Ռանկոլի

Ռանկոլի, հնդկական արուեստի ձեւ։ Տունին մուտքին գետինն զարդարելու աւանդական սովորութիւն: Մարդիկ կը հաւատան, թէ ան տան եւ ընտանիքին կը բերէ բախտ եւ բարգաւաճութիւն եւ գեղեցիկ միջոց մըն է հիւրերը ընդունելու:

Հարուստ գոյներով Ռանկոլի

Հնդկաստանի մէջ ընդհանրապէս մայրերը այս զարդարանքները կը պատրաստեն ամէն առտու, կամ յատուկ տօներու ընթացքին, ինչպէս` Տիուալի կամ Թիհար փառատօները:

Այս աւանդական սովորութիւնը կը փոխանցուի սերունդէ սերունդ, եւ մայրերը զայն կը սորվեցնեն իրենց դուստրերուն:

Տեսակները

Հնդկական իւրաքանչիւր նահանգ ունի իրեն յատուկ Ռանկոլի գծելու ձեւը եւ անունը․

Հարաւային Հնդկաստան

Հարաւային Հնդկաստանի մէջ Ռանկոլին ճանչցուած է քոլամ անունով:

Ռաժասդան

Ռաժասդանի մէջ, մանտանաները կը գծուին պատերուն վրայ:

Քոլքադա

Քոլքադայի մէջ, Ալփանաները կը գծուին բակին մէջ։

Գծագրութեան ձեւերը

Ռանկոլիի գծագրութիւնները կրնան ունենալ պարզ երկրաչափական ձեւեր, ծաղիկի ձեւեր, կամ աւելի խրթին ձեւաւորումներ: Ռանկոլիի զարդարանքներուն մէջ կը հանդիպինք սիրամարգերու, լոթուս ծաղիկներու, ձուկերու պատկերներու:

Ռանկոլիի ամէնէն կարեւոր յատկութիւնը գոյնզգոյն ըլլալն է: Այս զարդարանքներուն համար կը գործածուի բնական ներկով խառնուած ալիւր կամ բրինձի փոշի:

Պատկերասրահ

• 
• 
• 
• 
• 
• 
• 
• 
•