Պետօ (Աղեքսանդր Պետրոսեան)
| Պետօ | |
|---|---|
| Ծննդեան անուն | հայ.՝ Ալեքսանդր Պետրոսյան |
| Ծնած է | 1870 |
| Ծննդավայր | Կարսի մարզ (Թուրքիա), Թուրքիա |
| Մահացած է | 1896 |
| Ուսումնավայր | Ներսիսեան դպրոց |
| Մասնագիտութիւն | ֆետայի, քաղաքական գործիչ |
| Կուսակցութիւն | Հայ Յեղափոխական Դաշնակցութիւն |
Պետօ (Աղեքսանդր Պետրոսեան, 1870, Կարսի մարզ (Թուրքիա), Թուրքիա - 1896), հայ ազգային-ազատագրական շարժման գործիչ, ՀՅԴ կուսակցութեան անդամ։
Կեանք եւ գործունէութիւն
[Խմբագրել | Խմբագրել աղբիւրը]Ծնած է 1970-ին[1], Կարս։ 1890-ին, երբ նոր կը կազմուէր Հայ Յեղափոխականների Դաշնակցութիւնը, Պետօ քսանամեայ ուսուցիչ էր Ալեքսանդրապոլի մէջ։ Անմիջապէս միացած է նորակազմ կուսակցութեան եւ ուղղուած է դէպի Թաւրիզ, Պարսկաստան, հոնկէ Երկիր անցնելու համար։
Պետօ Վան հասած է 1890-ի վերջերը՝ իբրեւ նէօքար (ծառայ) ծպտուած. ոտքին տրեխներ եւ գլխուն՝ բուրդէ փափախ, ինչպէս որ կը վկայէ «Դրօշակ», 1896-ին, յետ մահու Պետոյին նուիրուած իր առաջնորդող յօդուածով։
Պետօ այդպէս աննկատ շրջեցած է Վասպուրական աշխարհով մէկ։ Ամբողջ երկու տարի այդպէս գործած է եւ ծայրագոյն գաղտնապահութեամբ, Այգեստանի եւ շրջակայ գաւառներուն մէջ, հիմը դրած է դաշնակցական կառոյցներու։
Պետոյի յեղափոխական գործունէութեան համար գլխաւոր դարձակէտ հանդիսացած է 1892-ին անոր մասնակցութիւնը Հ.Յ.Դ. Առաջին Ընդհանուր Ժողովին, Թիֆլիսի մէջ, ուրկէ Վան վերադարձած է՝ իբրեւ շրջանի մօտ Հ.Յ.Դ. լիազօր ներկայացուցիչ եւ արդէն կովկասահայ երիտասարդներէ բաղկացած յեղափոխականներու սեփական խումբով, զէնքով ու զինամթերքով[2]։
Ծանօթագրութիւններ
[Խմբագրել | Խմբագրել աղբիւրը]- ↑ «Պետօ (Աղեքսանդր Պետրոսեան, 1870-1896), Հայ Ազատագրական Շարժման Անպարտելիութեան Աղբիւրը – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2023-08-06
- ↑ «ՅՈՒՇԱՏԵՏՐ – ՊԵՏՕ (Աղեքսանդր Պետրոսեան, 1870-1896) Ֆետայական Զոհաբերութեան եւ Յեղափոխական Միասնութեան մարտունակ դարբինը – ԼՈՒՍԱՒՈՐ ԱՒԵՏԻՍ» (en-US)։ արտագրուած է՝ 2023-08-06
Այս յօդուածի կամ անոր մէջ որոշակի յատուածի սկզբանական տարբերակը վերցուած է «Հայկական Հարց» Հանրագիտարանէն, որու նիւթերը թողարկուած են Քրիեյթիւ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|