Պորիս Դաւիթեան

Պորիս Դաւիթեան
Ծննդեան անուն	ռուս.՝ Борис Давидян
Նաեւ յայտնի է իբրեւ	Բոկա
Ծնած է	28 Ապրիլ 1949(1949-04-28)
Ծննդավայր	Պաքու, Խորհրդային Միութիւն
Մահացած է	20 Յուլիս 2020(2020-07-20) (71 տարեկանին)
Մահուան վայր	Լոս Անճելըս, Քալիֆորնիա, Ամերիկայի Միացեալ Նահանգներ
Քաղաքացիութիւն	Խորհրդային Միութիւն  Հայաստան  Ամերիկայի Միացեալ Նահանգներ
Տեսակ	ռուսական շանսոն?
Մասնագիտութիւն	երաժիշտ, Հեղինակ ու կատարող, երգիչ

Պորիս Դաւիթեան (յայտնի է Պոկա կեղծանունով, 28 Ապրիլ 1949(1949-04-28), Պաքու, Խորհրդային Միութիւն - 20 Յուլիս 2020(2020-07-20), Լոս Անճելըս, Քալիֆորնիա, Ամերիկայի Միացեալ Նահանգներ), խորհրդահայ երգիչ, հեղինակ-կատարող։

Կենսագրական գիծեր

Ծնած է Պաքու։ Հայրը եղած է պատերազմի մասնակից․ պատերազմը աւարտելէ ետք աշխատանքի անցած է գործարանի մը մէջ։ Մայրը՝ եղած է կենսաբան։

Պորիսը կանուխէն հետաքրքրուած է երաժշտութեամբ, բակերու եւ շէնքերու մուտքերը նուագած է կիթառ եւ երգած է տարբեր երգեր, որոնք շատերուն կողմէ հաճոյքով լսուած են։

Դաւիթեանի երաժշտական ասպարէզին վրայ մեծ ազդեցութիւն ունեցած է հայրը, որ նուագած էր մանտոլին եւ դեռ պատերազմի տարիներէն գիտեր շատ երգեր։

Ասպարէզ

Պորիս Դաւիթեան առաջին ալպոմը ձայնագրած է 1972 թուականին։ Ան իր երաժիշտ ընկերներու հետ յաճախ ելոյթ ունեցած է զանազան միջոցառումներու ընթացքին։ 1973-1974 թուականներուն Պոկա երգերը ձայնագրած է Թիֆլիզի «Մելոտիա» ձայնագրման աշխատանոցին մէջ։ Ապրած եւ ստեղծագործած է նաեւ Մոսկուայի մէջ։

1996 թուականի սկիզբին Պոկա իր ընտանիքին հետ ապրած է Երեւանի մէջ, այնուհետեւ տեղափոխուած է Մոսկուա, յետոյ ալ՝ Միացեալ Նահանգներ։

Պորիս Դաւիթեան երկար տարիներ ելոյթ ունեցած է երաժիշտներ Ալեքսանտր Պաղտասարովի (քլարինէթ), Համլէթ Գալուստեանի, Սուրէն Քերանեանի (ստեղնաշարերային գործիքներ), Իկոր Սաֆարովի, Կէորկի Ակապոփովի հետ։

Երգիչը համերգներով հանդէս է եկած է Ռուսաստանի, Աւստրիայի եւ այլ երկիրներու մէջ: