս Իզմիրլեան Պատրիարքի շրջանին կրկին նորոգուելով՝ 1895-ին, բացուած է պաշտամունքի։

Երկար տարիներ եկեղեցին անխնամ ու փլփլած մնացած է, իսկ 1950-ին վերջին անգամ վերանորոգուած է։

1972-ին ծագած հրդեհէն վերջ, թէեւ նորոգուած է, բայց հիմնական նորոգութեան ենթարկուած է 1986-ին եւ պաշտամունքի վերաբացուած ձեռամբ Շնորհք Պատրիարքի։

Եկեղեցին վերջին անգամ նորոգութեան ենթարկուած է եւ 2006-ին պաշտամունքի վերաբացուած ձեռամբ Ամեն. Տ. Մեսրոպ Բ. Պատրիարք Հօր։

Բակին մէջ թաղուած են եկեղեցւոյ բարերարներէն՝ Կարապետ Էսկիճեան (1877), Ալեքսան Մասեհեան (1878) եւ Յարութիւն Գնաճեան (1895)^[1]։

Ծանօթագրութիւններ